إلى شركة RAKUAE

[Apachi]

السلام عليكم ورحمة الله وبركاته

انا كنت مستضيف عند شركة راك يو اي اي ..

اشتريت منتدى مرخص بمبلغ 700 درهم إماراتي ..

وفي النهاية اكتشفت بأنه مسوي ربط للباسورد في لوحة وحدة عشان يوفر مبلغ زهييييييد ما يقارب 30 او 40 درهم أماراتي .. ويوم ييت اطلع من عنده ..


رفض انه يعطيني الباسورد او يعزل الباسورد من اللوحة ..

كلمت شركة في بي .. وقالوا لي بأنه يقدر يعزل الباسورد وخله يراسلنا عشان نعزل الباسورد ..

وطبعا كلمته ولا حياة لمن تنادي ..


الحين انا في شركة ثانية .. ويوم ابغي اسوي ترقية طبعاً ما اقدر اسوي ترقية

والحبيب صاحب السيرفر .. لا يرد لا على تيلفون ولا على مسج .. وفي النهاية مغير رقم تيلفون


انا حبيت اكتب هالموضوع عشان احذر اي شخص بالتعامل مع هالشخص الغير كفئ بالثقة والي هب عند كلمته ..


واقوله .. تراني هب مسامح في مبلغ الترخيص لا دنيا ولا آخرة ..

والله يهنيك في هالمبلغ الي خذته عني بدون وجه حق ..اعتقد الحين سكر الشركة من كثر ما ينهب اموال العالم بغير وجه حق ..

او يمكن غير اسم الشركة

المهم الريال اسمه عبد الرحمن الزعابي من راس الخيمة في دولة الإمارات .. وصاحب محل اسمه كليك للكمبيوتر بخلف مكتبة الحرمين ..


توخوا الحذر


وحبيت اسأل ... الحين شو الحل في الترخيص .. هل اني اقدر اشتري ترخيص يديد ولا كيف الحين ..

ويزاكم الله كل خير

[Legend KSA]

اشتري ترخيص جديد


والافضل تشتريه من الشركة مباشره او عن طريق وسيط ذو ثقه

[Sc®iPt]

vbulletin.com/order

بإمكانك شرائه من هنـا ..

من الشركة الأم مباشرة ً ..

[Apachi]

بارك الله فيكم .. ما قصرتوا ..


يعني افهم من الكلام أن الترخيص القديم خلاص .. راح علي وفلوسي راحت في بطن صاحب السيرفر بالحرام ؟؟

عموماً جزاكم الله كل الخير .


ولكن في نقطة ..


الحين انا في الشركة في بي .. الدومين مالي يبين في الشركة أني مرخص ..

لو ركبت ترقية منزوعة الكود .. في مشكلة علي او لازم اشتري ترخيص جديد ؟؟


والسموحة

[كارم ابراهيم]

دام انك مرخص موقعك عادى ركب اى نسخة لو وصل شكوى عليك بتوضح رقم رخصتك بس

[www.q6if.com]

والله لو انا منكـ اروح له المحل اعلمه ان الله حق ,,

الله يسااااااعدكـــــــ

مملكة الدروس

[Apachi]

جزاكم الله كل الخير ما قصرتوا

والسموحة