السلام عليكم ورحمة الله وبركاته
شلونكم شخباركم
يوم الأحد الماضي نمت الساعه 12 الظهر صحيت الساعه 5 الفجر قمت وغسلت وصليت وافطرت وشغلت النت ساعة وبعدها لبست ورحت للمستشفى دوامت مافيه احلى من الدوام مروق وشبعان نوم وجالس بالعياده اخلص اورق المرضى
جلست انا والشباب نسولف قال المدير بروح للكويت اليوم قلت بروح معاك الا معنا اثنين يضحكون وش تبي فيه قلت شوفوا رجاء الا المدير الدعوه فيها مصالح واجازات
رد علي قال انا ابي افتك منك والحين بتروح للكويت قلت ايه بنروح قال انا ابي اروح لعرس
قلت عرس منو قال فلان قلت هذا صديق لي وابي اروح معاك واعطيه العنية قال بطلع الحين قلت توكل على الله المهم الرجال مشى وانا كملت لين نهاية الدوام رحت وحلاقت وضبطت نفسي وطلع الا عجاج وغباره قلت لجل عين تكرم مدينة وصلت الكويت العشاء
رحت سلمت على الرجال واعطيته العنية ومشيت لاني تعبان برجع للحفر قلت يامجود انت مبطي عن الكويت جاني الشيطان بالعربي رح خذ لك وجبه واشتر ملابس وخذ لك رأس شيشة بكلاسكال قلت تم
ومشكلتي ما ادل الديره الا على طريق الخليج المهم اول ما وصلت الطريق الا اشوف الناس واحد يفتح الباب على الثاني ويرش عليهم رقوه قلت وش عندهم الخبول هذولاء
الا مو سياره وحده ولا ثنيتن ولاثلاث شكيت بالوضع رحت سكرت الدريش السياره وسكرت الدقم على شان ما احد يفتح علي ودقيت على واحد قال يارجال عندهم احتفالات قلت يالليل الليل بطلع منهم الا مافيه فكه انقردت بالعربي الا قدامي بنوتات يقولون افتح الدريشه قلت لا قالوا سعودي قلت ايه سعودي قالوا ياهلا بك وش عندك قلت محتفل معاكم اليوم وبقلبي اقول الله **** اليوم اللي جيت فيه الكويت هههههههه
والمسلمين يرشون علي من الرقوه وانا ساكت واستلمتني وحده الله لا يعطيها العافية وصخت سيارتي رقوه والمشكلة والمصيبة المساحات مافيهن ماء روح احلى نكبه
قلت كل الناس مستانسه الا انا اشتر يامجود رقوه وفلها مع الناس قلت هاه رد علي واحد من خلف الكواليس يامجود انت واد ثقيل وياغريب خلك أديب وبعدين الحين اذا شريت رقوه كل من جاء رش عليك بس خلك هاجد
ضعيت اللي ابيه وضيعت المارينا الا في شباب قدامي قالوا سعودي قلت ايه
قلت يالربع ابي المارينا قالوا حنا ريحين لها قلت معكم
الشباب نسوني وجالسين يفرون من مسيره الى مسيرة وانا وراهم هههههههه
رفعوا ضغطي وانا اوقفهم قلت انتم ماتبون المارينا قالوا يوووووه نسيناك وجالس نفر من اليوم ههههههههههههههههههه قلت اقول قالوا هاه قلت دلوني بس على الجهة قالوا مناك المهم رحت الشوراع سكره غسلت يدي قلت بلا شيشه وبلا هم بروح للحفر وانا راجع واطالع يسر الا هذي المارينا وابريك الا مسكر الشارع بالدوريات وانا الف عليهم افتح الشارع قالوا ممنوع قلت ممنوع ولا مو ممنوع افتح بس انا لي فوق اربع ساعات افر ابي هالمكان وتقول ممنوهع قالوا ياخ توكل على الله قلت والله ما اروح تبي تسجني اسجني انا سعودي ولا اعرف الا هالمكان هههههههههههههههههه فكوني وخلوني ادش
المهم تعشيت وطلبت الشيشه وهدت الامور وتعدل المزاج
الحين برجع للحفر وانا راجع وماردني الا العبدلي قلت يانهار مش فايت
هههههههههههههههههههههههههههههههههههههههههههههههههه ههه ضايع بالطوسه
رجعت لين وصلت الجهراء ومسكت طريق السالمي الساعه 2 الصبح يعني باقي 3 ساعات وأكمل 24 ساعه يوم مسكت الطريق والله يالربع انام واصحي
يوم شفت السالفة كذا دعسه وحده 170 لين وصلت الجوازت اشوى يوم طلعت الا في سعوددين يشرون قلت اركبوا قالوا بكم قلت انا بعطيكم بس اركبوا وهذي السياره مافيني حيل اسوق يوم وصلت الحفر 4 الفجر كيلوا عن البيت وتنبشر السياره هههههههه
ونغير الكفر وتنكسر الصواميل مابقى فيه الا حبه وحده واروح للبيت وازق اخذ سيارة اخوي
ووصل الرجااال رديت للبيت كملت 24 ساعه مانمت ارسلت رسالة للمدير
قلت شوف حنا ربع وخويا ولكن تراء اليوم ماني مدوام عندي ظروف شخصية وحالتي يرثاء لها شرايكم باليوم الاقشر :nice:
رد مع اقتباس
المشاركة الأصلية كتبت بواسطة مجود الحفر 
فيه مثل عند اهل القصيم يقول (اذا كلت من البصل فكثر منه) 