السلام عليكم ورحمة الله وبركاته
كنت من ساعتين فى قاعة المؤتمرات بحضر اخر يوم من معرض cairo ict للتكنولوجيا والاتصالات وصديق عمرى يعمل فى شركة تى داتا المهم انهم فى جناح الشركة بالمعرض جايبين جهاز wii مش عارف اقولكوا ايه بس انا عندى حالة انبهار فظيعة بالجهاز دة انا عمرى ما شوفت جهاز العاب يعمل الى بيعمله ال wii
اللعبة الى كنا بنلعبها عبارة عن تنس ارضى الجهاز دة شكله
عالشمال دة دراع اللعب joystick يعمل تقريبا بالبلوتوث غير موصل بالجهاز تماما مما يتيح حرية اللعب المهم والغريب فى اللعبة انه عن طريق الدراع الجهاز يقوم بقراءة حركاتى ! يعنى كمثال حى دى صورة انا مصورها احنا بنلعب تنس كما فى الصورة هنا
لازم احرك ايدى كانى بشوط الكورة وعلى حسب قوة ايدى على حسب ما الكورة تطلع جامدة او ضعيفة عالشاشة ولازم اتحرك يمين وشمال واروح فى اتجاه الكورة ولو واطية لازم انزل ايدى تحت فى الهوا واشوطها وكانى ماسك مضرب تنس بجد طبعا نفس الكلام فى لعبة الملاكمة يعنى لازم اضرب بايدى واتحرك افادى الخصم يعنى فعلا بعمل مجهود وانا بلعب مش مجرد لعب بشكل عادى , طبعا زوار المعرض اتلموا علينا واحنا بنلعب وشايفين اتنين واقفين عمالين يتحركوا كانهم بيمثلوا انهم بيلعبوا تنس وكتير منهم يا مش فاهم يا مش مصدق بس الموضوع بصراحة احساس غريب طريقة التفاعل بين الانسان وهذا الجهاز
شوفوا الفيديو دة نفس اللعبة الى كنت بلعبها النهاردة شوفوا يا جماعة ومتعوا عنيكوا
YouTube - Wii Trailer 1
جهاز مبهر وامكانيات عمرى ماتخيلت انها ممكن تكون موجودة حبيت بس اشارككوا الموضوع لان الجهاز دة برغم انه من شركة نينتندو الا انه مش بنفس شهرة بلاى ستيشن لكن بالمنظر دة بصراحة الواحد يجيب دة طبعا