ابي لي مستوسف يعطي اجازات

[mad921]

سلام عليكم

علومكم وش اخباركم

انا بيقدر الله علي وبغيب يوم الاثنين الي هو بعد بكره وكل ماغبت

بينشبون لي يبون تقرير من اي مستشفى وينشب لي واحد جب

تقرير ياصالح مودنا نرفع عليك خصميات وهاذي اول سنه تعيين

ابي لي مستوسف في الرياض ابروح ابدفع الكشفيه الي يبون

ويعطوني اجازه يوم تخبرون لي اكتبو اسمه ولا يعطيني ايميله اضيفه

[سليمان عبدالعزيز]

بالحاره يا صالح

مستوصف المروج الطبي شفه بعد ماك ... يمكن بـ 500 متر تقريباً

قبل مخابز هرفي الثانيه

قد دفعت للدكتور ناسي اسمه
وعطاني كشفيه

بس طبعا هذا طبيب العايله يعني اعرفه زين ...

[b-najd]

شف فيه مستوصف بـ 30 ريال ,,

بحي الروآبي

مدري ان كان بعيد عليك ولا لآ ,,

اسمه مستوصف شذا

شف السدحان اللي جنب كلية المعلمين تخلي السدحان على يمينك و اول لفه بعده ادخل طول على طول و تبي تلقاه عاليسار هو ,,

[badmoon]

شف فيه مستوصف بـ 30 ريال ,,

بحي الروآبي

مدري ان كان بعيد عليك ولا لآ ,,

اسمه مستوصف شذا

شف السدحان اللي جنب كلية المعلمين تخلي السدحان على يمينك و اول لفه بعده ادخل طول على طول و تبي تلقاه عاليسار هو ,,

صحيح

[mad921]

دنيا الجوال: بس هاذاك حكومي ويبي له تحويل وشغله ولاتدري يمكن مايظبط

b-najd: لوه اخر الدنيا مهب مشكلة بس يعطيني اجازه ولاعليك امر وصف لي مع الدايري الشرقي لني بشرق الرياض ما اعرف فيه شئ ابد
ويعطيك العافيه

badmoon: كان وصفت لو حاره هع تسلم

يعطيكم العافيه

<< اعجبه وضع التقارير

[الرومانتك]

اخوي إذا غيابك بدون عذر فخلهم يخصمونه ولا تآكل شي مو حلال

بتلقى عشران اللي يعطونك الإجازه .

[b-najd]

هلآ آخوي ,,

تفضل من خريطة قوقل

توصيفي الله بالخير

Wikimapia - Let's describe the whole world!

اللي عليه علآمة +

رح لمهم الساعه 8 بعد العشا ,,

عشان الدكتور يكون مآآجود

مب تروح ولا تلقاه ,,

[النجدي]

السلام عليكم ..

مرحبا اخي , الا ترى عزيزي ان في ذلك تلاعب ؟؟ وربما يدخل في دائرة المحرمات شرعاً !!

ارجوا ان تستفي احد المشائخ الافاضل قبل ان تفعل اي شيء .

هي نصيحة لا اقل ولا اكثر

وتمنياتي لك بالتوفيق,,

[mad921]

b-najd والله يا انا لفيت الرياض على الخريطه بس ماوصلت الدايري انت قل وصفك وبفهمك

والله يابتسوي فيني خير لي اسبوع ادور لي على مستوسف

الرومانتك : والله ياخوي عندي شغله ضروريه الصباح لزم اخلصها ولو غبت بتسجل لي خصميه وترفع وتويي متعين
ماودي ترفع للمدير لو بعذر بتمشي وهي والله ماتفرق معي خصميتهم ولا حولها لرصيد إجازات اتوقع فهمتني

لاتنسانا ياصديقي بوصف

[b-najd]

بوصف وان شاء الله تفهم

شف رح لم مخرج 15 تقاطع المية مع الدايري الشرقي ,, خل سوق المجد ورى ظهرك وطول على طريق المية الين يصير على يسارك الهرم ويمينك سوق يبنونه اللحين وجنب مدرسة البيارق

عاد لف يسار بعد الاشارة وطوّل الين اول اشارة يبي يصير السدحان على يسارك ديور معها ويصير على يمينك

وخش مع اول لفه بعد السدحان وسيّد شوي تبي تلقى على يمينك برآحة ويسارك المستوصف


وآن شآء الله تفهم التوصيف << هيّن ان فهم

[مجود الحفر]

bronchitis


تنفع من الحفر ^-^


احدثك الان من HOSPITAL

[بدر شفاقة]

موضوعك احس ماله داعي يا ولد
لكن
خذ العلم والتقرير والاجازهـ بـ 30 ريال ( قيمة الكشف بس )

وانت داخل شارع خالد بن الوليد جاي من طريق الملك عبدالله ورايح باتجاهـ اسواق السدحان والرياض مول تجيك اول اشارهـ قبلها فيها مستوصف كبير على يدك اليمين وهو تقريباً الوحيد على شارع خالد بن الوليد
تراهم ذيابه مهم مقصرين معك

وبعدين على فكرهـ اغلب مستوصفات الرياض الاهليه يعطون تقرير واسعارهم رخيصه بين 30 الى 50 ريال بس شكلك ما تجي معهم بأسلوب :nice: :nice:

[مجود الحفر]

وانت داخل شارع خالد بنت الوليد

بدليه توديك في ستين داهيه ياقدع
ههههههههههههههههههههههههههههههههههه

شكلك مبطي عن السجن

[Majed r.k.o]

لو انك في جده كان ابشر من عيوووووووووووني

[بدر شفاقة]

هههههههههههههههه
ردي عدلته اكثر من 4 مرات والسبب حرف الـتاء وبالاخير كتبت بنت وانا ما ادري <هو الي يبي له تقرير طبي مهو كاتب الموضوع
الله ستر وعدلناها قبل لا نجيب العيد