الآن لينكس ردهات 7.2 فى الأسواق مع مجلة أونلاين

[المرشد]

اقول في النهاية:

الناس تعودت على الوندوز , ووندوز له فضل عظيم لدخول عالم الكمبيوت و النت عند العرب كلهم تقريبا ( قلت تقريبا لا تاكلوني ههههه)

سبب انتشار الوندوز خصوصا بين العرب هو انتشار النسخ منه التي تباع ب20 درهم


انا شاطر يا بيتي اشتري النسخة الاصلية و لا تركبها الا على جهاز واحد و اقرا تفاصيل اتفاقية المستخدم الي تسويها ميكروسوفت و قاوم اذا تقدر هذا الشي غير موجود ف ياللنكس تقدر تنزل النظام كله مع سيدي كامل برامج مجانا , هذا اذا بغيت , اذا الاتصال بطيء , تقدر تشتري السدييات من غير داعي للكوبي

اتمنى يكتمل الموضوع من غير جدال
تحياتي

[u1901]

ومن متي كنا نسمع كلام ميكرسوفت ونشتري الاصلي ؟!؟!

انا عمري ماشتريت نسخة اصلية ، وميكرسوفت لاجت ولاكلمتني ولادقت باب بيتي و لا هم يحزنون !!
هم مايكزون على البيوت ، هم يركزون على الشركات ..
انا اذا اشتغل على الوندوز بمجال تجاري ، فادفع حق النسخة واركبها على شبكة ، ويعتبر المبلغ الي اكسبه تراب الفلوس بالنسبة للي اربحه !!

وبالله كيف يركب هذا الكلام

###
بعدين لو ما منه فايدة هذا الشي , ليش بالله في الوندوز زر ابدا و منه تنتقل للوحة التحكم او للبرامج او لغيرها

ليش التخلف هذا ؟؟ ما نقدر يعني نروح للوحة التحكم من ما يكمبيوتر من على الدسكتوب؟ -- شفت كيف كلامي ماله معنى؟!--
####

على هذا الكلام

############
مرة رحت عند واحد و كان مشغل اللنكس عنده , الخلفية كانت عبارة عن صورة لواحة فيها نخيل و غيرها و فيها ايضا ماء و الماء كان يتحرك كأنه حقيقي , و لما فتح الترمنال ( شبيه بالدوس في الوندوز ) انعكس الترمنال على الماء و اي شي تكتبه في الترمنال ينعكس على الماء
كان منظر فظيع جدا ( هذا رد على ان استخداماته تنحصر على السرفرات)
###################

الحين لوحة التحكم منها فايدة ، وهي انك تعطيك تحكم بنظام التشغيل *تغير الالوان -تعرف الكروت - تحذف البرامج -تعرف موارد النظام - تعرف الODBC على القواعد -تضيف مستخدمين -تغير شكل العرض ) هذي كلها بس تضغط على ابدا بعدها اعدادات بعدها لوحة التحكم يالله!!

اما على الينوكس ، فتروح التيرمنال وبعدين .... القصة الطويلة الي يعرفها اصحاب اللينوكس عشان يعرفون كرت ولا يغيرون العرض و .. و ... قصص تكتب في كتب ، حكاية طويلة عشان يخلص شي واحد على بعضه ....

وبعدين تعال !! الهاردوير مدعوم مثل الوندوز ؟؟ يعني طبعا يجب ان تخبرو الجميع قبل ان يركبوه بانه مو كل الكروت تشتغل ، يعني ممكن يضرب معاك كرت ولا كرتين ....اخبروهم ، قولو لهم ذلك ....مو تخليهم يورطو ويخبصوا الدنيا ...

الاف الكروت تشتغل على الوندوز ، ودائما هي في تحديث ، بينما الينوكس يفتح الله ، وقت ماواحد تصننف عنده وجا في باله يسوي تعريف لكرت وقتها يصير خير ...

على فكره انا ركبت اخر شي الماندريك 7.2 وكنت ابغ اركب الاصدارة الاخيرة بس شفت اني ماحستفيد شي مثل 7.2 ولاعرفت اسوي شي فطنشت ...

وابشرك ، حركة الalt+f1 وغيرها مو مقتصرة على الينوكس بس ، موجودة ايضا في انظمة الماكنتوش الي ميكرسوفت لها يد فيها يعني ...دور شي اصرف ...

[المرشد]

انا ماغلطت لما قلت انك تركت النظام لانك ماعرفت تتعامل معاه,,,


انا لما قلت سالفة ابدا و بعدين تروح للكونترول بنل , ماكان انتقاص من قيمة الكونترول بانل ولا كان للكونترول بنل دخل في الموضوع!

كان قصدي يا حبيبي ( نشرح بالتفصيل عشانك):
اذا بغيت اوصل للكونترول بنل( مثلا- عشان ما تزعل نخليها برنامج , بلاش كونترول بانل) اذا بغيت اوصل لبرنامج معين , اروح لزر ابدا و بعدها برامج و من هناك اختار البرنامج عشان يشتغل, و في نفس الوقت اقدر اروح من ماي كمبيوتر و بعدين سي درايف مثلا و بعدين ماي بروجرامز و منها البرنامجعشان يشتغل,
طيب هذه وش استفيد منها ؟! ليش اللفة الطويلة العريضة هذه؟؟


حبيبي , انا ماذكرت الكلام هذا الا من باب الرد على كلامك انه ماذا استفيد من التموج الي يصير في الخلفية , كلامي ايل ذكرته فوق هذا ماله معنى و اي مبتدء في ( الوندوز) بيقولي يا حبيبي اذا مب عاجبك ماي كمبيوتر استخدم ابدا و خلاصّ! ليش مكبر السالفة يعني كلام ماله داعي

انا ذكرت التموج كمثال غير موجود في الوندوز , فائجته من عدمه لا تعنيني , هناك مئات الاشيا الي لا تفيدني في الوندوز و تفيد غيري ,,,


بعدين عن الكونترول بانل في اللنكس و دم الكروت,

اثبت كلامك انك غير مطَلع على النظام من اساسه و تتكلم من عقلك ...

يا حبيبي الترمنال موجود , صح و منه تقدر تسوي كل شي ( عكس الدوس الي تكون محدود فيه ) اذا ما عجبك الترمنال تقدر تستخدم الواجهة الرسومية و تعدل في العرض و في الكروت و في كل شي بالرسوم و من غير كتابة ولا شي المسألة فيها اكثر من خيار , عندك الترمنال و عندك الواجهة الرسومية ,



تتكلم عن الدعم العتاد ,,,
اذكر والله لما نزل الوندوز 2000 ناس بكوا و ماحصلوا درايفرات مو لكرت او كرتين بس هههههههه

انا للحين ادور على درايفر للدي اس ال عشاشن يشتغل على الوندوز 2000 مو لاقي ,
الاكس بي لا يدعم الكثير جدا من الكروت و العتاد , و فوق كل هذا لا يدعم الكثير جدا من البرامج!!! انا عندي برامج كثيرة ماقدرت استخدمها على الاكس بي بالله شو الحل ؟؟؟ كيف اتصرف؟


اخاف تفهم من كلامي اني انتقص من قيمة الاكس بي ,, والله هو شكله حلو بس الله يعلم في الباطن


بعدين يا صاحبي بذكر نقطة بسيطة
تقدر تشغل كل برامج الوندوز تقريبا في اللنكس من خلال تخزين برنامج بس
المبرمجين الي يبرمجون باستخدام الفجوال بيسك يمكنهم الانتقال للنكس من غير خوف , يوجد برنامج مكافئ له 100%

http://forums.c4arab.net/showthread....&threadid=4532

اخاف تقولي اللنكس خاف يفشل فقام يقلد ميكروسوفت هههههه


تحياتي

[عبد الرحمن]

الأخ المهندس وفقه الله :

وصفك لبرامج ويندوز بأنها رديئة فيه تجن عظيم من وجهة نظري الخاصة.


وقد لحظت هذا لدى جمعية الحاسب السعودية

وأعتقد اعتقادا جازما أن الصواب قد جانبك في هذا التعبير.

لا أريد أن أعقد مقارنة بين النظامين هنا.

لكن ما يتعلق بالتعريب والبرامج العربية فلا مقارنة أصلا بينهما. ومن يقارن بينهما هو كمن يقارن بين مبصر وأعمى في الرؤية.

لقد ركبت إصدارتين من لينكس : ماندريك 8، وردهات.

وواجهت مشكلات جمة، وخدعت بكلام جمعية الحاسب السعودية الذين ذكروا أن لكل برنامج في ويندوز مقابلا في لينكس.

وهذا كلام غير صحيح.

نحتاج إلى دقة في التعبير عن الألفاظ

فأنا أصف النظامين :

1 - نظام ويندوز نظام قوي من حيث التعريب والتطبيقات البرمجية. ويتميز بالسهولة وقوة الأداء ( صدقني أنا أتعامل مع برامج تحرير النصوص : لم تر عيني أقوى من برنامج وورد !!).

فهو للاستخدام المنزلي أفضل وأسهل.

2 - نظام لينكس : أنا لا أختار أبدا نظام ويندوز مزودا (سيرفر) بل أتجه فورا إلى لينكس. لأنه أفضل من هذه الناحية.

نظام لينكس جيد للمخترقين ( تستطيع العبث برقم IP وبرامج الاختراق القوية تعمل عليه ) وهو عمدة المستضيفين. لكنه عسر الاستخدام حتى مع الواجهة الرسومية!

لا يمكنك التحكم الكامل في مواقع البرامج على القرص الصلب، التركيب يتطلب برامج معينة، ومكتبات معينة. RPM

شيء بهرني في ماندريك وأخفق فيه نظام ويندوز هو عرض الألوان. فمعلوم لدى أصحاب التصميم أن نظام ويندوز لا يعرض لك الألوان كما هي على الشاشة في حالة الطباعة. عكس نظام ماكنتوش

لكن ماندريك 8 شيء آخر في عرض الألوان. ولو وجد برنامج فوتوشب على لينكس ( لا أعلم إذا كان موجودا ) فأظن أن كثيرا من المصممين سيتجهون إليه.


أنا أحاول التعامل مع لينكس؛ من أجل إدارة موقعي على جهازي.

ختاما أقول :


في منزلي : يمكنني الاستغناء عن لينكس لكن لا يمكنني الاستغناء عن ويندوز

[almohandes]

السلام عليكم
بصراحة أنا سعيد جدا لتشعب الموضوع و على هذا الإهتمام
فالموضوع كان مجرد إعلان عن نجاح مجموعة لينكس-مصر فى اصدار الأسطوانات مجانا مع مجلة
عموما أقول مرة أخرى باتساع الموضوع
لكن حتى تكون الإجابة منظمة , لدى اقتراح
أن يقوم المعترضون على لينكس أو حتى الذين لديهم ملاحظات عليه
أن يقوموا بكتابة كل ملاحظاتهم فى نقاط محددة و سيتم الإجابة عنها ان شاء الله
حسنا
حتى يكون هناك وقت كاف لأكبر عدد من الأشخاص سوف أمتنع عن الرد لمدة يوم , ثم أرد بعد ذلك
موافقون ؟؟؟
شكرا جزيلا
السلام عليكم

محمد الدسوقى
http://www.linux-egypt.org

[u1901]

المرشد * وسع صدرك *

-------

بالنسبة لقصة انه كل برنامج له حوصه طويلة على بال ماتشغله فاقلك ان هذا الكلام $غير صحيح $
تستطيع ان تشغل اي برنامج في الوندوزبعده طرق :
1- بثلاث ازرار (ctrl+alt+[but]) زرين ثابته وزر تحدده انت وعشان تسويها روح على خصائص الاختصار .

2- فيه شي في الوندوز اسمه Quick Launch تحط فيه الاختصارات للبرامج التي تريدها وموجود بجوار ابدا ويمديك تحطه في اي مكان تريده .

3- فيه امر في الدوس اسمه path تروح تعرف فيه مسار البرامج الي تبغاها تشتغل بشكل مباشر وفقط تنفذ البرنامج بعد ذلك من ابدأ ثم تشغيل ...واكتب اسم البرنامج مباشرة ...

هذا غير انك تحط لاي برنامج اختصار لسطح المكتب ودبل كليك وانتهي الموضوع ولاترمنال ولاهم يحزنون ..


بالنسبة للعتاد ، فانا اتكلم عن دراسة واطلاع ومو من راسي *واخذ في هذا دبلوم * ..
ميكروسوفت انتجت ملفا فيه تفصيل بكل الاجهزة المتوافقة مع الوندوز الفين اعتقد اسمه HCL او HSL والله ماعدت اذكر ..

وعاد الي بكوا من قالهم يركبوا قبل مايسأ لوا !!

وبالنسبة لي ،فكل شي تعرف على الوندوز الفين ، مافيه الاكرت الصوت opti شركته باعته لشركة اخرى وتلك الشركه لم تعمل له اي تحديث ..

----

اذكر عندما قامت شركة متورولا باصدار درايفر لاجهزتها على الينوكس حصلت هيصة وزمبليطة ولاكانهم شافو مودم على الينوكس !!

----
بالنسبة لي انا اشتري قطع تتوافق مع النظامين ، اشتريت مودم ZOOM وصرت احسب حسابي قبل اشتري اي كرت انه يشتغل على جميع الانظمة عشان الخسارة تكون مره واحدة !!
-------
ان استعانة اللينوكس بالوندوز على ضعفه وقلة حيلته وعجزه على ان يصل الي مستوي ذلك النظام الراقي ..
-------
لله درك يابوعبدالرحمن ، اتمني ان يبرز رجل مثلك يقولون الحقيقة !!
------

الاخ المهندس ، لاتقل كلاما فيه تجني كبير على النظام الراقي وبرامجه الراقية من باب الدعوة لاستخدام نظام اخر يستحيل ان يصل الي الدرجه التي ترقت بها الانظمة الاخرى !!
اتمنى ان تراجع اي كلمة قبل كتابتها بحق اي نظام اخر !!
-----
نظام وراءه قيادة ليس كنظام يبعثر فيه الهواة والهكرز كيفما شاؤوا، وللمعلومية فان اكثر الاشخاص الذين رايتهم ركبوا هذا النظام هم من الذين يهتمون بامور الهاك ويحبون ان يشتغلوا على النظام من باب فرد العضلات فقط ، وليس لاي شي ناجح ..
-----------
واعذروني على اسلوبي العنيف ===> *وقح*
واتمني المعذره وارجو انه الجميع يوسع صدره على اخوكم ...

[المرشد]

صدري وسيع على الاخر حتى مابقى قماش عند الخياط عشان اوسعه زيادة,


ياخي ارجوك افهمني ههههههههههههههههههه يا ناس يا عالم كيف افهمه , ياخي اسمع والله انا احترت الحين كيف اوصل لك المعلومة

طرق اختصار تشغيل البرامج الي ذكرتها لي ممتازة و بارك الله فيك شاطر, بس ياخي انا ماذكرت هذا المثال الا من باب اني اكون انسان عديم سالفة عشان اوضح نقطة انت مش حاب تفهمها .. اوكي وصلت؟


-------
لله درك يابوعبدالرحمن ، اتمني ان يبرز رجل مثلك يقولون الحقيقة !!
------


هههههههههههههههه يعني نحن نكذب!!! الله يسامحك , و انا شو مصلحتي ان مدحت نظام ولا ذميت اخر ؟ هل بل جتس بيعطيني شي يعني؟!




الاخ المهندس ، لاتقل كلاما فيه تجني كبير على النظام الراقي وبرامجه الراقية من باب الدعوة لاستخدام نظام اخر يستحيل ان يصل الي الدرجه التي ترقت بها الانظمة الاخرى !!
اتمنى ان تراجع اي كلمة قبل كتابتها بحق اي نظام اخر !!



ليش يستحيل؟ ممكن تكلمني بالمنطق بعيدا عن العواطف ؟

شركة ميكروسوفت ان زاد عدد موظفيها عن 50000 مبرمج
هل سيتساووون مثلا بعدد المبرمجين المشاركين في تطوير اللنكس بمختلف نسخة ؟؟ هذه و اللنكس بمتخلف نسخة الله يعلم اذا كلهم شغالين في نسخة وحدة ..

لاجد يعني المنطق يقول اذا 100 اشتغلوا على شي ( مع وجود ادارة تقودهم) افضل من ان يشتغل 5 على شي ( مع وجود الادارة) ..




بعدين ليش تصف نفسك بالوقاحة مب زين ياخي
تحياتي

[u1901]

لاجد يعني المنطق يقول اذا 100 اشتغلوا على شي ( مع وجود ادارة تقودهم) افضل من ان يشتغل 5 على شي ( مع وجود الادارة)

++++++++
هذا منطق ؟؟ هذي فوضى ومبين في الفوضي الي ماشي عليها الينوكس مايثبت على شي !!

==================
ليش يستحيل؟ ممكن تكلمني بالمنطق بعيدا عن العواطف ؟

======

ماكنت اتكلم بعواطف ابد

==========
شركة ميكروسوفت ان زاد عدد موظفيها عن 50000 مبرمج
هل سيتساووون مثلا بعدد المبرمجين المشاركين في تطوير اللنكس بمختلف نسخة ؟؟ هذه و اللنكس بمتخلف نسخة الله يعلم اذا كلهم شغالين في نسخة وحدة ..
============

صحيح ؟؟ كم عدد مبرمجين اللينووكس !!؟؟ مية ؟ ميتين ؟؟ *انا اتكلم على الرسميين * مو على الهواة الي يشتغلو وقت التصانيف
============
####
بعدين ليش تصف نفسك بالوقاحة مب زين ياخي
######

اوووووه ، صحيح واااااالله ؟؟ ماكنت ادري !! علمني ياشيخ تكفه بس كل واحد عاد يفهم بعين طبعه والشرهه على الي مايفهم

[المرشد]

طال عمرك ,
انا حاط في بالي في البداية
انك لن تفهم , تعرف ليش؟؟ لانك ما تبي تفهم


انت داخل عرض كذا تجادل و مهما قلنا من حقائق انت بتغمض و تقول لنكس ما يسوى و وندوز هو الافضل دائما و ابدا

قمت اشك ان بل جتس يوزع فلوسه هههههههههههههه


مادري والله اكمل الجدال ولا اوقف عند هذا الحد ,,, لاني والله حاولت اكثر من مرة افهمك بس انت ردودك يا طويل العمر تدل على جدال واضح من غير اي ذرة امل ان في احتمال ان يمكن تقتنع ..

اذا سمعت لنكس , لالالا ما ينفع ما ينفع, ليش طيب؟؟ بس كذا مزاج ما ينفع..





كلمةاخيرة ..


من اسباب تحطيم لنكس لوندوز و جعله لا يسوى حتى ظفر اللنكس ان ( مصدره مفتوح)



اتمنى اني لما ارجع ماشوف كلام ماله داعي عن المصادر المفتوحة


تحياتي

[u1901]

#######
انا حاط في بالي في البداية
انك لن تفهم , تعرف ليش؟؟ لانك ما تبي تفهم
########

كل واحد يفكر بعين طبعه !!

#########
انت داخل عرض كذا تجادل و مهما قلنا من حقائق انت بتغمض و تقول لنكس ما يسوى و وندوز هو الافضل دائما و ابدا
############

اي حقائق واي ككلام ، قاعدين تضحكوا على الناس ، الوندوز الافضل وبجدارة واكبر دليل انك ماتقدر تتخلي عنه ، بينما الليونكس في اي لحظة تقدر تحذفه !!

####
قمت اشك ان بل جتس يوزع فلوسه هههههههههههههه
####

صحيح ؟؟؟ تكفى ؟!!

####
مادري والله اكمل الجدال ولا اوقف عند هذا الحد ,,, لاني والله حاولت اكثر من مرة افهمك بس انت ردودك يا طويل العمر تدل على جدال واضح من غير اي ذرة امل ان في احتمال ان يمكن تقتنع ..
#####

الكلام مكتوب وكل واحد يقدر يقرا ويحكم ...

####
اذا سمعت لنكس , لالالا ما ينفع ما ينفع, ليش طيب؟؟ بس كذا مزاج ما ينفع..
#####

قلنا ينفع كموارد ، ولكن انه افضل من وندوز من ناحية التطبيقات مستحيل ..

#####
من اسباب تحطيم لنكس لوندوز و جعله لا يسوى حتى ظفر اللنكس ان ( مصدره مفتوح)
######

ماشفنا شي بل هذا الكلمة الوحيدة الي ماسكين عليها اصحاب اللينوكس كعلة وسبب مع اني سمعت *اعتقد* انه ميكروسوفت ستعتمد نظام الشفرة المفتوحة ضمن قيود معينة ، وانا شايف الينوكس شايفه ساقط في كل المجالات ماعدا انه سيرفر يوفر موارد اكبر بسعر ارخص واستقرار اضخم !!

####
اتمنى اني لما ارجع ماشوف كلام ماله داعي عن المصادر المفتوحة
####

تكفى !!!؟!

[المرشد]

هاردلك

[u1901]

لاتعليق !!
فالحين في شي بصراحة في اكثر من الكلام الفاضي هذا ؟!!

عشان يعرف الجميع مستوى العقول الي يفكر فيها مستخدمين اللينووكس !!

بطريق يرضع الوندوز!! وش المسخرة هذي؟؟ هذي الصور الخرطي الي يتكلم فيها صغار العقول *اصحاب الينوكس* لانه قاهرهم مموتهم قهر ...

[المرشد]

عشان يعرف الجميع مستوى العقول الي يفكر فيها مستخدمين الينوكس !!




عزيزي في فرق بين يونكس و لنكس ايش دخل يونكس في الموضوع الحين؟ مو من 3 مادري 4 صفحات نتكلم عن اللنكس؟ بعيدن ماباقي الا تقول اصحاب العقول المنحرفة و المبادئ و الافكار الضالة



بطريق يرضع الوندوز!! وش المسخرة هذي؟؟ هذي الصور الخرطي الي يتكلم فيها صغار العقول *اصحاب الينوكس* لانه قاهرهم مموتهم قهر ...



هههههههههههههههههههههه البطريق يعبر عن اللنكس يا عزيزي , يعني اللنكس يشرب من دم الوندوز ( حلوة عصير دم صار, مو سن توب ههههههههه)

لو هم صحاب عقول , ماكان هزاو عرش بل جتس ههههههههههههههههه



عزيزي , ادعوك لمشاهدة:
http://www.mslinux.org/




معا نحو نظام تشغيل افضل

ترا خلاص الموضوع ما بيوصل لنتيجة بس كذا انا ارد عشان ازيد عدد مواضيعي

اذا تبغي تستعمل اللنكس عادي ترا فيه وورد و اكسل تقدر تشغل برامج الاوفيس عليه لا تزعل ,شوف الصورة عشان تصدق

http://www.linux-mandrake.com/screenshots/odyssey8.jpg
تحياتي

[u1901]

السلام عليكم ورحمة الله وبركاته
****************
عليكم السلام ورحمة الله وبركاته


$$$$$$$$$
عزيزي في فرق بين يونكس و لنكس ايش دخل يونكس في الموضوع الحين؟ مو من 3 مادري 4 صفحات نتكلم عن اللنكس؟
$$$$$$$$$$$

غلطة املائية !! اعتمد كلامي كله على Linux ...


#####
بعيدن ماباقي الا تقول اصحاب العقول المنحرفة و المبادئ و الافكار الضالة
######

اوووووه صحيح ؟؟!! ، ماكنت ادري

#######
هههههههههههههههههههههه البطريق يعبر عن اللنكس يا عزيزي , يعني اللنكس يشرب من دم الوندوز ( حلوة عصير دم صار, مو سن توب ههههههههه)

لو هم صحاب عقول , ماكان هزاو عرش بل جتس ههههههههههههههههه

#######

اوه بالله !! تنكت ؟؟

########
معا نحو نظام تشغيل افضل
###

خرطي !!

######
ترا خلاص الموضوع ما بيوصل لنتيجة بس كذا انا ارد عشان ازيد عدد مواضيعي
#####
صحيح ؟؟ ياحليلك !!

#####
اذا تبغي تستعمل اللنكس عادي ترا فيه وورد و اكسل تقدر تشغل برامج الاوفيس عليه لا تزعل ,شوف الصورة عشان تصدق
#####
يعني ماقدرتم تتخلون عنها لانه النظام فاشل بهذي الامور !! اقول انت عرفت تركبها ولا بس شفت الصور صدقت علطول !!

[المرشد]

والله مادري شو ارد الحين , كل ردودك يا اما
والله؟؟!!
تنكت؟؟
يا حليلك ههههههههههههههه اما هذه عجبتني يمكن فوق 60 مرة كررتها ,, يا حليلك ههههههههه
خرطي,,!

اصلا اللنكس نظام ضال و الي يتبعه يكون ضال هههههههههههههههههههههههههههههههه


الاوفيس موجود عشان الي يبغي يسعملهم امثالك يقدرون , اصلا كل شي تقدر تشغله في اللنكس , فهم قدروا ظروفك و ظروف امثالك عدم القدرة على التخلي عن منتجات وندوز , فخلوها تشتغل على اللنكس






بس جد ارجوك زيد في ردودك عشان ارفع رصيدي اكثر
بالله ابغي اوصل 4000 يالله , اليوم اوكي؟

تحياتي