المنتديات الفاشلة , إلى متى ...؟

[الشبح العربي]

السلام عليكم ورحمة الله وبركــــــــــــاته

أود أن أدخل في الموضوع مباشرة
أخواني الأعزاء في الفترة الأخيرة إنتشرت المنتديات العربية انشار فظييع جداً حتى أنها صارت متل الهم ع القلب
يعني وباختصااااار 80 % فــــــــــــــــــــــــاشـــــــــــــــــــلة بكل ما تعنيه هذه الكلمة من معنى

أولاً : لنعدد مواصفات المنتدى الفاشـــل: (طبعاً يلي عندوا إعتراض نحنا جاهزين للنقاش)
1- بطء شديد في المنتدى يعني من "المكتوب مبين من عنوانوا" ..... طيب شو أسباب البطء خلينا نشوف

* كثرة الصور والفلاشات الغير مدروسة يعني بحط صور وفلاشات أكثر من 500 ك.ب .. بالصفحة أي والله حرام

* كثرة عدد الردود والمواضيع يلي بلا طعمة ..... طيب ليش .. رح جاوبك

- بتجي لتحمل ملف لا وأحياناً بدك تقرأ موضوع بتجيك رسالة حنونة بتقلك
(عذراً إن صاحب الموضوع قد تعب كثيراً .. ياااا حرام لتأمين الملف ... وعليه قررنا أن ترد عليه ولو بكلمة شكر
عيب عليك ولووووو كلمة وحدة ما رح بتقدم ولا بتأخر .... قلو "هاي" بتكفي ... شبك اتلحلح)
- كثرة عدد الأعضاء ويلي واحد بالألف منهم يفوت يحط موضوع أما الباقي بيجي ليحمل ملف بتجيه الإسطوانة الأولى " أخي بالمشرمحي أنا مو فاتحلك تكية أيمتا ما بدك بتحمل ملف وأيمتا ما بدك بقرأ موضوع سجل وخود عضوية وبعدين إقرأ وحمل على كيفك ..... تررررى التسجيل ببلاش والله ما عم أمزح أنتي سجل وشوف)
وبعد ما تسجل بقلك ( أخي والله أنا مقدر تعبك أنت سجلت واتعترت لأ وعليطنا ايميلك لحتى نهلكك بالسبام يلي مالو طعمة بس ياخي بدك الصراحة القانون قانون وبسري على الكل من الوزير للفقير ما بتقدر تستخدم عضوتك بالشكل يلي بتريد إلا بعد 5 مشاركات (((وأحياناً 15 مشاركة))) ........ )
وبعد ما تتنهد تنهيدة طويلة وتلعن المنتدى وصاحبو يا أما بيطلع الملف مضروب أو مفيرس أو ما يلي بدك ياه يعني بتوجع راسك على الفاضي .... وحتى لو كان ع المليان ببتطلع روحك وبجوز تكسر الماوس ويلي اخترعها

2- سوووء وتكرار المحتوى وكثرة عدد الهاكات والستايلات يلي بلا طعمة وبلا لون

3- أحياناً أو بالأحرى غالباً لما بتفوت على منتدى فاشل بيجعوك عيونك وبجوز تنحول ..... طيب ليش أي من لكيش ليش يعني من كتر الإعلانات يلي عم تطفى وتشعل متل اشارات المرور السريعة شي أحمر شي أصفر وأحياناً بتصج أبيض بس أنت ما بتشوفها .. ليس لأنك بتغلق الصفحة والباب يلي بجي منو ريح .. أخي شو بدك بالحكي سدو واستريح

4- أحياناً تقوم بالبحث في Google مثلاً عن كلمة يطلعلك مليون منتدى تفتح أي واحد يكون مالوا علاقة بالكلمة يلي عم تدور عليها ... بتقول بعقلك معول Google كذاب .... له له يا حيف عليك يا Google بس بعدين بتكتشف أنك ظلمتو كتييير للـ Google بعد ما تجيب مكبرة وتقرأ شي ألف كلمة بآخر الصفحة أو أي زاوية مهملة .... أحياناً بتكون عم تدور على شي بطلعلك شي تاني ... تاني انتبهوا لهل الكلمة وبتضل عم تبحر بهل التاني و وحده الله بيعرف أيمتا بتسكر هل التاني

5- بعض العبارات الفاشلة مثلاً بكون الواحد عامل حساب بـ Google أو أي موقع إعلانات بجي تحت وبقلك مشان يعلمك الشحادة على أصولها ... لكااااان من كتر ما بحبك
((كرمال الله ... كرمال النبي ... كرمااال أهلك .. الله يربحك .. الله يحميك .. الله يبعتلك بنت الحلال ,, اضغط على. الإعلانات يلي فوق لدعم موقعنا .. حراام نحنا عم نخسر )) أنو أنا بدي أفهم ما بيعرف يلي عم يكتب هيك أنو هاد حرااام وخداع للبشر
بعدين المفروض نحنا نعلم الأدب والأخلاق للأمم مو هنن يعلمونا ياها


ما عاد فيني أحكي أكتر من هيك نزل ضغطي .... على كل حال هاي وجهة نظري
وبدي قول كلمة لأصحاب المنتديات الفاشلة ....... عيب استحوا على دمكم شوهتو صورتنا أدام الأجانب أكتر مو مشوهة .... روحو شوفو المنتديات الأجنبية لك في منتديات ما بتغير الستايل الأصلي للمنتدى .... ليش لأنوا هل القشور ( الستايل , الفلاشات والمقدمات والهيدرات الفلاشية المزعجة والثقيلة جدا واشارات المرور السريعة)
آخر همهم ,,, همهم الوحيد المعلومة وبذكر كل صاحب منتدى يتخذ من شعار " سوالف " (المعلومة تأتي أولاً)
قدوة ألو يعني ما حدا بيقدر يغبر على منتدى "سوالف" طبعاً على سبيل المثال لا الحصر في منتديات أكتر من رائعة
مع العلم أنو منتدى ضخم ومعتق بس مافيو هل البطء والمواصفات السيئة يلي بتتواجد بمنتى ما صرلو شهر نازل

على كل حال ما بدي طول عليكم أكتر من هيك

ســــــــــــــــــــــــــــــــــــــــلامي للكل .. وهادا رأيي .. وطبعاً بحترم آراء الكل

[YALLAYAARAB]

جزاك الله خيرا اخي العزيز


ولم يبقى لنا كلام حتى نرد على موضوعك هذا

تحياتي

[IrIsH]

ياخي السبب كلة يعود على شركات الاستضافة ... مع أحترامي للجميع

بس في شركات استضافة تكتب مع العرض او الخطة ( تركيب منتدى مجانا ومدري كم استايل وهاك )

وطبعا هل المنتدى غير مرخص 100 بل 100 وطبعاً كل الي يفتح لة منتدى من هل المنتديات

90 بل المية منهن ما يعرفو ايش هوة الموقع بل الضبط

بحيث الناس صارت ما تعرف غير سكربت الفي بي

والحديث يطول ..

[محمد باريان]

يوجد شخص ذكي جدا , انشاء موقع تستطيع من خلاله البحث عن اي منتدى يطلب عضوية للمشاهدة و من ثم ستجد اخرين قد وضعوا عضويات و ارقام سرية لكي لاتسجل في هذا الموقع , و في حال عدم حصولك على عنوان هذا الموقع تستطيع انت التسجيل و ثم نشر العضوية و الرقم السري لكي يستفيد غيرك , و بهذه الطريقه تنعم بعدم التسجيل في هذه المواقع

اسم الموقع Bugmenot يعني لا تستغفلني او مامعناه
الرابط: Bugmenot.com - login with these free web passwords to bypass compulsory registration

و اتمنى من العرب اضافة عضويات في المنتديات العربية الشهيرة و عدم تغير الباسوردات

تحياتي لكم

[ألبومنا]

كل شيء في زمن الديجيتل هذا سيأخد وقته وينتهى!

وخروج هذه الفئة من المنتديات هو لشُح المتميزات منها على الساحة وقلتها وإندثارها واحد تلو الآخر لأسباب قد تكون سادجة أحيانا!

أنا لست ضد من يريد أن يفتتح منتدى، أولاً وأخيراً " هو ماله وهو حر فيه " ولكن هناك شروط ومعايير واجب توفرها في إفتتاح أي منتدى جديد!

الشرط الوحيد الذي يطبقه الجميع وعلى حذافيره هذه الأيام هو العشـوائية و عدم توفر هذف معين لإفتتاح منتدى جديد مع إحترامي وتقديرى للمتميزين منهم.

= = = = =

وحول ترخيص السيكربتات أي كان نوعها، فهذا وحده موضوع طويل وشائك أخي IrIsH فإن تطرقنا له فلن تأتى الرياح بما لا تشتهى السفن!

= = = = =

وكما ذكر أحد المدونين لا يسعفنى إسمه " إحترامي للحرامي "!


يوم طيب

[الشبح العربي]

مشكورين الجميع على آرائكم

نحنا كـ عرب لازم يكون عنا قوانين لكل واحد بدو يفتح منتدى .. لأن المنتديات الفاشلة غالباً بتكون مركبة منتدى غير مرخ منزوع كود التبليغ
أنا برأيي نعمل محرك للمنتديات بحث لا يبحث بالمنتديات الغير مرخصة لأنو المعلومة يلي بتكون بهيك منتديات إما ملف مضروب أو مفيرس أو مو الملف المطلوب .. أو حتى لا يحبث إلا بالمنتديات يلي بتخضع للضوابط الحقيقية لكل منتدى
الفكرة بإختصار
انشاء محرك بحث للمنتديات المضافة إلى هذا المحرك وطبعاً المنتديات المضافة ما تنضاف بشكل عشوائي ويتم قبولها حسب شعار " المعلومة تأتي أولاً " يعني بعيداً عن التصنع والتكلف
وهذه الفكرة بعرضعا على سوالف أولاً ...... لأنو سوالف إذا عملوا هيك فكرة بتكسب الفكرة ثقة أكبر من المستخدمين العرب وحتى غير العرب

[moh91]

اذا كان الشخص بيفتح منتدى متخصص أنا معه في فتح منتدى جديد .

[:: كويتي ::]

اذا اسعار الشركات بـ100 ريال تفتح منتدى كامل هذا الخطأ

اذا المنتدى متخصص ما اتكلم انا
اما منتدى مشابه لجميع المنتديات هذا اكبر خطأ

والسكربتات الغير مرخصة لها تأثير ايضا
50% غير مرخص

[ghanou]

لا ننسى شيئ مهم انه اذا بدك تفتح منتدى و كنت مبتدئ عليك بشركات استضافة مجانية و منتدى غير مرخص
و هذا ما نلاحظه في اغلب المنتديات الجديدة بالتحديد
اما بخصوص اضافة الصور و الفلاشات التي لا معنى لها سوى لفت الانتباه فهذا يؤثر على سرعة المنتدى بوجه الخصوص
عايزين المضمون و ليس المضهر و الله لو كان منتدى اسود و ابيض و بروابط نصية و مفيد افضل من منتدى مزخرف و محتواه مواضيع تافهة و منقولة

اما ان يكون مدير الموقع مهووس بتغيير الستايل او الجماليات و الكماليات فهذا سيرجع عليه بالسلب اكيد

كلمني واحد مبتدأ في الانترنت يعني ركب الانترنت حديثا بالبيت اخبرني انه اذا بحث عن شيئ في جوجل و ظهر له منتدى مزخرف و بصور كثيرة حتى انه لا يعرف اين الموضوع هههههههه يقول اقوم بغلق المتصفح و اتوجه الى رابط منتدى آخر
الزوار يا اخواني عيزين البساطة و المضمون الجيد و هذا سيكون سبب في النجاح بإذن الله

و هناك نقطة عدم استمرارية المنتديات فالكثير منها بمجرد مرور اشهر او سنة تجد المنتدى اختفى بإختفاء مديره
و الروابط في جوجل تضل عالقة لاشهر حتى يتم مسحها؟؟
لو اخبرتكم انه منذ مدة قليلة فقط تعرضة لمئات الروابط لمنتديات اغلقة و مسحة من الشبكة كلها عربية لمـاذا؟؟

الواحد منا يكون في حاله و لمـا تجيه الحماسة انه يفتح منتدى بدون اي هدف يا عم منتدى اشوف نفسي انجح ام؟؟
الهدف في البداية لا يوجد و كل ما في الامر هو حماسة لاثبات شيئ هذا الشيئ ممكن يعرفه الا صاحب المنتدى

انا ايضا اخي اساندك الرأي و بارك الله فيك على رأيك الموفق بكل صراحة

اخوك غانو

[musleeem]

i think that ther is so many sheey wib sites in this world

[فتى الخفجي]

حبيبي اذا المنتدى له هدف ! راح ينجح اما ... ماعنده هدف اي شي .. مافيه فايده يالله سلام

[إينـاسوفت]

أخي نسيت نقطة مهمة، يجي يقولك سجل معي، تيجي تسجل ما شاء الله عدد العضاء 312 وعدد أقسام المنتدي 65 قسم ما شاء الله جامع الأقسام كلها وبعضها يمر عليه شهرين وثلاثة وما فية ردود ولو تيجي تشوف المشرفين كل منتدي عليه واحد ولا إثنين بحيث انك تنصدم وتقرر انك تروح لمنتدى أعضائه فوق الـ 800 الف عضو وتبدأ من جديد معهم أفضلك بمليون مرة من هذا المنتدى المبتدئ الذي لا يبدع شيئاً

وداعاً للمنقول ونعم للقلم والتفكير والعقول

لما صاحب الموقع يفتح منتدى بيكون بدو ينافس أكبر موقع موجود على وجة الأرض مرة واحدة، بتلاقي الدردشة 6000 مستخدم وفيها اتنين بيكشوا الذباب، وبتلاقي جنب المنتدى استضافة وحجز دومينات وريسيلر، وطبعاً إعلانات هنا يحقق نجاحك "فاكر قناة الجزيرة" وياريت لو يشهر بالمواقع الناجحة، إلى جانب

حصري - حصري - حصري - حصري :deal:

ولما تدخل تلاقي كلمة فك الضغط

www.swalif.net

ما شاء الله كيف يكون حصري :1power:

طبعاً غير الملفات التالفة وعدم الإجابة عن الأستفسارات وترك العضو يضيع بالبحث عن الرقم السري للملف او السريال او يطلع البرنامج مش شغال.:eek2:

اليوم كنت بموقع اجنبي ما شاء الله أي نعم عندهم تقليد لكن مش بالصورة، أخبرني من أين تأتي أغلب المواضيع كالبرامج وغيرها، من مواقع اجنبية ويتم ترجمتها، فشكراً لصاحب الترجمة الذي تعب وبحث عن المعلومة، لكن تبقي تقريباً هي الأصل في كل شئ ما عدا الألعاب التافهة

تفضل ابحث عن كرسي الاعتراف، عفواً سيتم إغلاق المنتدى للأبد، وغيرها من الألعاب ستجد أكثر من 80% من مشاركات الأعضاء العاب :app::funny: لدرجة يا أخي المواقع المتميزة يمكن عدها على الأصابع وبمجرد رؤيتك لموضوع ممكن أنك تخمن من أي منتدى قد تم سحبة وجرة إلى هنا.:court:

والله المستعان

[M H J O L]

تبي الجد؟
الي يفتح منتدى الان غلطان !

شكراً على الموضوع

[سام جدا]

انا اليوم اقفلت المنتدى في موقعي ولست نادما ابدا

وللعلم لم يكن يحوي اي مقاطع مخلة بالاداب ولا صور فاضحة ولا فيديوات اصلا حتى قسم فيديو مافيه

ولم يكن هدفي الاعلان حيث لم يحتوي سوى اعلان او اعلانين ومحتشمة جدا

ولم يكن ثقيل التفصح او كثير الهاكات بالعكس كان مثل الريشة

السبب الوحيد الي جععلني اقدم على هذه الخطوة

المحتوى ولاغير المحتوى وبعض الاعضاء

المحتوى بعد جهد سنتين في العمل بجد على المنتدى اتفاجأ ان المحتوى مكرر وضعيف في الاسلوب كباقي المنتديات الاخرى

حاولت كثير وكثير على الرقي بمستوى اعضائي حيث بلغ عددهم قرابة 3000 عضو

اقنعتهم بعدم جدوى المنقول وان يكون الموضوع من بنيات افكارهم

يشجعون موضوعي وارى مواضيعهم المحبطة

فهذا السبب لالغاء فكرة المنتدى من دماغي نهائيا

حاولت ان اتخصص لكني وجدت التحصص الذي اتقنه موجود مواقع مهتمه بهـ

فاستفدت تجربة عظيمة خلال السنتين ان المحتوى هو اساس رقي المنتديات

لا اعلانات ولا هاكات ولا استايلات ولا اي شي

المحتوى فقط

احببت ان انقل لكم تجربتي المتضائلة جدا امام خبرات الكثيرين في سوالف

[رقيق المشاعر]

صدقت

كفيت ووفيت

لذلك اغلقت المنتدى وفتحت مدونة


ضحكتني والله على هالسطر

5- بعض العبارات الفاشلة مثلاً بكون الواحد عامل حساب بـ Google أو أي موقع إعلانات بجي تحت وبقلك مشان يعلمك الشحادة على أصولها ... لكااااان من كتر ما بحبك
((كرمال الله ... كرمال النبي ... كرمااال أهلك .. الله يربحك .. الله يحميك .. الله يبعتلك بنت الحلال ,, اضغط على. الإعلانات يلي فوق لدعم موقعنا .. حراام نحنا عم نخسر )) أنو أنا بدي أفهم ما بيعرف يلي عم يكتب هيك أنو هاد حرااام وخداع للبشر

طرارة وبقوة