السلام عليكم ...
اليوم كلمني واحد من الاصدقاء وقالي ابيك تكلم واحد بخصوص البرنامج الفلاني اللي هو مبرمجه ومسويه صديقي
قلت اوك , بس بسألك الحين الشخص هذا له دراية بالكمبيوتر ولا مشي حالك ؟ قالي فوق المتوسط
قلت تمام
اتصلت على صاحبنا : السلام عليكم
هو : وعليكم السلام <=== بصوت بالموت ينسمع ==> انا بنفسي يالحبيب ارفع صوتك شوي
كلمني فلان عشان البرنامج الفلاني تفضل كيف اقدر اساعدك
هو : البرنامج على حسب ما اشوف يحتاج تحديث <=== والله رابط التحديث موجود على نفس الشاشة اللي تطلعله تقوله في تحديث
انا : طيب في عندك رابط على نفس الشاشة إضغط عليه
هو : اي رابط ؟ :looking: أنا : مافي رابط عالشاشة اللي قدامك
هو : لا ما فيه <=== تنح الرجال
انا : طيب خلاص ارسلك انا الرابط على ايميلك
هو : للاسف ما عندي ايميل
انا : طيب ارسلك اياه عالجوال ... هو : طيب كيف بدخل الرابط < === افحمني بهاذي الجملة
انا : طيب سجل عندك "على سبيل المثال Apple.com "
A P P L E .COM
هو : معلش اخوي بس حبة حبة
انا : طيب A من Address
P من Pilot اكتبها مرتين
L من Lemon
فجأة لقيته ساكت اقوله معاي اخوي ؟
ولا هو يقولي شرايك ترسله عالجوال ؟ :anger2:
المهم الاخ حمل البرنامج وكل شي
اتصل علي يقولي الملف نزل عالجهاز ايش اسوي الان ؟
اقوله فك ضغط الملف " انا ما توقعت انه يفهم الجملة هاذي "
ولا هو يقولي فكيته :eek2:
قلتله احذف النسخة الموجودة على جهازك سولها uninstall ... حسيت في صوت طلع كذا طططنننننننننننننننن
ولا يسالني كيف يعني ؟ :looking:
بصراحة انا وقتها حسيت كاميرا خفية ولا خويي حاب يمزح معي
قلتله طيب مين مسؤول مركز الحاسب عندكم
هو : انا
بصراحة ما ادري كيف انتهى الاتصال بعد الكلمة هذي بس المهم انه انتهى
لكن والله ما هو تشمت بالرجال ولا شي .. بس من جد في ناس زي كذا ؟ وكيف تعين مسؤول مركز الحاسوب وثقافته بالحاسب زي كذا ؟