للبيع كورلا 2006 لون ابيض ( مرفق السعر والصور )

[Abu Fahd]

اخواني وجدت موضوع لأحد معارفي بالإنترنت فحبيت افيدكم بالعرض هذا لأن اعتقد انا في سوالف ناس ناوية تشتري ...

الموضوع بدون تعديل :

السلام عليكم شباب .... نخش بالموضوع دغرري

فيه كورلا لاخوي الي اصغر مني ويبي يبيعها بسبب الابتعاث

الموديل : 2006 
اللون : ابيض
النوع : XL
الممشاء : 66 الف كم
قير عادي
مسجل وفيه سي دي بس مفكوك والي يبي يشريها تبي تصير من حضه
ملاحظه: الرفرف الي قدام على اليمين جته طعجه من واحد من الشباب ذو الاوزان الكبيره بس عدلناه يدوياً
السياره خاليه من الصدمات بس لا تخلو من بعض الحكات

الحد 38 الف و السوم 32 الف

المكان الرياض
واليكم بعض من الصور









والي له نضر فيها و جازم هذا ايميلي للتواصل

eqh-@hotmail.com

[MOHD MAHMOUD]

ذكرتني هذه الصور

بقناة GEAR ONE


بالتوفيق

[ALSA3QAH]

الموتر زين لا بأس فيه


وبصراحة ماني محتاجه كثير لكن لو بتحط سعر حلو له بآخذه


خصوصاً فيه مشاكل مثل السيدي وشكله مشوه بعد الخلع ومهما حطينا بداله سيدي ما بيكون نفس الأصلي لا في الشكل ولا في البيع فيما بعد


الحكات تعني ضرب دهان من اول وجديد لأن تغطية اماكن بعينها ممكن تسوي تباين في المظهر لذلك بنسوي لها حرق ثم دهان جديد


والصدام يبي له تغيير



ومع ذلك أفكر آخذها من باب إني بعطيها لأخوي في الجامعة ولكن ما تلزمني كثير


فما أدري عنك وش رأيك

[AD4host.ae]

السيارة تبان نظيفة ، بس 38 الف ريال كثير عليها !!

اعتقد انها تسوى لها 29 - 33 الف ريال كحد اقصى! خصوصا انها قير عادي ماهي توماتيك ، والزجاجات يدوية ، والمكينة 1.3 ماهي 1.8

ALSA3QAH

شفيه الصدام عشان تغييره ؟ إذا على الحكة .. رح عند اقرب ورشة سمكرة يرجعه لك زي مجابها الوكيل!

[ALSA3QAH]

وسام ما كل ورشة تضبط الشغل وطبعي في أي سيارة جديدة أهتم بتفاصيلها


أنتظر رد صاحب الموضوع

[الستاره]

ابوفهد الموتر بالرياض

[Abu Fahd]

ابوفهد الموتر بالرياض

ايه يالغالي بالرياض ولو جاد انا اكلم صاحب السيارة ...

[heelm.com]

يبيع اقساط
عندي شراي شغال في سابك مع كفيل

[b-najd]

صرآآحة الموتر نظيف وعلى ضماني

بالتوفيق لآخوي مصعب

[badmoon]

السلام عليكم

الله يوفق صاحب السيارة
و ماشاء من داخل باين ان السيارة نظيفة

وسام ما كل ورشة تضبط الشغل وطبعي في أي سيارة جديدة أهتم بتفاصيلها

مداخلة بسيطة يالغالي .. اذا هي على السمكرة .. فيه ورش اضمنها لك .. تضبط السمكرة 100%
و اذا هي على حكة بسيطة فما يبيلها سمكره ! .. فيه بعض الورش متخصصه بالرش .. خلها ترش لك الحكات و ماراح يبيّن شي نهااائياً
و في النهاية .. انت بتشري موتر مستعمل فـ بلى شك انك تبي تلقى شي .. والا اشتر جديد اذا كنت تبي تدقق على هالتفاصيل !!!

فيا انك تكون ناوي تشري موتر .. والا لا تخرب على الرجال البيعة

[Abu Fahd]

حيآكم الله ... وباقي السيارة لم تشترى !