الله يشفيه يارب ..
الله يشفيه يارب ..
نصيحه وكما قال الحكماء سابقا ،
اخر العلاج الكي
وأنصحك بإستخدام حبوب إسمها موبيتيل MOBITIL فالوالدة الله يحفظها تستخدمها ولديها آلام في المفاصل وبعد فضل الله قد أوجدت هذه الحبوب حلا وتحسنا ملحوظا في صحتها .
15 مللي جرام
تباع في مصر ولا يوجد منها في السعودية الا في بعض الأماكن الشعبية وهي فعالة جدا ومجربة
سعرها 10 أقراص - تقريبا 8 جنيهات ، وهي مسجلة بوزارة الصحة بمصر رقم 99/20706
إنتاج شركة المهن الطبية للأدوية
أبوسلطان - الإسماعيلية - مصر .
لون الكرتونه صفراء وكتابتها بالأحمر
معلومات الدواء موجودة في الجدول الأصفر الصف قبل الأخير
http://www3.hi.is/~thorstlo/cyclodextrin.pdf
وأسأل الله شفاء والدك وجميع المسلمين يارب العالمين
الله يشفيه ويعافيه ..
فيه شريط لشيخ خالد الجبير اهديته لأحد قريباتي وكانت تعاني من ألم في الركبة والقدمين .. من بعدها كل ماشفتني تدعي لي ولله الحمد زال الألم عنها بفضل الله عز وجل .. الشريط اسمه (أسباب منسية) يتكلم عن نقاط مهمه يغفل عنها المريض ومن هم حول المريض اسمعه وطبقه على الوالد لعل فيه الشفاء ..
واسئل رب العرش العظيم أن يمن عليكم بشفائه ويكمل بفرحتكم بالعيد برؤيتكم اياه يسابقكم في هذا العيد ..
لاتنسى قوله عز وجل ((أمن يجيب المضطر إذا دعاه ويكشف السوء))
ماتستاهلون الا كل خير
يارب يشفيه إن شاء الله
الصمعاني اشوفه معنا بالمسجد < ساكن حوله ..!
سالت عنه الوالد قال هذا يكوي وتخصص عظام ...
انصحك فيه ... والي اعرفه انه معروف وله بهالاشياء كثير ...
رح ماراح تخسر واول شي قله السالفه وحاول تقوله بدون كوي
وشف تراه يصلي دائماً بمسجد بالمروج اسمه " مسجد رياض الصالحين " .. صل التراويح عنده وتلقاه بالصف الاول رح له .. وتفاهم معه يمكن يعطيك فايده ولا شي وإن اظطريتو تروحون معه لبيته روحو ...
ولاتنسى تسير علينا
وانتبه ياخوك من كثر العلاجات وهالاشياء
قسم بالله تزيد المرض مرض
1- نفسي
2- ماتدري وش هي من علاجات
مثل وحده قريبه لي ... كان الي فيه عوار بالركبه فقط
من كثر العلاجات الي عطوها
والاعشاب تحول لداء بجميع الجسم { العضام }
الله يشفيه يارب
ويرجع لعمله وشغله ومنها للاعلى الترقيات .. ويبعد عنه كل حسود ...
ويوفقه بحياته الدينيه والدنيويه ...
ويشغل صاحب العين بنفسه ...
__________________
p-king-p@hotmail.com
الرجاء مراجعة الموضوع للجميع :
http://www.swalif.net/softs/swalif12/softs302945
الله يشفي ابوك و يعافيه
والله بانصحك من قصة صارت لي
واحد الله يغربلة حسدني على شيء عندي كنت صغير وقتها يمكن 14 سنة
بعد الي حصل ترقدت ثلاث شهور بالمستشفى
زيادة رهيبة في ضغط الحبل الشوكي بدون سبب
زيادة الضغط تسبب الام فضيعة في الظهر وصداع دائم وضعف في الحركة والاحساس
دخلت مستشفى الحمادي 10 ايام
الشميسي جلست شهر
التخصصي شهرين
بدون اي فائدة مابقي علاج الى وجربوة خاصة ان التخصصي مركز ابحاث ماهو بسيط قالوا معليش ماعاد نقدر نسوي شي صاروا يخففون الضغط كل يومين او ثلاثة بابرة في الظهر يسحبون السائل من الحبل الشوكي
وزيادة على كذا نقلوني قسم الاورام ومحاكيكم مابة الى العافية بس القسم من جد كان يخوف
باخر شيء علمت اهلي عن الشخص هذا قاموا جابوا لي شايب يقرا علي اسمة العمري الله يجزاة خير مع العزايم والقراية ماكملت 15 يوم بالمستشفى طلعت منة وكان ماصار لي شيء من الاساس
فية شغلة ثانية صارت بس ماباقولها هنا اذا عندك جدتك ولا جدك او اي شخص من الكبار في السن قل لة ايش علاج العين راح يعطيك الطريقة باذن الله مضمونة بس ابعد عن الكي هو اخر علاج تفكر فية
جزاكم الله خير
اكوي
اللهم امين
لاهنت
BOMBER
الله يشفي الوالده ولايريها مكروه
راح ابلغ الوالد بالحبوب والي كاتبه ربك بيصير
اللهم امين وشكرا لك
wathiq
اللهم امين
الشيخ او الدكتور خالد الجبير من خيرة الناس ومن احبهم للوالد
وعلى قولتهم الي تحبه بتسمع كلامه
رراح اشوف الشريط ونطبقه
لاهنت وتسلم
دنيا الجوال
الصمعاني يمدحونه كثير
حالياً يمكن مايمدي يعني اقرب وقت بعد العيد ان شاء الله
والوالد مايستعمل اي علاج
فقط زيوت ومويه مقري فيها ومسك وسدر وغيرها من الاعشاب
النفسيه الحمدلله تمام وامس كان تمام بنسبه 80%
واليوم سبحان الله طاح مثل اول ماجاه المرض
الله يشفيه يارب وجزاك الله خير
ابو رايد2006
اللهم امين
وجزاك الله خير اول مشاركه لدعاء للوالد لاهنت
Kasper
الله لايريك مكروه بعده يارب وطهور ان شاء الله
العين حق والله يكافينا شرها
والله يجزي الشيخ العمري كل خير
للاسف ماعندي جدان لا من الوالد ولا من الوالده راحوا الله يرحمهم
ولكن ياكثر الشيبان بالحاره وكل واحد لاشاف الوالد بعض الاحيان لاصلى يحطونه من الخلطات والكلام ومايقصرون بعضهم يقرون عليه ويتفلون
يكفي انك تشوف الناس الي حولك مهتمه وهذا اكبر علاج بأذن الله
لاهنت
__________________
(
)
(
)
Namr
أنا رحت لهذي العجوز وأسمها أم سعود وهذي تسوي صباخه بالراس والصباخة عبارة عن حنى وبعض الخلطات تحطها على راسك وتربطها بقماش .. طبعاً هي تسوي قياسات لرأسك وتقول لك كم فتق فيك .. مره رحت لها انا وواحد و قالت لي مافيك الا العافية قم رح لأهلك وخويي قالت فيك سبع فتوق !!! طبعاً هو كان فيه مرض نفسي الله يشفيه وحالته خقت عن أول لكن بسبب الدواء النفسي والله أعلم .. والفتق عبارة شق صغير جدا جدا بالرأس والصباخة هذي تقوم بأغلاق هذه الفتحات .. وأذكر واحد اخر كان فيه مرض نفسي أيضاً وراح لها وسوا صباخة أربع مرات بالعادة الصباخة تسوى مره واحده وبعد المره الرابعه قالت له صراحة الفتوق الي فيك ما تسكرت ما قدرت أعالجك واسدها لك ..
والي يبي عنوانها هي في حي شعبي أسمه الحريدي على مقربه من طريق الرياض السريع ويقع شمال مدينة الخرج ( 80 كم جنوب شرق العاصمة الرياض )
__________________
أنصحكم لا أحد يحط بريده بالتوقيع
أصابتني حساسية شديدة تورم جسدي كله ل 3 اعوام
ما تركت طبيب إلا وذهبت له وتحاليل وإختبارات
وبالنهاية خفيت والحمد لله بعدما أستخدمت وصفة من شيخ ( زيت زيتون مع القرآن )
وتركنا المنطقة القذرة التي كنا نعيش فيها ( فيها من الحساد ما لا يصلح معه أي دعاء والعياذ بالله )
وذهبنا لمكان أخر
بعدها زال تعب ال 3 سنوات ولله الحمد أخيرا
أستطيع أن أفتح الباب بيدي دون أن تتورم
وأن أحمل ما بيدي ما أريد يعدما كانت تتورم ولو حملت جرامات من الطماطم في شنطة
هذا غير قدمي التي كانت تتورم من أي شيئ حتي من الحذاء والشبشب
تناولت في 3 سنوات كمية من مضادات الهستامين لا تخر علي عقولكم أكثر من 40 علبة من 5 أنواع مختلفة من العلاج
__________________
السيف أصدق أنباء من الكتب
لو سمحت و دليتنا على هالشيخ اللي خذت منه الزيت ، والحمد لله على سلامتك وماطلعت الا من الشر ان شاء الله.