رفع مكافآت طلاب الجامعات 150 بالمائة بعد شهرين (السعودية)

[mad921]

رفع مكافآت طلاب الجامعات 150 بالمائة بعد شهرين

عوضة الزهراني ـ الدمام

أقرت وزارة التعليم العالي مقترحاً برفع مكافآت الطلاب الجامعيين بقرابة 150 بالمائة، عقب موافقتها على دراسة بهذا الخصوص رفعتها جامعة الملك سعود، تمشياً مع الارتفاع الملحوظ في الأسعار. وأوضح مصدر بالوزارة، أن المكافآت المقترحة ـ التي رفعت للجهات المسؤولة ـ تصل إلى 1800 ريال (بدلاً من 850 ريالا) لطلاب الأقسام الأدبية و2500 ريال (بدلاً من 1000 ريال) لطلاب الأقسام العلمية، مشيراً في نفس الوقت إلى توقعات بصدور قرار بذلك بعد شهرين.

كل طالب يعشيني يوم

[أحمدVIP]

هذا المصدر

http://www.alyaum.com/issue/article....12913&I=624200

بس لو تقرا الخبر يقولك ( مقترحاً ) وبحسب ما أسمع من الطلاب أن هالشيء كانوا يتكلمون عنه من قبل مو أول مرة يعني
بس أووووف لو صج >>>>> طالب مستجد اول سنة

[ابوعليوه]

اخرتها بناكل تبن كالعاده.

[Ameen Al-Harbi]

لا وزارة التعليم العالي ولا الجامعات بيدها شي, لو الكلام عن المالية او مجلس الوزراء ممكن الواحد يتفائل

الله يكون بعون طلاب الجامعات والله

[عبدالرحمن العنكبوتي]

الضعوي

[أبوهيثم]

اقول لا يلغونها بس على الطلاب والا الزيادة لا يحلمون بها

ابوهيثم

[MositerZ]

إنشاءالله يكون هالكلام صحيح .. وتفاؤلوا بالخير تجدوه

<< طالب بأحدى كليات الكويت .. لكني سعودي

وانشاءالله تصير من 1000 ريال إلي 2500 ريال

بأذن الله تعالي..

تحياتي

[oO(الباسل)oO]

اذا بيفكرون !

خلهم يعطون مكافاة لبعد الاربع سنوات ! الحين الطالب بالموت يخلص المتطلبات كلها باربع سنوات ...

او انه تخصم منه مو قطعونها مرة وحده ... نظام الجامعه نظام فاشل

واحمد الله اني خريج هالفصل ... وبفتك من غثاهم حسب الله على بليسهم .. مقطع خدمه عندهم ههههه

[mad921]

انا اشوف ان الي يستحق الزيادة فعلأ وبحكم تعاملي مع طلاب في كلية التقنية بالرياض والله يجي طلاب

للمحاضره

ومامعه مذكره تساله يقول مامعي فلوس مكافئه مانزلت ( تتأخر مكافئات اكثر من شهر او شهرين)

اغلب الطلاب يكون بعاده وصل مرحلة في سن وصعبة بشاربه ولحيته يطلب من ابوه 25 ريال حق مذكره

بغض نظر عن طلاب البكالريوس الي اغلبهم يجون من خارج الرياض و تكاليف سكن والأكل و ...ألخ

وحالهم صعب ما قول غير الله يفرجها على شباب ويسر امورهم ويرزقهم

[سفير التقنية]

مالهم حق

150% كثيرة ومستحيل يسونها...نعرف ربعنا حقين 5%

بنظري انسب شئ

990 --- تصير 1400

880 -- تصير 1300

[kilani]

بيزودونها 150 % ؟
معقولة ؟؟؟؟

[سليمان عبدالعزيز]

ماتوقع ولا 1% صحيح

بس لاتستغرب وتتحطم لو جتك 1.5% عادي ^_^
مثل ماجت الـ 5% وحنا متوقعينها ادبال ادبال ادبالها ^_^

[V I P]

اخرتها بناكل تبن كالعاده.

سمعت انهم بيرفعون سعره

[NaMr]

انا بالتقنيه

مانبي زيادة ولا شي

اهم شي تنزل بوقتها

من شهر 9 وهم يقولون النظام معطل ولا ضبطنا المسيرات

يعني يحسبونا بنغاليه

المشكله كليه تقنيه ومافيها اي شي يدل على التقنيه

[Mit3b]

السالفة هذه يرددونها من السنه الماضيه ولا شفنا شئ ..

والمشكلة الاكبر على وقتها قالو ( اللي يجيب معدل 3.5 من 4 ) نعطيه زيادة دبل لشهر واحد بس ...

<< هذا اللي طلعو فيه اخويانا بس ..

ولا الزيادة مثل ماقلت لكم من السنه الماضيه وحنا نحتريها

والحين راح نتخرج ولا شفنا شئ ..