][ طلب ][ .. ( مواقع بيع السيارات المستعمله مثل Ebay.com , Yahoo.com

[سليمان عبدالعزيز]

السلام عليكم ورحمة الله وبركاته
آخبآركم إن شاء الله طيبوون!؟


بمناسبة إنخفاض الأسعار ونزول اسعار السيارات فيه نيه اشتري سياره من برى ( مستعلمه ) لاني لاحظت فرق كبير بين عندنا وعندهم من خلال مواقع ( http://motors.shop.ebay.com ) بفروق كبيره يعني بعض السيارات عندنا بـ 180 - 200 الف مستعمله وبـ Ebay.com لقيتها بـ 90 الف ...:con2:
المهم ومالكم بالطويله سمعت من شخص يقول ان موقع Ebay.com غالي ولك عليه
فيه مواقع المنتجات الي فيها ارخص ... فحبيت الي جرب يشتري سياره من برى ولا يفكر ولا يراقب الاسعار يعطينا رابط موقع لعرض السيارات الستعمله ...
ويعطيكم العافيه ...

[سليمان عبدالعزيز]

UP

[أحمدVIP]

AutoTrader.com - Buy Used Cars, New Cars, Sell a Car, Find Car Dealers

manheim.com - EXPORTTRADER.COM

[مبرمج قادم]

Q8Car.com - Welcome Guest

[سليمان عبدالعزيز]

Up

[O.M.E.G.O]

بقولك إلي عندي وأنت لخص الي يفيدك عزيزي ..

--

أنا يا طويل العمر والسلامة عاشق للسيارات وتعديلها ..

اشتريت لي 3 سيارات من امريكا ..

واقلك معاناتي بالتفصيل ..

اشتريت لي سيارة من هنا جيب شيروكي 98 وابي اركب عليه مكينة .. LS1 (كابرس SS , لومينا SS نفس مكينتها).. قلت مالي غير التشاليح دخت وتعبت ومالقيت المبتغى .. قلت اطلبها من برهـ .. طلبت لي مكينة وطبيت في سيارة نفسي فيها من زمآآآن (صورتها تحت) .. قيمة السيارة 18000 دولار (67500 ريال) .. طلبت الإثنين .. وكان لي صديق هناك تولى عملية الشحن ومن حسن حضي السيارة كانت في نفس المدينة يعني هو سوا كل شي جزاه الله خير و وفر كثير من المصاريف .. جات السيارة في كونتينر وصندوق فيه المكينة ..

تعال نشوف مع بعض وش صار في الجمارك في الميناء .. اول شي المكينة قالو عليها جمرك عالي قلت طيب يوم دبرت المبلغ قالو لأ ماتوافق المواصفات !! على اي سيارة بتركبها ؟؟ .. قلت بركبها على دراجة انت وش دخلك !! وقتها قالي كلام معناهـ (فيك خير طلع المكينة من عندنا) .. وراجعت مدراء وكلام فاضي قالوا لي المكينة لها وكيل ويمكن انت تبغى تبيعهى كقطع غيار .. عرفت انه عليها العوض .. رحت للسيارة نفس كلام المكينة بنفس بنبرهـ اشد (مع وجود رغبة بإخذها مني ) .. وانتهى بي المطاف بايع السيارة "اللقطة" الي لقيتها وتعبت عشانها لأحد مدراء الجمارك (فيه خير) بي مبلغ مرضي 78000 ريال .. ورجعت خالي اليدين واشتريت المكينة من الشرقية في النهاية ..

بعدها بي 6 شهور ولد خالي همر اتش تو من امريكا بي 85 الف ريال .. واصل لهنا كلفه 102000 الف ريال حكم .. بس انا اقلك وش سوينا ..

رحنى لمكتب استيراد واعطيناها بيانات السيارة والشحنة وقالنا 5000 ريال اوصله لبيتكم .. وفعلا بعد 45 يوم بالتحديد اتصل قال تعالو خذو السيارة واعطيناه 12000 كمان (تبع البطاقة الجمركية على كل سيارة) .. وانتهينا ..

وقلت توبة بعدها اجيب سيارة براسي ..

فإنت يا ابو الحبيب .. رح اختر لك سيارة (بس لاتكون مميزة مرة ونادرة ومافي منها هنا.. تكفى) .. وشف لك واحد من المعارض الي عنده رخصة استيراد سيارات .. واعطيه الهرجة بالكامل وهو يجيبها لك ..

|| صور السيارة + صور المكينة ||





آسف للإطالة يا عزيزي بس تذكرت مرارة الموضوع وفضفضت لك خ خ خ خ خ ..

تحياتي ..

[b-najd]

هلا سليمان ..

ع البركة ناوي تشتري سيارة !!

وش السيارة الي تبي تشتريها ؟
وان شاءالله بدورلك كم موقع وفيه موقع كويتي بس مدري احسه غااالي مرة !!