::وين تفضلوا --وظيفة بالخطوط السعودية - ولا الاتصالات السعودية؟؟::

[s3odix]

حبيبي أللببببي ياااشيخ ..
ظيفني على إيميلي
ad-tobikat@hotmail.com

[العبقري]

اشكرك ياحبايبي على الردود ومن شرفني بالدخول

الا قال الاتصالات يقلي ليش
ولا قال الخطوط يقلي ليه
والي قالي البنوك برضه يقلي

انا ابي اعرف وش المميزات الي تفرق بين هذي وهذي

بانتظار ردوكم

لكم التحية

[فارس جده]

الله يرزقك يا العبقري

انا أشوف شركة الإتصالات افضل كمستقبل وظيفي ..

ماشاء الله عليك انت دبلوم نظم معلومات ..

وانا بكالوريوس نظم معلومات .. ولي سنه متخرج وللحين ماحصلت

والله ماني حاسدك .. عيني عليك بارده .. الله يرزقك يارب ..

اذا تكلم واسطتك يتوسط لنـا " أكن لك من الشاكرين " .. والله يوفقك ان شاءالله ، ولك اول راتب


للمراسلة .. لا استخدم الماسنجر الا نادراً
jeddah4fun#hotmail.com

[A.M.J.A.D]

انا بالاتصالات السعودبه

الوظيفه اللي جاتك في اي قطاع ؟ واش مسمى الوظيفه ؟ تفرق كثير ترى

لو القطاع السكني انصحك تروح للخطوط السعوديه

[العبقري]

فارس جده

الله يوفقك ويرزقك يالغالي

الشغلة نصيب وانا اخوك ووالله يالي تعب راح ينال ماتعب حتى ولو بعد حين

احنا كنا ندرس بدون مكافات ودعينا الله ان يعوضنا خير منها والحمدلله ان شاء الله تحققت الامنية

وانا حاليا ابي اكمل بكالوريس لكن للاسف يقول تزيد فوق الدبلوم 4 سنوات(والله ولا الماجستير) ظلم والله
الله يسر

-------------
amjad
للان مادري وين بيوجهوني بالظبط يعني مادري شو الطبخة

بس فيه واحد من الزملاء في شركة الاتصالات مدير مكتب خدمة العملا

قالي قطاع الاعمال والتشغيل غيرها لا تدور
ويقول ابعد عن خدمة العملاء باكبر قدر ممكن


بس يالغالي ماقلتولي من ناحية المرتب واجازات تامينات ووالخ

ماحد عطاني خلفية عنها

[A.M.J.A.D]

-------------
amjad
للان مادري وين بيوجهوني بالظبط يعني مادري شو الطبخة

بس فيه واحد من الزملاء في شركة الاتصالات مدير مكتب خدمة العملا

قالي قطاع الاعمال والتشغيل غيرها لا تدور
ويقول ابعد عن خدمة العملاء باكبر قدر ممكن


بس يالغالي ماقلتولي من ناحية المرتب واجازات تامينات ووالخ

ماحد عطاني خلفية عنها

هو صادق ابعد عن خدمه العملاء ومكاتب الاشتراكات ما وراها الا الهم , لو واسطتك قويه خله يجيبك بتقنيه المعلومات ولا قطاع النواقل والمشغلين العز كله هناك :nice:

بالنسبه للراتب اول سنه بتكون بند ساعات براتب 3520 , بعدها يحطوك قريد 5 يوصل راتبك 5000 وتجلس ثلاثه سنين على هذا القريد , بعدها يحطوك بالقريد المعطى لوظيفتك بالنظام يا 8 او 9 ماتزيد عن كذا . يوصل راتبك بين 8 و 9 الاف

الاجازات برضو على حسب طبيعه عملك بس بالسنه لك 30 يوم , واكيد فيه اشتراك بالتأمينات .

وعلى فكره الشركه فوق مكتب العمل يعني لاتفكر بحقوق موظف وكلام فاضي على حسب علاقتك مع مديرك وطبيعه عملك

[العبقري]

اهلين
كم بياخذو منك بالتامنيات سنويا؟؟

وهل فيه تامين غير الصحي؟

او سنة اكون على بند ساعات يعني كيف

يكون دوامي شفتات؟

وبعدين اذا كان المرتب في السنة الاولى 3520 :con2:
فهو مايتقارن مع الخطوط؟

برضه هل يعتمدون لي الشهادات الي مثل يومين او ثلاثة

مثل فن التعامل مع الاخرين ودورة تدريب بالمستشفى؟؟

اذا كان الدبلوم يكون على القريد 4 فكم يخش عليه البكالوريس؟؟


اعذرني على كثرة اسئلتي
ولك مني اجمل تحية

[العبقري]

بس ياشباب ماحد عطانا رايه بالخطوط؟

[SwahL.com]

اخوي العبقري .. اسعد الله مسائك بكل خير

اولا صعب احد يحكم لك بالافضل ..

لم توضح المرتبات التي عرضت عليك ..

اولا بالنسبة للإتصالات السعودية .. فهي تقبل بالدبلوم ومرتبات متفاوته على حسب المكان الي انت فيه .. مثلا في الإدارة بيختلف عن موظف في فرع من فروع الإتصالات ..
وميزاتها مثل ماذكروا الإخوان ..

ثانيا الخطوط السعودية.. وطبعا يعتمد في اي قطاع راح يتم توظيفك .. وعلى اي قريد ولكن الأغلب انهم لن يوظفوك بالدبلوم سيتم توظيفك بشهادة الثانوية ..
وهنالك اكثر من قطاع فيها / الصالات في المطار - الحجز المركزي في السفارات - المروج في الإدارة - المكاتب المنتشرة في ارجاء الرياض وهي تابعه لخدمات الحجز تابعه للإدارة - الشحن الجوي في المطار - التموين في المطار
فالقسم يعتمد وبعضها بدأ في الخصخصة وبعضها يحتاج سنة او سنتين ..
بالنسبة للمميزات اكيد بدل السكن ويعتمد من قسم لقسم ..
والتذاكر المخفضة سنويا .. بنسبة 75% من سعر التذكرة لك ولأبنائك .. والتأمين الطبي كذلك .
ميزة مهمة في الخطوط / انك ممكن تدرس في الصباح .. وتأخذ الشفت الذي يبدأ من 3-11
او من 11-7 مناسب جدا لمن يريد يكمل دراسته ..



ثالثا البنوك طبعا معروف وضع البنوك .. واعتقد وظيفة بنك تأخذها لمسألة وقت فقط اما في انتظار وظيفة قادمة.. وبالنسبة لمميزات البنك يعتمد على المكان وغيره .. مثلا خدمات عملاء الفروع دوامين والراتب 4500ريال مع البدلات .. بينما قد تجد في الادارة دوام واحد متواصل 8 او 9 ساعات ولكن بمكان افضل من خدمات العملاء .. ادارة عمليات - الدعم الفني - خدمات الإتصال وميزة هذه الاقسام في الإدارة عدم مقابلة الجمهور وجهاً لوجه امكانية الحصول على بونص على العمل الزائد او تنفيذ اكبر قدر من العمليات .. وجميعها يكون التوظيف بها بنفس الشهادة ونفس كل شي ...
ومميزات بدل السكن وبدل المواصلات في الثلاث شركات كلها وكذلك التأمين الطبي ..

اتمنى لك دوام التوفيق واتمنى اكون افدتك لو بشيء قليل

[ميادين]

الاتصالات لان الاتصالات لها مميزات قوية بالمرره واول ما تتقاعد يعطونك مليونيييييييييييين لا يفوتك

[العبقري]

SwahL.com

اشكرك على ردك يالغالي

لو ممكن رقم جوالك اذا امكن ارسله على ايميلي هذا

abkry_net@hotmil.com

فيه بعض الاسئلة الخارجية

ولك تحياتي

[العبقري]

طيب هل بيعادلو لك الدورات والشهادات؟؟

[العبقري]

انا قالي واحد بالخطوط

لك ثلاثة الاف ريال كلها حجوزات لك بالسنة


الشيء الثاني
التأمينات الطبية
موهوب زي الاتصالا

ولا اشرايكم:con2: