كتبت هذه التدوين يوم الاربعاء و أحببت ان أشارككم بها لان بها اسباب انشغالي كل هذه الفترة عن بكسل و عن سوالف سوفت و عن منتدي php و التعلم منه
و انشغالي عن الدورة html و سبب اني اريد بدء هذه الدورة
متلازمة ما قبل التخرج
الأربعاء، فبراير 25، 2009
السلام عليكم و رحمة الله و بركااااااااااااااته
اعذروني سأكتب هذه التدوينة بالعامية فنرجوا من اللي مش فاهمين مراعاة فروق اللهجات الانسية بيني و بينهم
متلازمة ما قبل التخرج Graduation Syndrome
كنت اول من اصيب بها وسط اصدقائي جميعا و كانت اصابتي بها شديدة جدا حتي اضطرتني لكتابة هذه التدوينة لكم
حاولت ان اكتب لكم في بداية اصابتي لاعتذر لكم حتي اتعافي منها لكني لم استطع حتي التدوين
نبدأ القصة من اولها
بدأت افكر انا ناوي اعمل ايه بعد ما اتخرج ؟ سألت نفسي السؤال ده بجدية و كتيير جدااا ..
بس للأسف نفسي ما لقتش الجواب عليّ .. اتخانقت معاها ازاي مش عارفه انت عاوزه تبقي ايه بعد التخرج ؟
حاولت افتكر احلامي ... طموحاتي ... ما لقتش نفسي فاكر منها اي حاجة كلها اتلخبطت و اتمسحت
اتخانقت مع نفسي و خاصمتها و سبتها و مشيت (جديا يسمي عدم الحديث مع النفس او عدم التفكير الذاتي يعني مش بيفكر مع نفسه او مش بيكلم مع نفسه و يفكر معاها و كده )
سالت اصحابي و ناس كتيرة حواليّ و سألت اصحابي علي النت علي الايميل
الاجابة كانت منحصرة في اجابات زي
" شوف انت نفسك تشوف نفسك ازاي بعد خمس سنين ؟
شوف انت بتحب ايه و اعمله
شوف الشغلانه المطلوبه في السوق اكتر و اتعلم لها ؟
اختار تخصص ما و ابدأ اشتغل بيه فعلا
او انت كان نفسك تبقي ايه و انت صغير و ابدأ نفذ الحلم ده
"
و غيرها من الاسئلة الصعبة جدااا و التي حين لا تجد اجابات لها تحس بحيرة شديدة و تحس انك تايه و ضايع
و خلاص انا بقيت زي مليون فاشل تاني بلا طموح بلا اهداف بلا احلام بلا اي شيء
لا لا مستحيل
انا فاكر اني كان عندي احلام كتيرة قوي و انا صغير
بدات احاول افتكر
افتكرت احد احلامي من زمان و كنت كاتبها هنا علي المدونة من زمان
رابط التدوينةبحلم في يوم من الايام ... بوجود شركة كرتون اسلامية - في مستوي احترافي عالي يرقي الي مستوي الشركات العالمية - تنتج كرتون يتوافق مع مبادئنا و قيمنا ...بحلم ان اكون مؤسس تلك الشركة ...بحلم اني انتج فيلم كارتون عن محمد الفاتح ...
مازلت احاول تذكر احلام الطفولة لكني لم اعد اتذكر اغلبها و ان تذكرت اتذكرها كمجرد أمنيات فقط
تركت كل هذه الاوهام و الاحلام الي الواقع و قلت اشوف واقعي و احاول ان اضع كل شيء من جديد
حاولت تذكر لماذا اعيش ؟ غايتي ؟
غايتي هي رضا الله عني
اعيش > لاعبد الله تعالي
> لاعمر الارض و اصلح فيها
حاولت اتذكر اهدافي التي كنت اعيش من اجلها
لكني وجدت ان اهدافي كلها اهداف عامة و ليس لي اهداف متخصصة
حاولت اتذكر احد اهدافي و انا في اولي سنواتي الجامعية > ان اكون افضل مصمم ويب و اكثرهم احترافا
و حين بدات قليلا في طريق تطوير المواقع قررت ان اكون > افضل مطور مواقع
و هكذا
و في بداية هذه السنة تركت كل هذا علي جنب و قلت لنفسي بما اني احسن الحديث و اتابع كل جديد
و بما ان تخصص كليتي اصلا هو تدريس الحاسب الالي قلت لما لا اكون افضل مدرس كمبيوتر
و فكرت ان اطلق مصطلح جديد لمجموعة جديدة اسستها في ذهني PT = professional Teacher
علي نفس وزن PSD = Professional System Developers مجموعة صديقي طلال الأسمري بالسعودية
و لكني فكرت كثيرا في اكمال هذا الحلم و التخطيط له بسبب واقع التعليم و التدريس في مصر المؤسف جدا و المحبط جدااا جدااا
و تذكرت اني قررت عدم الدخول في هذه المتاهة التي بلا نهاية و بقيود كثيرة
ان كنت اريد ان اعلم الاخرين ما تعلمته فهناك مليون طريقة بقيود اقل بشكل افضل خارج المدرسة و بدون الطريقة التقليدية العقيمة
تركت هذا الحلم جانبا و ان كنت ما أزال احاول تنفيذه مع مجموعة الدروس الخصوصية التي لديّ. و التي اشرح لهم ما اريد كيفما اريد متي اريد
تركت كل ذلك جانبا و شغلني سؤال فظيع قاتل في الصميم
من انا ؟
و فضلت ابحث له عن اجابة
تخيل معي انك فجأة تنسي من انت ؟ تنسي ذاتك ؟
لا اقول تنسي اسمك انظر لابعد من ذلك .. تنسي كل ما تعرفه عن نفسك .. تنظر لنفسك كأنك تنظر لانسان غريب عنك
تبدأ في البحث عن ذاتك من جديد .. عن ماضيك .. لا تتذكر من ماضيك الا الذكريات السوداء و المحبطة جداا
مجرد خطوات عثراء عشوائية و مجموعة من التجارب الفاشلة و فقط ..
تحاول تناسي ذلك .. و تبدأ في اكتشاف واقعك و من انت الان ؟
تبحث عن مهارات؟ هوايات ؟ امكانيات ؟ خبرات ؟؟
تجد كل شيء عندك ليس مكتملا .. ليس لديك اي مهارة مكتملة جاهزة لديك ... او اديك اي خبرة في مجال محدد
كل ما لديّ مجموعة من المعلومات من بحثي علي النت عن العديد من المجالات و فقط
طبعا وصلت لاجابة اصعب سؤال : من انا ؟
انا انس عماد الدين شاب في 21 سنة طالب جامعي علي وشك التخرج كان لديه طموح و همة و بعض النجاحات و كثير من الفشل كان لديه الكثير من الهوايات سابقا و القليل الان هواياتي تنحصر في النت و متابعة اخر الاخبار لديّ خبرة بسيطة بالديزاين و html,css و مبتدئ في الphp لدي خبرة بسيطة في التعامل مع برنامج ادارة المحتوي جملة joomla لدي بعض المحاولات الصحفية التقنية خصوصا مع اسرة كات CAT لدي بعض المهارات انقرض بعضها و تضائل البعض الاخر المهم هذا هو انا بشكل مختصر و بسيط
كنت مشهور باسم المبتسم دوما (هكذا سمتني والدة احد اصدقائي) حتي كنت عندما احزن كنت ابتسم بحزن
حينها قلت لنفسي
طب خلاص عرفت انا مين .. طب انا عاوز ابقي ايه ؟
اما هذا السؤال فمازلت ابحث له عن اجابة لاني لا اعرف ما اريد ان اصبح بعد شهر او بعد سنة حاليا
و كل ما اعرفه اني سأستمر بعالم IT
و طبعا كل ما سبق لا ننسي ان نضيف له توابل رائعة في مثل هذا السن في مثل هذا الوقت من العام
حيث باقي لديّ 90 يوما فقط علي التخرج و لم احدد اهدافي او ماذا اريد ان اصبح او ما الامكانيات التي لديّ ؟ يالهوووووي
طبعا هذا ولد لدي ضغط عصبي نفسي شديد جداا
اصبحت اعد الايام المتبقية علي التخرج عدا تنازليا يوما بعد يوم و اقوم بتغيير النيك نيم لايميلاتي الثلاثه حتي لا انسي ايضا
و كنت احسب ان هذه الحركة ستجعلني اشد الحرص علي الوقت المتبقي , وجدتها تزيد الضغط العصبي و النفسي لديّ اكتر من السابق و تزيده يوما بعد يوم كل ما اقترب ميعاد التخرج
و كدت اصل او وصلت فعلا لاكتئاب ما قبل التخرج و ما بعده ايضا
و بقيت ماشي شايل هم الاستعداد للتخرج و هم البحث عن عمل بعض التخرج و هم تطوير ذاتي و هم الفلوس وووو
و بقيت " ماشي شايل طاجن ستي " كما يقول المثل تحولت ابتسامتي لوجه حزين حيران كئيب لم اعد استطيع التركيز و اصبحت مشتت الفكر لا استطيع التركيز علي شيء
المهم قررت وضع خطة عاجلة و البدء في تنفيذها
و بما اني قررت اني استمر في مجال الاي تي IT ..سواء كنت سأكون مصمم ويب او مطور ويب او محرر او كاتب او صحفي تقني او حتي مدرس علوم حاسب حتي علي الاقل فكل هذه المجالات تتطلب مني تأسيس نفسي او اعادة تأسيس نفسي من جديد بشكل افضل
قررت وضع خطة لاكون جيدا في هذا المجال
وضعت خطة بمساعدة صديقي محمد فتحي او egyptian علي خدمة مستندات جوجل و كنا نكتب في هذا المستند في نفس الوقت و نتحدث صوتيا علي جوجل توك my it plane و التي نشرتها في البوست السابق ايضا
المهم كنت ناوي أبدا في التنفيذ فعلا لكن كنت حاسس ان شكل الخطة مش غريب عني كنت حاسس انها شبه كل خططي القديمة بتاعتي و مفيش فرق بينها و بين كل اللي فات
- my old it plane
- web designer progessional
- 1-html : 1 days
- 2- css :5 days
- 3- desgin skills : 5 days
- 4-js : 10 days
- 5-xml : 9 days
- 6-HTML DOM :8 days
- 7-DHTML :10 days
- 8-AJAX : 20 days
- 9- template joomla
- 10- theme wordpress
- web developer , programmer : coder :-
- php : 10 days
- mysql : 5 days
- examples scripts : 15 days
- framework (cake,..): 15 days
- web developer , open source developer :
- joomla (modules,plugin): 30days
- wordpress (plugin): 30day
و فاكر برده ان كل خططي اللي فاتت لم تنجح ان تستمر او تنفذ اصلا و التي استمرت لمدة يوما كانت خطة ناجحة بالنسبة لي
المهم سألت صديقي و زميلي احمد محمود امايكو فقال لي ده خطة مش عملية و ساعدني اني احط خطة احسن و ابسط
و الخطة ببساطة ستكون بشكل متوازي يعني كل يوم ساعتين ساعة منهم اما هيكون css أو ديزاين او الاتنين معا بس لا يتجاوز ساعة واحدة و ساعة اخري php او ساعة و نص php فقط
- my new it plane
- 2 hours daily for 90 day
- *- design & css Tips & Tricks > Parallel
- 1- php revision
- 2- php scripts
- 3-framework
و تكون يوميا و قد تزيد المدة حسب انشغالي في اليوم فقط لا غير
و قال لي ان احسن و ابسط طريقة : اني اتعلم الاساسيات ثم احاول اعمل مشروع بسيط و اتعلم باقي الدروس المتقدمة في المشروع ده
و حطينا الخطة ده سوا بعد اكتر من ساعة مشي لموقف بلقاس الجديد و رجلي ورمت بس كنت مستمتع تماما بالحديث مع امايكو
تحس و هو بيكلمك انه مرّ بكل الحاجات ده قبل كده فينصح عن تجربة و عن خبرة
و فضلت اتكلم معاه ازاي الواحد يبقي ويب ديزاينر محترف يتعلم ايه ؟ او ويب ديفلوبر يتعلم ايه و هكلم عن الموضوع ده لاحقا بالتفصيل اكتر
بس حاليا انا وصلت لخطة مستقر عليها الفترة الجاية بجد الف شكر يا امايكو علي الخطة
بس المشكلة بعد وضع الخطة هو كيفية التنفيذ بشكل عملي
سألت م.حازم حمدي مديري في الشركة فرد عليّ ببساطة شديدة و بتلقائية "ركز ساعتين فعلا في تعلم حاجات جديدة و بعدين تعالي طبق في المطلوب منك في المواقع المطلوب منك تصميمها او تطويرها يبقي اتعلم و تعالي طبق هنا علي مشاريع "
قلت الحمد لله كده تمام قوي .. كده عرفت ازاي اوفق بين تنفيذ الخطة بتاعتي و بين الشغل و اضرب عصفورين بحجر
بس تبقي ازاي اعرف اوفق بين الكلية و بين الشغل و بين الخطة و بين دعوتي و بين ممارسة الرياضة خلال اليوم و خلال الاسبوع ككل
و ده بقي اللي بحاول اظبطه اليومين اللي جايين دوول
اخيرا في اخر اطول تدوينة كتبتها
اشكر كل من ساعدني في هذه الفترة العصيبة بالنصيحة الخالصة لوجه الله و بالدعاء لي
محمد فتحي , امايكو احمد محمود , طلال الأسمري , المبرمج كريم , ميتو محمود متولي ,
ان شاء الله سأحاول ان اطلعكم علي الجديد
و اعتذر لكل من وعدتهم ببدء دورة في html و css في بكسل و سوالف سوفت لانشغالي بكل ما سبق فكنت في مود صعب ابدأ فيه دورة
و ياريت تكونوا استفدتم من التدوينة و من تجربتي الفترة الحالية و استفدتم بيها و سأحاول اكمل التدوينة بشكل افضل لاحقا بكل النصائح التي وصلتني هذه الفترة من اصدقائي خصوصا طلال و نصائحه الرائعة
اشوفكم بخير ان شاء الله مع التدوينة القادمة ان شاء الله و بانتظار تعليقاتكم و رايكم و نصائحكم
رد مع اقتباس
