ثانوي علمي ونسبتي تحت 80% وش تنصحوني فيه :(

[فيصول]

الله يوفقكم ..
صراحة الردود حمستني :app:
حسيت إن فيه أمل مع إني كنت متحطم جداً

أبو فهد ينصر دينك ياشيخ
يوم قريت ردك حسيت إني جايب 99 Lolz

جزاكم الله خير ,

والحين شلت الفكرة من راسي نهائياً

[عادل الظفيري]

ذكرتني ايام الثانوية كان واحد من الشباب معاي باخر سنه

الفصل الاول كنا مزفتين بالدرجات وما كمل الفصل الثانيه وقال يبي يعيد السنه علشان يجيب نسبه

كملت انا وتخرجت بنسبه تمشي الحال وهو كملها بعد ما طوف سنه

ولعبت فيه النفسيه ما قدر يكمل وفصل

وللحينه ما خلص الثانوية من 10 سنوات ههههههه

انتبه ترا قعده سنه تلعب بجنوبك هههههههه

[yy44.net]

دورة إدخال بيانات ومعالجة نصوص أقل شي ٦شهور+
لغة إنجليزية أقل شي سنتان=
وظيفة مضمونة وبراتب محترم
طبعا الدورة واللغة سبب فقط التوفيق بيد الله .

[ابوعليوه]

دورة إدخال بيانات ومعالجة نصوص أقل شي ٦شهور+
لغة إنجليزية أقل شي سنتان=
وظيفة مضمونة وبراتب محترم
طبعا الدورة واللغة سبب فقط التوفيق بيد الله .

الحين الجامعيين ما يحصلون وظيفه الي معه دوره بيحصل؟؟

[عبدالله حسن]

الحين الجامعيين ما يحصلون وظيفه الي معه دوره بيحصل؟؟

طبعاً العالم تعرف جامعاتنا ... ما شاء الله يعني من قوة التعليم صار يأتون الطلاب من خارج
السعودية <<<< امحق من جامعات

--------------------------------------------
و الله أن هذا الكلام سمعته أنا بنفسي منهم....أن أكثر إدارات الشركات و المؤسسات في السعودية

يقولون نفضل الذي معه شهادة دبلوم من معهد على من يحمل شهادة جامعية

لأننا نعرف ان الجامعات لا يكون فيها مستوى التحصيل العلمي كما هو لدى المعاهد

من تطور في تقنيات التعليم....و تخريج الطلاب يكون في المعاهد أفضل بألف مره من الجامعات

و الله على ما أقول شهيد
-----------------------

طبعاً تكون الشهادة دبلوم ... لا تكون دورة مع أن الشركات تنظر لأصحاب الدورات بكل
احترام من الشهادة الجامعية :funny:

-------------------------------------------

[bArHoMi]

نصيحه : اهتم بالمواد العلميه كثير .. لهم حصّه أكبر من حساب النسبة
وخاصة الرياضيات حاول ابداً ماتنقص بهالماده .. والثلاثي : الفيزياء والكيمياء والاحياء كذلك مهمّين ..
يعني لو تنقص 5 درجات بإختبار الرياضيات النهائي، كأنك نقصت 30 درجه بأي ماده من المواد الي تدرسونها مره بالأسبوع !
* إذا كان عندي خطأ أحد يصححه لي لكن هذا الي اعرفه عن النظام هذا .. ولو تمشي به صح بترفع نسبتك ..

[اللهوب]

فيصول
لاتجلس تحسب اجيب واجيب

لكل مجتهدا نصيب

الله ماينسى احد من عباده انت اجتهد وسو اللي عليك والباقي ربك يحلها

لاخلصت الثانوي وجبت النسبه اللي قدرك الله عليها ابحث ودور وإن شاء الله بتحصل نصيبك

[فيصول]

يعطيكم العافية
والله انا تحطمت كثر ..
لأن كان نفسي ادخل الجامعة تخصص حاسب
لكن الله كريم إن شاء الله يمديني أعوض مايمكن تعويضة وأجيب نسبة زينة الفصل الثاني

مشكورين اخواني ويعطيكم العافية

[دحوم]

ماعليكـ من اللي راح وصدقني لوعدت السنه بتخسر اكثر وبعدين نسبتك تقدر ترفعه بكل سهوله وهتم بالمواد اللي حصصه كثيره خاصه الرياضيات وحاول تجيبه درجه كامله انا العام ماخسفن إلا الرياضيات وجبت النصف الاول 80% والنصف الثاني جبت 88% والحمدلله ارتفعت وصارت 84%


والقياس مهم جداً وحول ان تقرأ كتابهم وإذا حصلت دوره احسن واحسن وفكرت تعيد السنه شله من راسك وبتوفيييق

[ahmadjordan]

السلام عليكم جميعا

انا انصجك تكمل دراستك افضل شئ ممكن عمله بس ماعندي فكره عن قبولات الجامعه في السعوديه لكن

في الاردن عندنا يعني

77 ممكن تدخل كلية العلوم فبزياء و رياضيات و كيمياء

[abdulmajeed]

يعني لو تنقص 5 درجات بإختبار الرياضيات النهائي، كأنك نقصت 30 درجه بأي ماده من المواد الي تدرسونها مره بالأسبوع !
* إذا كان عندي خطأ أحد يصححه لي لكن هذا الي اعرفه عن النظام هذا .. ولو تمشي به صح بترفع نسبتك ..

هذا اللي حصل معي حرفيا

خذت 25 في الرياضيات ونقصت 30 درجة :anger1:

اخوي فيصول شد حيلك زي ما قال اخوي خاصة في المواد العلمية .. موفق

<< على فكرة انا بثاني بعد :nice:

[ArAb4Pc.CoM]

السلام عليكم ..

والله محتار لي 3 أيام أفكر ما أدري أكمل دراسة ولا أكمل السنة الجاية
نسبتي 72% علمي
ما أدري وش تنصحوني فيه يا أخوان

فكرت كثيير .. قلت مالي إلا أستشيركم
علماً انه معدل تراكمي يعني صف ثاني وثالث كأنها سنة وحدة

أنا ثاني ثانوي (علمي)

انصحك تكمل

وتخش دورات تعليمية لإختبار القياس والتحصيلي :nice:

او خش مدرسة اهلية ضمان الإمتياز والتفووق

طبعاً الأهلية تشوف نتيجتك قبل لاتدرس :funny:

[أبو فهد]

أقول يا فيصول ..

وش عندك ما داومت اليوم .. لا تكون قررت بتحذف

[فيصول]

أقول يا فيصول ..

وش عندك ما داومت اليوم .. لا تكون قررت بتحذف

ههههههههههههههههههه
كأنك داري ..

والله أنا أستخرت
وشاورت الوالدة
قالت ان كانك تبي نصيحتي عيد السنه مافرقت كلها كم شهر وهالفترة اخذ لك دورة انجليزي
وهي صادقة
لإني أنا نفسي ادخل الجامعة "جامعة الملك فهد"
أو أي جامعة تخصص حاسب اهم شيئ
لكن حصلت ظروف هالفصل ماقدرت أجيب نسبة زينة
وحسبتها مايمديني أجيب نسسبة زينة
لازم أعيد السنة ,
وإن شاء الله تسااهيل مابعد التعب إلا راحة إن شاء الله

وانا استخرت وخلاص إن شاء الله راح أعيد السنة وأجيب معدل ممتاز ,
وأجيب لكم نتيجتي السنة الجاية ان شاء الله

هالكلام كتبتة عشان السنة الجاية اجي واشوفه ان الله أحيانا خخخخ

[dis4arab]

ممكن يكون كلامي متأخر بعض الشيء

أنا صادفت كثير من الطلاب اللي عادوا سنة، ولا عمري شفت أحد فيهم جاب نسبة عالية.
( المقصود في هذا الكلام هم اللي عادوا لأنهم ما قدروا يجيبون نسبة عالية -بسبب اللعب عادة-، اللي صارت لهم ظروف منعتهم من ذلك هذولي حالة ثانية)

أهم شيء يكون عندك عزيمة - حقيقية-، جيب مدرس في الرياضيات خاصة والمواد العلمية اللي تشوف عندك ضعف فيها بشكل عام، المهــــم هو تجاوز الموارد العلمية ( رياضيات - كيمياء - فيزياء - أحياء - إنجليزي )، وصدقني لو جبت فيها الدرجة كاملة أضمن لك نسبة فوق الـ 97 %.