أستفسار لأصحاب مشاريع الكمبيوتر

[الكواسر]

السلام عليكم


اخواني انا ناوي على مشروع محل كمبيوترات تصليح بيع مستلزمات الكمبيوتر وطبعا في نفس المحل راح يكون فيه قسم لتصميم الاعلانات

انا عندي استفسار لو بغيت اجيب قطع كمبيوتر من برى اشلون بتكون اسعارها وخصوصا في الامارات لان انا اشتغل في ارامكس البحرين واشوف اشلون الكميات الي تجي من الامارات
ياليت الي يقدر يفيدني يرد علي وانا ما ابي اتسرع في اي شي مجرد تخطيط حاليا وراح انفذ لين افهم بعض النقاط



تحياتيـ

[مشعل الشوق]

الله يوفقك انشاءالله .. لكن لازم تطلع للأمارات تشوف القطع بنفسك وتشرف على الأمر ,,
أعمل دراسة جدوى للمشروع قبل البدء فية ,,

اعتقد الناس الآن توجهت إلى مجال الاب توب ..
ومشاريع الكمبيوتر لم تعد ذو جدوى .. هذة وجهه نظر

وبالتوفيق

[إينـاسوفت]

ولك مني نصيحة <<< جاء الحكيم

ابتعد قدر الامكان عن الاكسسوارات مثلا الاسطوانات واهتم بالشيء اللي يجيب لك دخل اكثر
الاسطوانة تربح فيها ريال ولا ما ادري كم <<<< بحسب السوق بغزة

ركز على القطع واترك الاكسسوارات لين يكبر المحل ان شاء الله

وبالتوفيق:nice:

[7ww7.com]

شوف انت اخوي ايش طبيعه السوق بالبحرين ...وبعدين شوف النقط اللي تحتاج اهتمامك واهتم بكل الاكسسورات ولا تترك شيء مع ان مكسبها صغير ولكنها قد تجلب لك عميل يشتري منك ذو المكسب الكبير والله يوفقك ويوفق الجميع ........

[إينـاسوفت]

صح الاكسسوارات مكسب صغير لكن ان كان المحل في البداية نصيحة اتركها
صديق لي كان عندة بس اسطوانات والاجهزة يجيبها على الطلب
الاسطوانة تربح حوالي ريال
قول باع 100 اسطوانة يوميا 100 ريال مثلا
لكن لو كان عندة اجهزة لو باع باليوم جهازين وسوي صيانة لخمسة اجهزة يعني يستغل اي مكان فارغ بالمحل
ويسوي صيانة وقتها بيجيب اضعاف المربح الصغير وهو عادة من الاسطوانات

لكن لا اعلم كيف الاسعار عندكم بس في البداية ابدا بقوة صديقي بدا بإسطوانات بعد اشهر باع المحل
وبدا بداية جديدة ولليوم مستمر الحمد لله والحمد في توسع

ويبقي بحسب طلب السوق خذ لك لفة على المحلات اللي جنبك وشوف كيف بضاعتها واسعارها

[Secur1ty]

مهمه الأشياء الصغيره بغض النظر عن المكسب حتى لو فيها خساره صغيره
لان لو دخل الزبون وشاف المحل شبه فاضي يجيه شعور مو زين وممكن مايدخل للمحل

[بوابة التميز]

أهم شي في محل الكمبيوتر صيانه الاجهزة من شخص فاهم, وغير كذا الاخلاق وحسن التعامل مع الزبون

ومراعاة الله في البيع ..........

[الكواسر]

شكرا اخواني

بالبطع طبيعة المحل راح تكون بيع الابتوبات وصيانتها
وطبعا موجود عندي هالاشخاص ومستعدين يتركون المحلات الي يشتغلون فيها

انا الحين ببتعد عن الاكسسوارات
وابي استفسر عن اسعار الابتوبات هل في فرق بين الامارات والبحرين ؟
ياليت الي عنده خبر لا يقصر

[ليوناردو دافينشي]

الله يوفقك انشاءالله .. لكن لازم تطلع للأمارات

حرام كتابتها بهذا الشكل

إن شاء الله ***