تخصص في الجامعة , صار شغلي الشاغل , وش الحل ؟

[سلطان المالكي]

بسم الله الرحمن الرحيم
السلام عليكم ورحمة الله وبركاته

اخواني الكرام , انا صار تفكير خلاص رايح فيها , في الصلاة في النوم في الاكل والشرب في السوالف في الطلعات في كل مكان وزمان افكر في تخصص بالجامعة ,,,,

انا كنت في الثانوي مهموم لأخر حدي وطفشان علشان اجيب معدل فوق الـ 90 والحمد لله جبت 90.18 ودخلت الجامعة وانا مبسوط , وطبيت في شي اسمه السنة التحضيرية ويعلم الله اني ندمان ليه دخلتها لكن قدر الله وما شاء فعل .

انا الان في السنة التحضيرية وفي السنة القادمة اتجه لكلية علوم اغذية وزراعه

انا ما ارتحت لهذه الكلية مع اني ما اعرف عنها شي ابداً لكن احس من الاسم انها .... :shy:

فما هو الحل يا اخوان وريحوني

هل استمر في الكلية , اما احول من الترم القادم ( طبعاً سنة كاملة تروح بدون فايدة )

هل احول ( اعلام , كلية المعلمين .... الخ ؟؟ )

طبعاً معدلي ما يأهل أحول لكن بحاول ان شاء الله ,,

وما طيح معدلي الا اللغة الإنجليزية

والله يعين ... اللهم امين ..

[مبرمج قادم]

هل أنت في التخصّص الصحيح ؟

كثير من الشباب يتخصصون في مواضيع ومجالات مختلفة ولكن بعد فترة معينة يجدون انهم في المكان الغير صحيح. في هذا الموضوع جلبت لكم تسجيل من برنامج خواطر للاستاذ احمد الشقيري تكلم فيه عن موضوع التخصص , وأنه يجب ان نتخصص في موضوع نحبه حتى نتخطى مرحلة الانتاج ونصل الى مرحلة الابداع. يشدّد الاستاذ احمد الشقيري على امكانية تغيير مجال التخصص بحيث لا يهم متى نقوم بهذا التغيير حتى لو كان عمرك 50 عاما. بكل بساطة , علينا ان نعشق عملنا وان نحول عملنا الى متعة وهذا الشيئ لن نصل اليه الا اذا كان تخصصنا في الموضوع الذي نريده ونحبه.


YouTube - ‫خواطر 3#22 لماذا خلقت‬‎

[MtRp]

اكيد اعلام افضل لك بكثيير

[M. Al-Dhafeeri]

ليش ماتدش هندسه؟

[BOMBER]

ليش ماتدش هندسه؟

الرجال معدلة مايساعد ، الا إذا كنت تقصد هندسة زراعية.


أنصحك بالتوجه الى أي تخصص له علاقة بالتقنية علوم حاسب آلي. حاول قد استطاعتك.

لا عيب في سحب القيد الكامل من الجامعة الحالية والمحاولة في جامعة أخرى ولو إضطررت للسفر خارج المملكة ، حط في إعتبارك وجود أكثر من 3000 طالب وطالبه سيعودون ان شاء الله قريبا للوطن بشهادات ماجيستير ودكتوراه ان شاء الله ، والعدد في تزايد.

الله يوفقك ونسبتك حرام تضيع في تخصص أغذية أو حتى زراعة

[mad921]

هلا سلطان

ادخل معهد إداره ماراح اتكلم فيه ابحث وراح تشوف كيف طلب عليه فيه (برمجه فيه شبكات وفيه سكرتاريه ) كلها مطلوبه

عندك كلية الأتصلات (برمجه وفيه تقنية شبكات سيسكو و فيه اداره شبكات و فيه اتصلات )

يمديك تاخذ دبلوم وتكمل برى للبكالريوس

الملك سعود اشوفها مقبره للطلاب

واترك عنك هوس في تقليل من مقدار دبلوم ممكن تطور نفسك وتكمل او تتوظف بها

الله يوفقك ان شاء الله

[أبو يزيد]

قسم التغذية ممتاز جدا

لا تنس انه الان فيه هيئة الغذاء والدواء و تستقطب الطلاب من قسم التغذية تحديدا

و الله يوفقك

[M. Al-Dhafeeri]

الرجال معدلة مايساعد ، الا إذا كنت تقصد هندسة زراعية.


أنصحك بالتوجه الى أي تخصص له علاقة بالتقنية علوم حاسب آلي. حاول قد استطاعتك.

لا عيب في سحب القيد الكامل من الجامعة الحالية والمحاولة في جامعة أخرى ولو إضطررت للسفر خارج المملكة ، حط في إعتبارك وجود أكثر من 3000 طالب وطالبه سيعودون ان شاء الله قريبا للوطن بشهادات ماجيستير ودكتوراه ان شاء الله ، والعدد في تزايد.

الله يوفقك ونسبتك حرام تضيع في تخصص أغذية أو حتى زراعة

معقوله نسبة 90% ما تدخله الهندسه؟

عندنا بالكويت اذا اخذت 80% انت بالهندسه :con2:

[سلطان المالكي]

اخي مبرمج قادم

مشكور بارك الله فيك , وجاري المشاهدة ...

___________

اخي MtRb

ما هو التخصص الافضل

اعلام تلفزيوني والا صحافة والا علاقات عامة ...؟

ويعطيك العافية

__________

شاعر الظلام

الهندسة حلوة لكن ما يدخلها الا ناس نسبهم عالية

__________

اخي العزيز BOMBER

فعلاً المعدل ما يساعد , انا اتمنى تخصص حاسوبي لكن الهواء ضدي طالبين نسب تعجيزية , اما عن الابتعاث الخارجي الصراحة لا افكر فيه الا بعد بكالريوس ان شاء الله , والله يوفقك ان شاء الله , وما ودي اطلع والله من جامعة الملك سعود .

__________

هلا حبيبي mad921

يا اخي معهد الادارة ما خش مزاجي , بشكل عام ما ابي اطلع من الملك سعود , وبعدين اذا كان البكالريوس ما له قيمة الحين الا نادراً كيف عاد الدبلوم .

والله يوفقك ان شاء الله

___________

حبيبي ابو يزيد , وفقك الله , الهيئة هذه كم حدها طالب يعني يمكن ما نكمل الدراسة الا وهي فل ويمكن هي فل الان من الواسطات ^_^

الله يوفقك ان شاء الله , ما قصرت

"___________

شاعر الظلام

النظام يختلف من جامعة لجامعة , ومن واسطة لواسطة ههههه

يعني وش نسوي ما لنا الا الصبر

وادع لي اني اقدر احول ^_^ او اشوف لي صرفة

_____________



اخيراً :

ما في احد يأيدني على الاعلام ... غير MtRb

والله يوفقكم جميعاً

[محمد بن عبدالعزيز بن سيف]

نصيحة وش لك بالدراسه هنا ,,

اذا خلصت سنه تحظيرية قدم في امريكا ولا بريطانيا وادرس هناك مجرد نصصصصصصصيحه .


شفني .. تخرجت ولي 4 شهور عاطل ... طعبآ تخرجت من كلية وتخصص ما ارغبه لكن ماباليد حيله

والحين بأذن الله جاني قبول من جامعة امريكية ...

[SwahL.com]

توجه لجامعة الإمام واختر تخصص ممتاز فيها ..

وخاصة الحاسب والمعلومات .. او اعلام او علوم ادارية

[BOMBER]

اخي مبرمج قادم

مشكور بارك الله فيك , وجاري المشاهدة ...

___________


__________

اخي العزيز BOMBER

فعلاً المعدل ما يساعد , انا اتمنى تخصص حاسوبي لكن الهواء ضدي طالبين نسب تعجيزية , اما عن الابتعاث الخارجي الصراحة لا افكر فيه الا بعد بكالريوس ان شاء الله , والله يوفقك ان شاء الله , وما ودي اطلع والله من جامعة الملك سعود .

__________

مكالمة من هنا ومكالمة من هناك بتلقى لك مقعد في التخصص الحاسوبي ، تبقى جامعة سعود من أكثر الجامعات في المملكة فساد إداري بعد الملك عبدالعزيز وفيصل .

أما عن الإبتعاث ، لم اتحدث عنه بقدر القصد بدراسة سيمستر واحد او سنه في أي من الجامعات في الدول المجاورة ومن ثم العودة عن طريق معادلة المواد والعودة الى التخصص المطلوب.


تمنياتي لك بالتوفيق .

[يوسف التميمي]

اخوي ،، انصحك لوجه الله اتجة للكليات الصناعية عليها طلب مو صاحي من الشركات وخاصة ارامكو وسابك وسامرف وغيرها الكثير

واتمنالك كل التوفيق

[vb3vb3]

انصحك انحش عن الاعلام ماله مستقبل أبد

صراحه انا اشوف معهد الاداره كويس للقطاع الخاص اللي هو فيه الوظايف الان

وفيه هيئة الدواء والغذاء ممتازه لو تكمل جامعه بس اهم شيء تضمن قبول فيها

رواتبهم قويه مره مره مره ومرتاحين ولا عندهم شغل

بس انت من اللي حسيته بكلامك انك حاط ان السنه التحضيريه شيء مستحيل تجاوزه وهو اللي موقف بطريقك الحين انك تفكر بالطريقه هذي

صدقني الجامعه هنا مامنها فايده ^_^ نفسك نفس الثانوي الا من رحم ربي مجرد شهاده والأكثريه مالقت وظايف من خريجيين الجامعات والعسكريه يقولون تنازل عن الجامعه نقبلك جندي بالثانوي !!

معهد الاداره كويس بالوظائف لو فتحت الجريده بتلاقي وظايف بالهبل كلها تطلب تخصصات موجوده في معهد الإداره .


وبالتوفيق لك


بداح

[MtRp]

انا فى اعلام قسم ملتميديا انترنت > تصميم وبرمجة مواقع
بس غريبة ما عندكم القسم هذا
لكن اعلام تلفزيوني افضل لك من اغذية وزراعة بمليون مرة