اسباب هزيمة المنتخب المصري سوفتيا
هذا ما كتبته في مدونة كله عالطاير
بشأن لعب الشباب اليوم وطبعا كنت متوقع النتيجة
وكنت عارف الي هيحصل
والهجوم علي المنتخب هيكون شكله ايه
اليكم اخر الاخبار من اخوكم الفرجاني
فبعد مباراة عصيبة بين منتخب مصر ومنتخب امريكا <<< مكنتش عصيبة اوي يعني علشان منضحكش علي بعض زي الماتشين الي فاتوا
اليكم اخر ما توصلت اليه ابحاثي السوفتيه
ابحاثي كانت في سبيل ايجاد نقاط الضعف والقوة في المنتخب المصري
نمسك المنتخب المصري
نبدأ بحسن شحاته
تحس ان الشب حسن شحاته خلص باندويث وناوي ينقل علي سيرفر جديد لان السيرفر الي عليه مش متحمل ضغط اكتر من كده واحتمال يغير الشركة الي فيها ويسيبه من الشايرنج بلاير وياخد لعيبه vps
اما خط الوسط المصري فتحس انه مدة حجزة خلصت وقرب يدخل الباراك لعيبه ( دومينات يعني )
اما عن المنتخب الامريكي
منزلين شباب عتاولة
وانا الي كنت فاكر ان امريكا عيال من بتعوت بابي ومامي وتيته وياابلتي
فلا تتعجب يعني هي جت علي الماتش ده بس مهي غااليانا في كل حاجة
وبعين ما تزعلش يا عم الروش يا وطني علي لعب >> لو اعتبرنا ان كان فيه لعب
اما بقا الشب وائل جمعه > الله يخليه لمصر ويكرمه زي ما كرم السادات فكن هو مركز الشوربة في الفراخ ( قصدي في الفريق )
وعلي رأي المثل الفرخة كلت بيضها >> طبعا المثل ملهوش اي لزمة زي ماتش مصر ده بالظبط
سألت احد المارة في الشارع عن سبب هزيمة المنتخب قائلا
ياعم دا شكل اوباما اتخدل في الموضوع سياسيا وقال يا اما الماتش يا اما القمح والحدق يفهم
التحليل المنطقي للموضوع بصراحة
احنا مكناش بنلعب حلو الماتشات الي فاتت دا احنا كنا بنخلي الفرق الكبيرة بتلعب وحش لدرجة انك كنت بتبان غالب فيها
وعلي رأي المثل الشهير
اجري يا ابن ادم جري الوحوش يا تلحق المونديال يا متلحقهوش
واقولهالكم بصراحة مصر بوظت كاس القارات يعني فريق زي امريكا > مع احترامنا لامريكا طبعا > امن الدولة يا عم ييجي وياخدنا مش ناقصين
فريق زي امريكا يصعب
طب كان فريق زي ايطالي كنا استمتعنا بالنهائي علي الاقل
واقولهالكم بصراحة علي رأي المثل الي بيقول الي يتكسف من بنت عمله يقول لبنت خاله
مصر عالحال ده ماشيا معاها سبهلله زي الكوسه الي ماشيه في البلد
وتصبحوا علي خير