الوظائف الصيفية , من قرى عنها في الجرائد ؟

[أبوهيثم]

السلام عليكم , كيف حالكم يا شباب

وانا اقلب التلفزيون اليوم الظهر طلع لي برنامج في القناة الاولى طبعا

يستعرض الصحف , المهم انه جاب طاري الوظائف الصيفية

وان التقديم سوف يبدا غدا الى اسبوعين

انا فريت الجرائد عبر مواقعها بس ما لقيت اي شي من الي شفته

فهل فيه احد مر عليه في احد الجرائد عن الوظائف الصيفية عن طريق مكتب العمل ؟

ابوهيثم

[علي العتيبي]

السلام عليكم

مرحبا ابو هيثم

شف بنك العربي أعتقد بيفتح الوظائف الصيفية بعد اسبوع

[أبوهيثم]

يا هلا فيك اخوي , والله البنوك بقدر المستطاع بتحاشاها , فيها شبهة بصراحة

ويعطيك العافية , وفي انتظار الي عنده خبر او عرف مصدر الخبر

ابوهيثم

[طلال عبدالله]

الوظائف الصيفية زي كل سنه خبرها في اول اسبوع بعد استلام النتائج في الغرفه التجارية ..

[oO(الباسل)oO]

بنسبه للدمام وللخبر

http://www.promisingtech.net/LabOffDam.aspx

والاحساء .. تراجعهم بالمبنى حقهم

[أبوهيثم]

الوظائف الصيفية زي كل سنه خبرها في اول اسبوع بعد استلام النتائج في الغرفه التجارية ..

المشكلة اني اول سنة اتوظف يعني مدري وش الطبخه

ولكن الي اخبره في مكتب العمل وليس في الغرفة التجارية ؟ <=== معلوماتي ضعيفة لان هالكلام جايني عن طريق شخص اعرفه

بنسبه للدمام وللخبر

http://www.promisingtech.net/LabOffDam.aspx

والاحساء .. تراجعهم بالمبنى حقهم

يعطيك العافية , ان شاء الله يستفيدون اهل الشرقية , وفي انتظار اهل الرياض

ابوهيثم

[صالح]

وين ساكن بالرياض ؟
لك خلفيه بتركيب المواقع والاداره المتوسطه بدون الوصول للسيرفر ؟
وارسلي الـ CV هنا مع كل دوراتك وان شاء الله خير

haym # mothhelah.com

[ALRheeB.Net]

قدمت اليوم بالغرفة التجارية توظيف فوري
الراتب ١٥٠٠ الشهر وانا بيتي بشرق الرياض قلعوني بمصنع رخام على طريق الخرج
رحت عطيت مدير المصنع ورقة التسجيل قال بندق عليك العصر ومادق ولاشي
ف مدري وش سالفتهم
وتراه بالغرفة التجارية لجميع الفئات والطلاب والقبول فوري وتلقاه بالدور ٤ جناح ب

[أبوهيثم]

وين ساكن بالرياض ؟
لك خلفيه بتركيب المواقع والاداره المتوسطه بدون الوصول للسيرفر ؟
وارسلي الـ CV هنا مع كل دوراتك وان شاء الله خير

haym # mothhelah.com

تمت المراسلة

قدمت اليوم بالغرفة التجارية توظيف فوري
الراتب ١٥٠٠ الشهر وانا بيتي بشرق الرياض قلعوني بمصنع رخام على طريق الخرج
رحت عطيت مدير المصنع ورقة التسجيل قال بندق عليك العصر ومادق ولاشي
ف مدري وش سالفتهم
وتراه بالغرفة التجارية لجميع الفئات والطلاب والقبول فوري وتلقاه بالدور ٤ جناح ب

يعطيك العافية , بروح لهم السبت ان شاء الله , يعطيك العافية

ولكن حبيت اسالك , وش الوقت الي لازم احضر فيه ؟

يعني هل لو اجي العصر فيه اشكالية او لازم الصبح ؟

الامر الاخر وش المطلوب نجيبه لهم ؟

ابوهيثم

[ALRheeB.Net]

اسف على التاخير لكن برد هنا بعد حتى يستفيد الجميع
المطلوب انك تجيب صورة احوالك وفيه ناس تصور بالدور الارضي
وتعريف
وتعبي استمارة فوق بالدور الرابع
والتوظيف فوري

[Legend KSA]

توظيف فوري ويمكن راتب وانت جالس



هذا اللي يصير في بعض الشركات واعرف ناس زي كذا



مأخذين ورقه من مكتب العمل توجيه للشركه الفلانيه يروح لهم يعطيهم الورقه


يقولون له راجعنا نهاية كل شهر خذ راتبك


^_^

[أبوهيثم]

اسف على التاخير لكن برد هنا بعد حتى يستفيد الجميع
المطلوب انك تجيب صورة احوالك وفيه ناس تصور بالدور الارضي
وتعريف
وتعبي استمارة فوق بالدور الرابع
والتوظيف فوري

الله يجزاك خير , اتضح الامر

توظيف فوري ويمكن راتب وانت جالس



هذا اللي يصير في بعض الشركات واعرف ناس زي كذا



مأخذين ورقه من مكتب العمل توجيه للشركه الفلانيه يروح لهم يعطيهم الورقه


يقولون له راجعنا نهاية كل شهر خذ راتبك


^_^

عجيب

الله يرزقنا

[أبوهيثم]

للفائدة للجميع :-

طلعت اليوم الساعة 10 وثلث من البيت "طبعا بيتي في السويدي"

على ما مسكت الملك فهد ما وصلت عند مخرج شارع الوشم الا 11 وثلث من الزحمات

كنت ناوي امر الغرفة التجارية بعد ذلك امر مكتب العمل , وبما ان الوقت تاخر ما بقى الا القليل على الاذان

قلت اسير على مكتب العمل ولاحقا نروح للغرفة التجارية

لما وصلت مكتب العمل اتضح التالي :-

مكتب العمل يخص الطلاب من الثانوي فما دون

الغرفة التجارية يخص اصحاب الجامعات والدبلومات

يعني الي معه شهادة ثانوي يقدم في مكتب العمل "اذا ما كنت واهم ان التقديم من 5 الى 7 مساء"

والي معه دبلوم او جامعة يقدم في الغرفة التجارية

وفقنا الله واياكم

ابوهيثم

[بـــدوي نــت]

توظيف فوري ويمكن راتب وانت جالس



هذا اللي يصير في بعض الشركات واعرف ناس زي كذا



مأخذين ورقه من مكتب العمل توجيه للشركه الفلانيه يروح لهم يعطيهم الورقه


يقولون له راجعنا نهاية كل شهر خذ راتبك


^_^

ياحظ اللي يطيح فيها

عشان فحص نسبة السعودة في الشركة فقط لا غير !!

الله يرزقنا وإياكم ..

[أبوهيثم]

توظيف فوري ويمكن راتب وانت جالس



هذا اللي يصير في بعض الشركات واعرف ناس زي كذا



مأخذين ورقه من مكتب العمل توجيه للشركه الفلانيه يروح لهم يعطيهم الورقه


يقولون له راجعنا نهاية كل شهر خذ راتبك


^_^

وهذا ما حصل معي اليوم

اتجهت للغرفة التجارية وعطيتهم اوراقي ومعي تعريف على اساس اني دبلوم من نيوهورايزن

ورفض وقال ما نقبل دبلومات اهلية , ولعله ضبط الوضع وخلاني جامعي

واتجهت للمؤسسة الظاهر اسمها السايرة او من هالقبيل وهي بجانب مرور الناصرية

ولما كلمتهم صار المدير غير موجود وكلمت من ينوب عنه وقال لي بالحرف الواحد

رح لمكتب العمل وجب ورقة توجيه وعطنا اياها وخلاص انت متوظف

اجلس في البيت واخر الشهرين تعال استلم راتبك

انا طبعا رفضت هالشي وطلعت منهم لاني لا اقبل اموال حرااااااااام

القانون يمنع ذلك , حسبي الله عليهم مرمطوني وفي النهاية شركة خايسة زي وجيههم

ابوهيثم