إستفسار بخصوص الإنترنت المُتنقّل ؟

[saudi-vip]

السلام عليكم

دخلت عدة مواقع مثل موبايلي والجوال وزين مافهمت شيء غير تفاوت رهيب في الاسعار

المهم انا ودي اشترك في انترنت متنقل في اي مكان بالمملكة لدواعي سفر وتنقلي الكثيره

لكن فيه محدود ومفتوح وما ادري لو اشتركت بالمحدود يكفيني تصفح او لأ علما بأني من اصحاب التصفح الوسط

يعني ممكن تصفح مواقع ومنتديات من ساعتين الى 5 باليوم

بصراحه لو احد عنده خبره او اشترك يقولي وش الافظل من ناحية الاسعار والجودة والخدمه حول المملكة واهم شيء عدم التقطيع :funny:

[bArHoMi]

الكونكت حلوه واسعارها بعد حلوه ,
لكن الي اعرفه انه لو مثلاً اخذت 1 قيقا ( شهر )
وخلصتها بأسبوع ..
ماتقدر تشحنها ال اذا خلص الشهر .
هذا الي فهمته

يعني يجبرونك تاخذ مفتوح

[يوسف المحمد]

السلام عليكم ورحمه الله وبركاته

استخدم وصلة ايجوا من زين " البحرين " 4 جيجا شهرياً ..

الوصله بشكل عام حلوه صراحه ..

مشكلتها تتخلص في بطىء الاتصال بكثير من الاماكن ما يكون فيها تغطيه زينه للمنطقه

وهذا يأثر على سرعة الانترنت ..

بخصوص النت المفتوح والمحدد اذا ما فيه فرق كبير بينهم خذ المفتوح وريح راسك ..


انا تصفحي للانترنت اقل شي 5 ساعات يومياً ..وفقط تصفح ما اسوي داونلود وابد ما عمري طفت الليمت 4 جيجا

لكن في الفترة الاخرة استخدم اليوتيوب وبرنامج السكايبي ما اوصل نص الشهر الا الـ4 جيجا منتهيه

واضطر ادفع اكثر من قيمة الفاتورة الاصلية ...


باختصار اخي

-احرص انك تسأل عن افضل وصلة كونكت من بين الشركات الثلاث الموجوده عندكم .. من ناحية التغطية وسرعة الانترنت ...علشان عقب ما تندم لي رحت لشركة وشفت خدمات الشركات الثانية افضل منها ...

- بالبداية خل النت عندك مب مفتوح محدد .. اذا شفت استخدامك زين معاه وماشي خلك عليه .. اذا شفت انه ما ينفع معاك ذيك الساعه خله مفتوح


وبالتوفيق يالغالي

[MANTEK]

الكونكت حلوه واسعارها بعد حلوه ,
لكن الي اعرفه انه لو مثلاً اخذت 1 قيقا ( شهر )
وخلصتها بأسبوع ..
ماتقدر تشحنها ال اذا خلص الشهر .
هذا الي فهمته

يعني يجبرونك تاخذ مفتوح

هذاك اول الحين اشحن رصيدك وجدد انشاء الله 100 مرة في الشهر