السلام عليكم ورحمة الله وبركاته ،
هذا الموضوع شرح لأصحاب المواقع لطريقة تنصيب نظام P.V.Share بالشكل الصحيح ، اللي ما يعرف عن النظام : هو نظام يسمح للمسجلين بإنشاء هاردسك خارجي وهمي على الانترنت ، يعني قسم لكل مشترك يقدر من خلاله ترتيب مجلداته وملفاته وتنسيقها كانها على هاردسك خارجي ، نبذه اكبر عن النظام في رابط الموضوع المخصص في سوالف : اضغط هنا
نبدء بطريقة التنصيب :
اول شي تحميل ملفات النسخة الاخيره من الموقع الخاص بالنظام www.pvshare.com. حالياً احدث نسخه هي النسخة 1.2 تم اطلاقها في وقت سابق من اليوم. (اضغط هنا للتحميل). حيتم تحميل ملف مضغوط ، فك الضغط عن الملف وحنبدء بعملية ضبط ملف الكونفيج الخاص بالنظام.
طريقة التعديل :
ادخل على المجلد upload وروح للمجلد includes حتلقى ملف اسمه config.php.new غير اسمه لـ config.php وافتح الملف باي محرر نصوص بسيط ( مثل النوت باد لمستخدمين الوندوز ). عدل السطور الخاصة ببيانات قواعد البيانات للنظام ( طبعا يحتاج انك تسوي قاعدة بيانات ومستخدم لقاعدة البيانات ويتم ربطهم ).
$setting['database']['username'] = "";
$setting['database']['password'] = "";
$setting['database']['name'] = "";
بعد تعديل ملف الكونفيج ، ارفع الملفات كامله على موقعك باستخدام اي برنامج FTP تفضله. حالياً حنفترض تركيب النظام في مجلد فرعي باسم pvshare.
افتح المجلد public_html وانشيء داخله مجلد جديد وسميه pvshare وارفع الملفات الموجودة داخل المجلد upload.
بعد ما ينتهي الرفع ، افتح المتصفح وادخل على الرابط : http://www.xxxx.com/pvshare/install
حيبدء معاك سكربت تنصيب النظام. حيشيك اذا كان ملف الكونفيج موجود وشغال تمام ، اذا كل شي تمام راح يعطيك رابط للمتابعه في عملية التنصيب. تحتها حتلقى ملاحظة صغيره عن تشغيل سكربت الاختبار ، وهو سكربت بسيط يختبر العمليات اللي يمكن تنفيذها على الخادم عندك. لان النظام يحتاج بعض الشغلات مثل mkdir و rmdir وبعد الخصائص في قواعد البيانات.
تشغيل سكربت الاختبار راح يعطيك رسالة بالأخطاء اللي حيلقاها السكربت وطريقة حلها اذا كانت موجودة او يعطيك الخطأ بالتفصيل عشان تحاول تحله اذا قدرت ، بعد ما يشتغل تمام راح يظهرلك رابط متابعة التنصيب ، اضغط على continue ، وراح يبدء معاك النظام عملية التنصيب ، حتمر بمجموعة خطوات وتعليمات استمر في الضغط على continue. في مرحلة حيطلب منك بعض البيانات منها اسم الموقع اللي تبغاه ، ووصف الموقع ، ورابط الموقع اللي هو الرابط اللي ركبت فيه النظام ، واحد من الاعدادات هو المجلد اللي حاب يتم تخزين الملفات اللي يتم رفعها من المشاركين في النظام ، اذا خليته فاضيه النظام راح ينشيء ملف باسم افتراضي. يفضل انك تدخل اسم خاص ، طبعا هذا الاسم حيكون مخفي يعني ماحد راح يقدر يعرف هذا الملف ولا يقدر يحمل اي ملف مباشره منه.
بعدها راح يطلب منك بيانات عضوية الادمن اللي تبغاها للنظام. وبعدها تنتهي عملية التنصيب ، عن طريق الـ FTP احذف ملف install بعد الانتهاء ، وروح للوحة التحكم على الرابط : http://www.xxxx.com/pvshare/administrator ، حيطلب منك تسجيل الدخول سوي تسجيل دخول وارجع للوحة التحكم مره ثانيه ، روح للاختيار system setting واختار ملف اللغة العربية Arabic.php واضغط على update بكذا صار النظام باللغة العربية ، تقدر ترجع للصفحة الرئيسية وتتصفح مجلداتك وترتبها ، طبعا التسجيل مغلق عن طريق لوحة التحكم -> الاعدادات تقدر تفعله عشان تسمح للزوار بالتسجيل والاستفادة من النظام.
الحين العملية الصعبة : إضافة cron jobs
روح للوحة التحكم الخاصة بموقعك cPanel. بعدين روح لـ cornjob في اخر اللوحة تلقاه ، اضغط عليه راح يخيرك بين اختيارين ، اختار الاول stander ، وضيف الكود التالي في السطر العلوي :
cd home/xxxx/public_html/tmp_directory/; find -cmin +10 | xargs rm;
xxxx هو اسم المستخدم للموقعك في الخادم.
واختار مدة التنفيذ كل 5 دقايق او 10 دقايق حسب الرغبه ،
مثل الصورة التاليه :
الحين روح للملفات حقت النظام اللي حملتها ، وافتح المجلد dont_upload ، وانسخ اللي موجود جوته ، وارفعه بالمجلد الجديد اللي طلبت من النظام استخدامه كمجلد افتراضي لحفظ الملفات المرفوعه من المشتركين ، سوي تحديث في الـ FTP راح يطلع معاك افتحه وارفع الملفات داخله ، بعد ما تنتهي عملية الرفع ، غير اسم الملف RENAME.htaccee وخليه .htaccess. نفس العملية نفذها على المجلد tmp_directory
مبروك تم تنصيب النظام ،
رد مع اقتباس
المشاركة الأصلية كتبت بواسطة 3thome.net 
