ما هى افضل فيزا للشباب للشراء من على الانترنت فى مصر + مشكلة

[Gawalak.Com]

السلام عليكم ورحمة الله وبركاته

ماهى افضل فيزا او ماستر كارد للشباب للشراء من على الانترنت فى مصر ؟


==============

مشكلتى
انا اشتريت بطاقة Youth Offer من البنك الأهلى سوستيه جنرال
ودى صورتها



اللى على اليمين دى البطاقة العاديه واللى ع الشمال دى بتاعه الانترت
والمفروض بطاقة الأنترنت يكون عليها لوجو الفيزا زى ماهو واضح فى الصوره
لكن انا استلمت البطاقه العاديه بلوجو الفيزا اما بطاقة الانترنت مكتوب عليها فقط visa virtuon كتابة بخط اسود ومش لوجو
فروحت للبنك قالولى عادى هتستخدمها عادى وانا فاهم الكلام ده
المشكله اصلا لو حصلت مشكله لا قدر الله من اى نوع والموقع طلب منى صوره للفيزا وبعتلهم دى يفتكرونى نصاب وضارب الفيزا
يعنى لانى على حسب معرفتى لوجو الفيزا ده من الاساسيات

فياريت اللى يعرف افضل بنك لعمل بطاقات الشباب
ويقولى على حل المشكلة التانيه

وشكرا جزيلا

[MtRp]

هو لازم يكون عندى حساب فى البنك الاهلى علشان اطلع Youth Offer ؟؟
وهل ليها سن محدد ؟

[moramo]

لالا دة بنك معروف مش معقولة الكلام اللى بتقول عليه دى بتكون كروت خاصة بالبنك

استعملها مفيش مشاكل

[abdelrahman]

انا اشتريت بطاقة Youth Offer من البنك الأهلى سوستيه جنرال

هذا البطاقة عن تجربة غنية عن التعريف

برغم ان هذا الحساب محدود وتنقصه بعض المميزات إلا أنه رائع ودعمه ممتاز ويقضي الغرض ومقبولة من أغلب المواقع العربية والأجنبية

جرب بطاقات بنك مصر او الاهلي وشوف الفرق

بالنسبة للمشكلة اللي بتتكلم عنها اعتقد سهلة جدا أشتري ستيكر للوجو الفيزا والصقه عليها وخلصت المشكلة :app:

هو لازم يكون عندى حساب فى البنك الاهلى علشان اطلع Youth Offer ؟؟
وهل ليها سن محدد ؟

أعتقد السن من 18 لـ 23 سنة

وحساب ال Youth Offer منفصل يعني مش شرط يكون عندك حساب في البنك

وبيكلفك 50 جنيه فقط قيمة الاشتراك :1power:

[Gawalak.Com]

هو لازم يكون عندى حساب فى البنك الاهلى علشان اطلع Youth Offer ؟؟
وهل ليها سن محدد ؟

لأ مش لازم يكون عندك حساب
انت هتروح بالبطاقة وب 50 جنيه هيعملولك حساب + حساب النت
وهتاخد البطاقتين اللى فى الصوره اللى فوق
والسن من 18 ل 23
وخد بالك انا بتكلم عن البنك الاهلى سوستيه جنرال مش البنك الاهلى المصرى

لالا دة بنك معروف مش معقولة الكلام اللى بتقول عليه دى بتكون كروت خاصة بالبنك

استعملها مفيش مشاكل

منا عارف انه بنك محترم وعارف ان الفيزا هتشتغل تمام
لكن بتكلم لو لقدر الله حصلى مشاكل مع شركة الدومين مثلا وطلبوا منى اثبات الفيزا
فهرسلهم سكرين للفيزا مش هيلاقوا اللوجو ممكن يقولوا دى مضروبه لأن المفروض يكون عليها اللوجو
ولما روحت البنك قالولى الفيرجين الجديد من بطاقة الانترنت مش عليه اللوجو

[MtRp]

شكرا جدا ل elmjeck و Gawalak.Com
ان شاء الله اجيبها قريب
هى تكلفت اصدارها 50 جنيه ؟ ومسبقة الدفع صح ؟

[Gawalak.Com]

ايوه 50 جنيه التكاليف ولو عايز تحط فلوس بتروح البنك تحط فى حسابك
ولو عايز تحط فى بطاقة الانترنت بتقولهم عايز احط فى بطاقة الانترنت مش العاديه
يأما لو فيه فلوس فى العاديه ممكن تقولهم حولولى فلوس من هنا لهنا

[MtRp]

شكرا لك
شكلى هروح من بكره
بس ياسلام لو كانت بتقبل باى بال

[Gawalak.Com]

احب فيك تفاؤلك , بس ده من عاشر المستحيلات للأسف مصر مصنفه على قائمة الدول الخطره ماهو علشان كده انا عارض مشكلتى لأنى خايف انهم يشكوا فيا واضطر انى ابعتلهم الفيزا ويقولوا دى مضروبه لأن معلهاش لوجو الفيزا

وياريت حد يقولى ايه حل للمشكله دى ويقولى فيه ايه بنوك تانى بتقدم بطاقات الفيزا للشباب

[ahdaf.net]

استعمل فيزا انترنت البنك العربى الافريقى 4U internet card
تصدر فى نفس الزيارة و تشحن رصيدك و يفعل بعد 8 ساعات و مقبولة و لاتحتاج الى حساب خاص
و تستلم كارت فيزا حقيقى و يتم اصدارها بالبطاقة الشخصية فقط
راجع موضوعى فى ترايدنت
http://www.traidnt.net/vb/showthread.php?t=775463

[Gawalak.Com]

شكرا لك اخى الكريم لكن حضرتك مقلتش دى للشباب ولا لأ
+ بطاقة البنك العربى الأفريقى بتاعتك برضه مش عليها لوجو الفيزا انا اقصد اللوجو الشعار مش الكلمة



انا عندى نفس الكلمه على بطاقة NSGB بالاسود
الصراحة انا مش عارف هو عادى وأمان ولا لأ
لكن انا مش مطمن

وهل حد يعرف اى حاجه عن بطاقة شباب CIB البنك التجارى الدولى ؟ وهى ماستر كارد على فكره مش فيزا

[MtRp]

بطاقة بنك مصر بيبقى عليها العلامة
وشوف برضوا دول
البطاقات
البطاقات

[Gawalak.Com]

واحد صاحبى معاه فيزا الشباب من بنك مصر وبيقولى خدمتهم مش قد كده

[FadyCoder]

ما اعتقدش اللوجو مطلوب عشان يتأكدوا انها سليمة او غيره ..
و لعلمك انا بحسها كلها حركات مش اكتر بتتعمل لما بتكون الفيزا من امريكا و اللى استعملها من قرية ابو العزايم !! فبيكونوا عايزين يتأكدوا من الاخر انها مسروقة !!
انا مرة طلبوا صورة تحقيق الشخصية , بعتلهم البطاقة بالعربى قالوا امين !! يعنى قال عرفوا يقروا حاجة ؟

جرب بطاقات بنك مصر او الاهلي وشوف الفرق

ايه الفرق !؟ بينها و بين بنك مصر ؟
انا بتعامل مع بنك مصر من سنين و عمرى ما جربت كروت تانية
بس بتعب جدا لما بيحصل refund او فلوس تتسحب test من البطاقة عشان ترجع و بحس ان كل حاجة شغالة معاهم يدوى مش كومبيوتر و حسابات تلقائية وا لازم اتصل و اقولهم فين كشف حساب الشهر !!؟

عايز اجرب NSGB بس الاول خلينا نستغل الموضوع اللى اتفتح ده و نكمل حوار جاد عن البطاقة دى لان عايز اعرف عيوبها و مزاياها من اللى جربها و خاصة فى مسألة الـ refund و الفلوس اللى بتتسحب تيست و خاصة ان ممكن يتسحب منى 50 دولار فى الشهر تيست على كذا عملية .. مع بنك مصر يحاسبى الدولار مثلا بـ 5.5 جنيه و لما يرجعلى الـ 50 دولار يحاسبى بـ 5 جنيه و هكذا .. الـ 5 جنيه ثابته عندهم طالما هيرجعلى فلوس !!

[abdelrahman]

ايه الفرق !؟ بينها و بين بنك مصر ؟

الفرق مش قليل

يعني هكلمك عن الفرق الظاهر او الملموس :

أولا عندما تذهب لفتح حساب او استخراج فيزا من بنك مصر فعليك بتعصيب العين وإغلاق الفم والوقوف إنتباه! .. لإنك لو فكرت تسأل الموظف أي سؤال فلن تتلقى أي إجابة مناسبة له!

يعني ممكن تسأل الموظف مثلا طريق الخروج من البنك منين ؟ يرد عليك يقولك انا هتعشى النهردة مع خطيبتي مثلا!

ثانيا أي مشكلة تواجهك في البطاقة وتتصل بالدعم علشان يحلولك المشكلة تلاقي نفسك وقعت في مشكلة تانية الا وهي .. الاتصال مشغول 24 ساعة!!

طبعا فرق شاسع عندما تدخل البنك الأهلى سوسيتيه جنرال (NSGB) لقضاء أي خدمة .. رقة في التعامل ,سهولة في الأداء ,هدوء وإسترخاء وإنسجام , موظفين عارفين شغلهم كويس ,مفيش زحمة ...الخ

طيب الخدمات اللي في البطاقة أو الحساب :

خدمات بنك مصر الخاصة بالبطاقة ممكن تكون خدمات عادية جدا يعني لا يميزها شيء بل يعيبها أن أغلب المواقع ترفض التعامل مع هذه البطاقة ولا أعرف ما السبب!!

أما بطاقة البنك الأهلي سوسيتيه جنرال وخصوصا حساب الشباب (Youth Offer) فهو مميز ورائع في نفس الوقت أولا لأن اغلب المواقع تتعامل معه بدون أي مشكلة وثانيا أنه يوفر خدمة رائعه من نوعها ألا وهي خدمة الـ NETABANK عن طريق الانترنت

الخدمة توفر لك معرفة رصيدك الحالي و اخر التعاملات و الايداعات وخدمة التحويل من الحساب العادي لحساب الفيزا يعني مش هتحتاج انك كل شوية تروح البنك وتشحن الفيزا بالرغم من أن الذهاب للبنك متعة وأعني بنك (NSGB) ..

طبعا خدمة الـ NETABANK فيها مميزات كتير جدا ومن أهمها أيضا معرفة المواقع اللي سحبت أو التي قامت بإقتطاع مبالغ من حسابك ومعرفة القيمة التي تم سحبها ووقت السحب وغيره من المميزات الرائعة .. والخدمة تعمل 24 ساعة ..

يمكن في أشياء كثيرة لم أتذكرها وممكن تحسها عند إستخراج بطاقة البنك الأهلي سوسيتيه جنرال وخاصة لو كنت بتستخدم البطاقة بشكل كبير

وطبعا المعلومات دي قديمة شوية لاني مستخرج البطاقة من فترة يعني إحتمال الان يكون في تطورات وتحسينات أكثر من خلال فتح الحساب

إن شاء الله أكون أفدتك.