تجربتي مع احدي برامج محمد عبدالتواب:اي بزنس

[محب الله ورسوله]

النكته بقى
عايز يبيع الليله ب 28000 جنيه
فرصة استثمارية .. بزنس كامل قائم بالفعل للبيع .. | مع محمد عبد التواب

يريد ان يبيع الموضوع كله ليبدأ من جديد بمواقع جديدة وخطة جديدة لشفط اموال الغلابة اللي يحلموا بالربح السريع

[Gawalak.Com]

اه والله عندك حق
الناس مبقتش مستحمله حد ينتقد حد
عايزه كل واحد لازم يشكر او يسكت
لما واحد عمل موضوع علشان موقع ابن الخليج حاطط كلمات اباحيه اتقال على صاحب الموضوع حقود
لما انا عملت موضوع علشان اعرض الكلمات الاباحيه اللى محطوطه فى برامج نت اتقال عليا بشهر بيه
لما واحد عمل موضوع للنقاش عن غلو سعر برمجه مقارنه باسعار البرمجه الاجنبيه دخل صاحب البرمجه قاله يا حقود
لما صاحب الموضوع هنا بيشتكى من هيافه المنتج اللى اشتراه الناس قالت عليه بيشهر بيه
يعنى من الاخر عايزن الناس يا تقول رائع وممتاز يأما متقولش حاجه خالص

[Mr.Mido]

استاذ محمد نعمة الله
ارجو ألا تتكلم عن اي شخص بهذه الصورة مرة أخري
فانت لم ترسل لي اي رسائل
ولم ترسل لنا اي من مدوناتك أو اماكن الدورات التي تقدمها
فهذا معناه ان كلامك غير صحيح
لا تستحق أن تلفظ ولو بلفظ عن أي شخص من هؤلاء الذين تقوم بالتشهير لهم
بالإضافة إلي انني وبعض من الدارسين بدورات المهندس خالد
سمعنا عنك اقاويل كثيرة
لا اريد أن اسردها لك في المنتدى

ولكن الاهم أنني اريد ان اقول لك
لا تتكلم عن شخص أو البرامج التدريبية من أي شخص علي الإنترنت
طالما لم تقتني اي من منتجاتهم

واحب ان انبهك أن الكثير من الناس ممن إقتنوا هذه البرامج والعروض التدريبية
بفضل الله حققوا ارباح بالفعل
فكيف تقول ان هذه البرامج فاشلة ؟


من فضلك اريد منك إجابة واضحة ؟؟؟؟؟؟؟

والسلام لكل اعضاء وزوار منتدي سوالف الكرام

واضح فعلا ان العضوية اتباعت

اولا انا مبديش دورات حاليا ومش معنى انى مبعتلكش رسالة ان كلامى مش صحيح انا عايزك تقرا ردودى بس كويس هتلاقى فيها الاجابة على كل النقط الى بتسال عليها منها مثلا انى اقتنيت منتجاتهم وقولت انى مستعد اشحنها لاى عضو فى سوالف يقراها ويدى الناس رايه بحيادية تامة واضح انك مقرتش كلامى كويس منها ايضا انى قولت انهم بيتكلموا فى حقى من ورايا بكلام ربنا يهديهم ويبطلوه لانى طول الوقت باخد من حسناتهم بكدبهم وافترائهم , مواقعى وارباحى اسال عليها خالد شافها بعينه وطلبة دفعة شهر 9 و10 و11 و12 سنة 2008 شافوها بعينهم ومسكو الورق بايديهم ممكن اديك ارقام تليفوناتهم وايميلاتهم واساميهم

وبعدين هيا جات عليك ياعم قول الى تقوله اذا كان الى بيعلمكوا قال عليا وهوا بيصلى الفرض فى معاده ! مرة اخيرة انا لو غرضى التشهير كنت فضحتهم بكل الاشكال واقلها نشر ايميلات خالد الى كانت بينى وبينه على الملأ وارسالها لطلابه ونشر تحذير فى مواقعى الى بفضل الله بيزورها الاف يوميا بس انا دة مش غرضى انا من باب الامانة بحذر الناس ومازلت عند كلمتى اختاروا اى عضو فى سوالف وانا هشحنله الكتب والمواد بتاعتهم وياخد وقته يقراهم وييجى يقولنا دة كلام مفيد وويفتح شغل ويكسب فلوس ولا معلومات عامة

[Mr.Mido]

واضح ان الاخ Gad 2008 بيعارض ردوده السابقة
هى العضوية اتباعت ولا واحد تانى اللى بيتكلم

والله انت قريت الى كنت عايز اقوله بالظبط

[Mr.Mido]

اه والله عندك حق
الناس مبقتش مستحمله حد ينتقد حد
عايزه كل واحد لازم يشكر او يسكت
لما واحد عمل موضوع علشان موقع ابن الخليج حاطط كلمات اباحيه اتقال على صاحب الموضوع حقود
لما انا عملت موضوع علشان اعرض الكلمات الاباحيه اللى محطوطه فى برامج نت اتقال عليا بشهر بيه
لما واحد عمل موضوع للنقاش عن غلو سعر برمجه مقارنه باسعار البرمجه الاجنبيه دخل صاحب البرمجه قاله يا حقود
لما صاحب الموضوع هنا بيشتكى من هيافه المنتج اللى اشتراه الناس قالت عليه بيشهر بيه
يعنى من الاخر عايزن الناس يا تقول رائع وممتاز يأما متقولش حاجه خالص

ليا موضوع قديم برضو عن صاحب موقع مشهور لقيته بيستعمل كلمات جنسية ولقيت الناس عمالة تقول نفس الى حصل معاك دة سبحان الله مين فى الدنيا يحسد حد على ارتكابه ذنب !

[صيدلى]

يريد ان يبيع الموضوع كله ليبدأ من جديد بمواقع جديدة وخطة جديدة لشفط اموال الغلابة اللي يحلموا بالربح السريع

انا قريت العرض بتاعه....
بس تعرف؟؟ هيلاقى اغبياء كتير يشتروا منه
لو وحد بس بعت رسالة ل جوجل يشرح فيها ان محمد عبد التواب بيبيع المواقع دى عشان كلمات البحث اللى قدر يوصل ليها
تاكد تماما ان فى يوم وليلة هيتسمح من كلمات البحث دى
واللى هيشترى ...هيشترى سمك فى ميا
دة يدل دليل قاطع انه ولا هو خبير ولا حاجة كما يدعى على نفسه بانه " خبير تسويق الكترونى "
لان الخبير ميقعش فى الغلطة دى

[صيدلى]

واضح ان ردى جاب نتيجة ...و أ.محمد مسح الاعلان اللى كان عارض فيه بيع مواقعه
وواضح كمان انه قفل موقع sewow من مدة وحوله على ebizns

[MtRp]

واضح ان ردى جاب نتيجة ...و أ.محمد مسح الاعلان اللى كان عارض فيه بيع مواقعه
وواضح كمان انه قفل موقع sewow من مدة وحوله على ebizns

وليه ميكنش مسح الاعلان لانه وجد شارى غلبان هيشترى المواقع دى :con2:

[GoldEuro73]

بسم الله الرحمن الرحيم

السلام عليكم و رحمة الله و بركاتة

معكم / هاني عبد الحليم - سارة الحسيني ( عضوية مشتركة )

يتحدث أليكم : هاني عبد الحليم

بداية كل عام و أنتم بخير و رمضان كريم أعادة الله علينا بالخير و اليمن و البركات

بخصوص الأستاذ / محمد عبد التواب و منتجاتة

طالما ما كنت أفضل أن أقف بعيداً متفرجاً بدون الأشتراك في أي جدال أو نقاش

مهما كان أما اليوم فأري أنة من واجبي أن أعطيكم رأيي بمنتهي الحيادية و الموضوعية


علاقتي بالربح من الأنترنت بدأت قبل معرفتي بمحمد عبد التواب بحوالي عام و نصف أي

في 2006 و كنت مبتديء و لكني كنت قد حققت بعض النجاح البسيط في أدسنس بمعدل

150 دولار كل شهر و كنت أربح فقط من بلوج واحد ( بلوجر )

ثم تعرفت علي أول منتجات محمد عبد التواب و هو برنامج أرباحي التدريبي . . . .


لفت نظري بشدة خطاب البيع المتقن و أثباتات الفيديو و صور الشيكات و لكن وقتها وقفت أمام

السعر ففكرت أن أقوم بالأشتراك مع شخص لنشترية سوياً و قد كان و بعد الأطلاع علي محتوياتة

بالكامل و قرائتها مرة و مرة خرجت بأكثر من معلومة و أستراتيجية لزيادة أرباحي من أدسنس

من ضمن الخطوات في برنامج أرباحي :

أن تعيد أنشاء موقع آخر و تعيد خطوات الأنشاء الأولي و هكذا

فخرجت من هذه المعلومة البسيطة بأنشاء 10 بلوجات يتحدثون عن أكثر الكلمات المفتاحية سعراً

في أدسنس مثلاً : Insurance - Mortgage - Home Loans - Online Equity Trading - Citi Bank

و غيرهم حيث متوسط سعر النقرة يتراوح من 5 دولارات ألي 15 دولار في هذه الأيام سنة 2007

و أزدادت أرباحي بعد التطبيق بدون شك و بعد عمل البروموشان في جروبات الياهو في الأيام

التي تسمح بالأعلان فيها يومياً كنت أرسل لما لا يقل عن 25 جروب مجهود مرهق جداً حتي

تنسقهم و تعرف أي الأيام هي المسموح فيها بالأعلان و تخصص مجموعات أيام السبت و الأحد ووو

(( ما أريد قولة هنا أنني لم أخذ ما قالة محمد بالحرف في برنامجة و نفذتة كما هو نسخة بالكربون

بل قمت بالتعديل علية حسب رؤيتي أنا و حسب ما أحب ))

حتي لا أطيل عليكم . . . .


صدر المنتج الثاني لمحمد عبد التواب : أي منتج بأصداراتة المختلفة فقمت بالشراء أيضا

من خلال الأشتراك مع شخص آخر و هذا حل أجدة دائما ممتاز أذا ما وقف السعر عقبة أمامك

و كان المنتج الثاني أكثر نضجاً و أكثر أحترافية ربما يعيبة فقط أنة مختصر بعد الشيء حيث

أقتصر علي عدد 2 تقرير يشرح لك مشروع أي منتج و الآخر بعنوان أسراري الخاصة

بالأضافة ألي فلاشة مساحة محتوياتها 4 جيجا بايت زادت محتوياتها ألي أكثر من 16 جيجا

في الأصدارات التالية بها مجموعة أصفها بالممتازة من الكورسات منها العربي و منها الأجنبي


تمر فترة و يصدر منتج جديد بعنوان أي بيزنيس و فية يتلافي محمد عبد التواب أخطاء منتجاتة

السابقة بالكامل فيقدم أمثلة و تطبيقات بكامل تفاصيلها بالأضافة طبعاً ألي مواد علي عدد 2 فلاشة


أتوقف هنا لأسرد بعض النقاط :

ربما كنت محظوظاً حيث أجيد اللغة الأنجليزية أتقاناً تاماً بحكم دراستي ليسانس أداب أنجليزي طنطا

ربما كنت متفرغاً تماماً لهذا العمل حيث أقضي أكثر من 8 ساعات يومياً علي الكومبيوتر و أحياناً أكثر

لا أنصح أبداً بهذا فقد أنتهي الأمر بي عند الطبيب و قد حققت أرقاماً ما كنت أتخيلها في يوم من الأيام

متوسط من 1500 دولار ألي 2000 دولار شهرياً من أدسنس فقط بدون حساب الأفيليت و C P A و غيرهم


فهل أستفدت أنا من محمد عبد التواب .. ؟!!!

نعم و الله العظيم أستفدت منة و بقولها بمنتهي الأمانة و أستفدت منة لسبب بسيط

أني لم أخذ منتجات محمد عبد التواب كأنها الحل السحري و لغيت عقلي و خبرتي

و رغبتي في التعلم و التطبيق .. !!

يدهش الكثيرون جداً لو قلت أنني حققت أرباحي هذه كلها بدون موقع بدومين نيم و لا أستضافة

كلهم 10 بلوجات مجانية Blogger و لتلافي نقطة أن يقوم جوجل بتعطيل حسابي أذا ما تجاوزت أرباحي

600 دولار شهرياً و أنا غير مشترك بدومين نيم و لا أستضافة قمت بشراء 3 دومينات من علي بلوجر

لعدم ترك أي حجة لجوجل . . . حيث أنني مدمن بلوجر و أعشق العمل فيه حتي النخاع . . . . .

أخواني لا أحد يتعلم أو يربح بين يوم و ليلة مهما كان عبقرياً أو ذكياً لقد تم أغلاق 3 حسابات أدسنس

لي علي فترات حتي تعلمت من أخطائي .. !!


لي أكثر من موقف مع محمد عبد التواب حيث قمت بزيارتة في مكتبة مرتين و أعلم أنة قد قام

بأرجاع ثمن المنتج ألي عميل في الأسكندرية بالأضافة ألي صاحب الموضوع الأخ الكريم shbabswa.com

و الذين أبدوا عدم أستفادتهم من المنتج و يرغبون في نقودهم .. !!


أما نقطة 67 ألف دولار و بيع محمد لموقع البيزنيس العربي أي منتج بـ 5000 دولار

فأنا هنا بجد أتعجب جداً جداً من كل الناقمين و أقول سبحان الله .. !!

شخص ناجح أجتهد و تعب و لدية ملكات رائعة و يصل الليل بالنهار ليحقق أهدافة

من لدية أيميل محمد عبد التواب علي الجي ميل يجدة فاتح و منور في الشات في مختلف

أوقات اليوم الواحد : ( 2 صباحاً - 7 صباحاً - 10 صباحاً - 2 ظهراً - 8 مساءاً - 11 مساءاً ) .......

حتي أنك تتعجب متي ينام .. ؟!!!


أتحدي أي شخص أن يحقق فقط نصف ما يحققة محمد عبد التواب من أرباح /-:


و في النهاية أقول لمحمد عبد التواب كما قلتها لة مرة أثناء حديث لنا :

سنفترض أن الربح من الأنترنت عبارة عن كعكة جميلة لذيذة ( اللهم أني صائم ) !!

هذه الكعكة مقسمة ألي نصفين :: نصف أرباحك من أدسنس و كليك بنك و سي جي و الأفيليت عموماً

و النصف الآخر هو بيعك لمنتجاتك الشخصية .. !!


سأقول لك تنازل عن النصف الأخير أذا ما كان سيسبب لك أي ألم أو أذي معاذ الله

و تفرغ للنصف الأول فقط و من خلال الوقت الذي تم توفيرة من بيع منتجاتك ستقوم بالتركيز أكثر

و مضاعفة أرباحك الأخري بأذن الله . . . .

و أقول لكل من يريد الربح من الأنترنت عليك باللغة الأنجليزية أولاً ثم القراءة المتأنية حتي تتعلم

الأساسيات ثم قم بوضع خطة معينة بأهداف محددة و أبدأ في التطبيق فوراً

شخصياً قرأت الكثير من 2006 و حتي يومنا هذا و ما زلت أقرأ كورسات جديدة لأشخاص متميزين مثل

John Reese - Jeff Johnson - Stephen Pierce - Mohamed Abdel Tawab - Andrew Fox

الربح من الأنترنت مثل لعبة البازل لن تكتمل الصورة أمام عينيك من أول يوم و لكن رويداً رويداً

و كلما تعلمت و مارست و طبقت أكثر ستظهر الصورة كاملة أمامك و ستعرف أن الأمر كان يستحق تعبك.


أستودعكم الله ... و السلام عليكم و رحمة الله و بركاتة.

[alFarisDev]

الاخ هاني ..

الصراحة بعد الموضوع ده وكلامي مع الاخ ميدو وبقية الاراء الاخري ..
اكتشفت حقائق كتيرة اكدت الشكوك اللي جوايا ..

بالنسبة للي بيشتروا المنتجات دي .. او بياخدوها كورسات .. نوعين :
النوع الاول .. متحمس جداا وعنده خبرة بسيطة بالربح و بيطلع كتير علي اسرار هذا العالم ..
النوعية دي اللي اللي بتنجح فعلا وانا وانت بننتمي ليهم ..

النوع التاني .. ما عندوش خبرة في النت غير فتح ماسنجر او ايميل او يخش منتدي !
النوع ده للأسف مش حينجح لانه محتاج يتعلم المجال علي اسس علمية مدروسة ما ينفعش ياخدها في شكل كتب او فيديوهات ..

الناس بقي اللي بتدي المواد دي (وده اللي اكتشفته) هما اللي عاصروا العصر الذهبي لعالم الربح من الانترنت اللي هي من سنة 2004 الي بداية 2008 ..
الفترة دي كان اي مشروع علي النت بيجيب فلوس بالعبيط مهما كان مجاله .. لان السوق كان مفتوح ..
لكن دلوقتي اتحدي اي خبير انه يثبت لي انه بيكسب زي زمان ..
هما حاليا اه بيكسبوا فعلا .. بس مش زي الارقام الكبيرة بتاعت زمان << ده اللي انا بركز عليه

وبقول تاني للجميع .. كل اللي عملوا ارقام كبيرة في الادسنس او الافليتس او بيع منتجات .. عملوها في الفترة دي ويستحيل اي شخص يكررها حتي لو مشي علي نفس خطاهم ..

السبب :
اولا :الازمة الاقتصادية العالمية الاخيرة ضربت سوق اعلانات الانترنت .. وسعر النقرات او العمولات لم تعد كما قبل .. ودلوقتي الشركات بتركز علي المواقع ذات ترافيك عالي فقط ..

ثانيا : انتشار هذا المجال ناس كتيرة جريت عليه سواء محترفة او غير محترفة بنفس الادوات وبنفس طريقة الاشهار زي الجروبات وغيرها ..
وبلغة التجارة ( السوق كدة غرق ) والنت بقي مليان مدونات ومواقع من هذه النوعية MFA
ولم تعد اي طرق معروفة او في الكتب مجدية تماما ..


ما يعاب بقي علي محمد عبد التواب والاسماء الاخري وكل الفئة الجديدة دي :

اولا انهم بيلعبوا علي احلام الشباب العاطل والطموحين بكلمات رنانة وصور شيكات و صور حسابات بنكية رغم انهم عارفين ان هناك فئة منهم ليست لديها المقومات اللازمة للعمل علي الانترنت (الفئة التانية )

وثانيا .. عارفين ان سوق الانترنت ما بقاش زي الاول وللأسف بيخبوا كدة علي المبتدئين وسايبينهم غرقانين ..


ثالثا : انهم بيأكدوا لشباب انهم حيكسبوا فعلا وبرقم معين لو مشيوا علي التعلميات بحزافيرها ..
رغم انهم عارفين ان الموضوع محتاج ان الشخص يجرب بنفسه كتير عشان يكتسب الخبرة .. والفلوس الحقيقية لا تاتي الا بعد فترة طويلة




عشان كدة بيتاجروا في خبراتهم حاليا باسلوب تجاري بحث وليس علمي ..
وبيحسسوا الجميع ان كل خبرتهم طوال سنوات طويلة تم ضغطها في كبسولات جاهزة للبلع !

للاسف المسألة بتتعلق بارباحهم اولا واخيرا ..

وشكرا لكم ,,