[للمصريين] : اصدار بطاقة 4U Card إنترنت + تفعيل حساب PayPal والشراء به

[MtRp]

السلام عليكم ..

طريقة اصدار بطاقة 4U Card إنترنت للبنك العربي الافريقي + تفعيل حساب PayPal

=============

كروت فيزا البنك العربي الافريقي أو اللي إسمها 4U Card

و دي كروت فيزا مخصصه للانترنت فقط و مش مرتبطه بحساب

يعني تعمل إيداعات و سحوبات في الكارت عن طريق إنك تروح للبنك بنفسك

دي نوعها Debit Card يعني تحط الفلوس الاول و بعد كده تشتري بيها

مش Credit Card اللي البنك بيدفع لك و ليك مهلة سداد 55 يوم تسد اللي البنك دفعهولك

الكارت الديبت ده مابتكونش مربوط بمده معينه

يعني تحط فلوس و تشتري بيها و تسد كمان 10 شهور محدش هيقولك لأ

(و مالهوش حساب عشان تدخل ليه من علي الانترنت يعني تديره أونلاين)

دي صوره من الكارت






|||مميزاته|||
>لا يشترط سن معين<
>الكارت صلاحيته 3 سنين و يتم تجديده بـ10 جنيه برده<
>أقل إيداع 100 جنيه و أقصي حد 4000 جنيه<

تفاصيل الفلوس :

10 جنيه = رسوم إصدار
100 جنيه = أقل إيداع في الكارت

بعد استلام البطاقة تقدر تفعلها عن طريق الاتصال برقم 19555 وتقولهم على الاكتفيشن كود اللى كتبته فى الاستمارة وانت بتملاها وبيتم تفعيلها فى ثوانى

=====================

طريقة انشاء حساب PayPal وتفعليه [ Tested By Me ]
تدخل صفحة تسجيل الحساب فى الباى بال وتعبى البيانات ورقم الفيزا وبالنسبة للدولة فاختارها قطر وكمل التسجيل هيقولك انه اتسحب منك 1.95 دولار وهيطلب منك اخر 4 ارقام من كود العملية اللى تمت دى
فانت هتتصل ب الدعم الفنى 19555 وتقولوا ان فى عملية تمت وتطلب منه يديلك اخر اربع ارقام من العملية دى
تاخدهم وتحطهم فى الخانة الموجودة فى حسابك PayPal
كده مبروك حسابك اتفعل :nice: وبقيت Verified :eek2:
دلوقتى هيقولك ان ال 1.95 دولار هيرجعوا فى الفيزا تانى بس بعد 24 ساعة هتلاقى ان الفيزا رفضت ارجعاهم وبقوا معاك فى رصيدك والصورة توضح


دلوقتى عمليات البيع والشراء مقتصرة على الرصيد اللى عندك يعنى واحد حوالك 10 دولار تقدر تشترى لحد 10 دولار ومتقدرش تعمل Add Fund لان الفيزا لا تدعم السحب منها وطبعا مينفعش تسحب من حساب بنكى
فالموجود فى رصيدك هو اللى تقدر تشترى بيه

ودى صورة توضح انى عملت طلبين واتسحب من الرصيد >



طبعا تقدر تجيب رصيد عن طريق انك تبيع حاجة فى اى منتدى تجارى او تشترى رصيد من شخص وده موجود كتير فى برامج نت و DVD4ARAB

[FadyCoder]

الموضوع جميل لكن المهم الحساب لا يتم غلقه ! لان عنوان الـ IP فى مصر و اى مشكلة يتم فيها طلب تأكيد بينات ستفقد حسابك على الفور !
لكن لدى سؤال لماذا حددت قطر ؟

لان الفيزا لا تدعم السحب منها

لم افهم هذه النقطة ... كيف لا تقبل الفيزا سحب رصيد منها ؟ فما فائدتها اذن ؟

و شكرا لمواضيعك المتميزة دائما ..

[Gawalak.Com]

بمجرد مايلاحظوا ان الدخول من IP مصر كتير او مبلغ كبير بيتم التعامل بيه هتتوقف والفلوس هتروح عليك
واعتقد يا اخ فادى انه يقصد ان حساب الباى بال مينفعش تاخد الفلوس منه لكن ينفع يتحولك فلوس عليها بس هتفضل فى حسابك ومينفعش تاخدها لكن ينفع تشترى بيها اعتقد يعنى ده قصده

[Ks4HosT.CoM]

ياخوي كيف عنوانك اكيد مصري كيف سويته بقطر

انا سعودي والبي بال موجود عندنا وماقدرت اسويه ولا فهمت كيف اسويه

انتم اهل مصر دولتكم ماهي موجودة في البي بال وسويته

غريبة

[MUSTAFA]

رائعة جدا هذه الفيزا وانصح بعدم الاشتراك من قطر لان مسموح لها بالارسال فقط.
الافضل تختار الامارات او الهند لانها مسموح ترسل وتستقبل اموال فى الحساب.

ملحوظة لا تحتفظ باى مبالغ كبيرة فى الحساب بعد تفعيله تحسبنا لاى ظرف لا قدر الله لانه وقتها سوف يقومون بتعليق الحساب للحين إرسال لهم بطاقة الهوية من البلد الموجودة فى الحساب.

[young coder]

مفهمتش يا مطرب يعني ايه فيزا لا تقبل السحب منها !!

ينفع تحط رصيد في الباي بال عن طريق الفيزا ؟ ولو لأ يبقى لأ ليه ?

و بالنسبة للفيزا لا تتطلب اي عمر ... ينفع للي اقل من 18 سنة ؟

[أيمن عبدالله]

مفهمتش يا مطرب يعني ايه فيزا لا تقبل السحب منها !!

ينفع تحط رصيد في الباي بال عن طريق الفيزا ؟ ولو لأ يبقى لأ ليه ?

و بالنسبة للفيزا لا تتطلب اي عمر ... ينفع للي اقل من 18 سنة ؟

يقصد لايمكن السحب منها للتحويل في حساب الباي بال ولكن يمكنك استخدامها في اي مكان على الانترنت

[Mr.Mido]

بقالك اد ايه مجرب الموضوع دة ؟ عملت الاكونت من امتى وهل اشتريت اى حاجة بمبلغ كبير ولا لا ؟ عايزين نعرف لو الطريقة دة مجربة لفترة كبيرة ولا لا ولو فعلا نفعت يبقى اختراع جامد جدا انا هموت واعمل اكونت باى بال من مصر

بخصوص موضوع التحويل دى ممكن نطلب من اى حد عنده اكونت يحول لنا الفلوس واحنا نبقى نديهاله

[أحمد الزغبى]

وعليكمـ السلامـ ورحمة الله وبركاته

فعلاً بعد بحث علي الانترنت وجد ان افضل بنك يقدم فيزا نت للمصرين هو البنك العربي الافريقي 4u

وبالنسبة للباي بال الافضل تستبدلوة بموقع الموني بوكرز وبتقدر ترسل وتستقبل رصيدك للفيزا او لحسابك البنكي

شكراً علي الموضوع

[alFarisDev]

مش عارف يا جماعة انتم ليه مهتمين بمسألة سحب الفلوس اكثر من اي شيء اخر !

ياسيدي ما تسحبش فلوسك
واشتري بيها من علي الانترنت ترجع لك الفلوس في شكل بضاعة او خدمة

الفكرة يا اخوان هو نجاح او عدم نجاح الفكرة خصوصا معانا نحن المصريين ..

لاني هنا في مصر جربت الطريقة وسجلت علي اني من السعودية
وشحنت الرصيد بالفيزا وبقيت بشتري بيه واستلم عليه بكل سهولة طوال شهر كامل

وبعدهافوجئت بان رصيدي اغلق تماما!!
ومطلوب مني ارسال اوراق رسمية موضح فيها البيانات والعنوان :app:
يعني راحت عليك يا بطل !!

لذلك ارجوا اننا نشوف نجاح عملية انشاء الحساب اولا
وبعدها نتكلم في الدفع من عدمهَ

[صيدلى]

بصراحة دة افضل حل شفته

http://www.shbaka.com/vb/t10542.html


انا مجربتوش لكن واضح انها طريقة ذكية وفعالة جدا


وعلى فكرة يامطرب ..فى اقل من شهر هيبقفلوا حسابك لحد متبعتلهم صورة من حسابك البنكى فى البلد اللى انت مسجل بيها...

حصلت معايا وقفلوا حسابى وخسرونى 150 دولار فى حجات كنت اشتريتها واضطريت ادفع تمنها تانى بالفيزا

[أيمن عبدالله]

الفكره كلها انه يمكنك الشراء من الانترنت بسهوله ويسر بعيدا عن paypal حتى

[Mr.Mido]

حل الاخ ابراهيم اعتقد كويس ويستحق التجربة بس لو فرضنا ان الواحد عمل الطريقة دى وعلى سبيل المثال خليت حد من اصحابى برة يعمل لى اكونت باى بال وربطته بالفيزا دى هل بعد كدة عادى ان الواحد يستعمل الباى بال من مصر ؟
انا ليا تجربتين مع الباى بال اول تجربة كانت من 5 سنين كنت بستخدم بيانات والدى المقيم فى امريكا وعملت حساب واستعملته فعلا لفترة كبيرة وبدون اى مشاكل وبعدين قفلته
التجربة التانية كانت من شهور خليت صديق من السعودية يفتحلى حساب ببياناته وربطته بحسابه فى البنك واشتريت تليفون من ايباى وتم الدفع ووصلنى التليفون وبعد كدة برضوا غيرت بيانات الفيزا ومفتحتس الحساب بقالى شهور بس اعتقد انه شغال لسه بدون مشاكل
ياترى لو ربطت الحساب الاخير دة بالفيزا الى فى موضوع الاخ ابراهيم مش هيقفلوا الحساب بعد شهر زى ما فيه ناس هنا بتشتكى من الموضوع دة ؟


الاخ سيف مسلول للاسف فى معظم الاحوال مبيكونش فيه خيارات دفع غير الباى بال اوقات من ايباى واوقات بتشترى حاجة من منتدى من شخص وليس موقع او شركة

[Mr.Mido]

لقيت دة كمان

http://shbaka.com/vb/t10587.html

[MtRp]

الموضوع جميل لكن المهم الحساب لا يتم غلقه ! لان عنوان الـ IP فى مصر و اى مشكلة يتم فيها طلب تأكيد بينات ستفقد حسابك على الفور !
لكن لدى سؤال لماذا حددت قطر ؟

لم افهم هذه النقطة ... كيف لا تقبل الفيزا سحب رصيد منها ؟ فما فائدتها اذن ؟

و شكرا لمواضيعك المتميزة دائما ..

االحساب معايا لحد الان شغال بدون اى مشاكل بالنسبة لاختيار الدولة فعادى انا اخترتها بس علشان رحتها قبل كده

بخصوص الفيزا لا تقبل سحب رصيد منها فده صحيح وجربت كل الطرق ومنفعتش اما فائدتها فهى بتخليك Verified ودى بتحمى حسابك انه يتقفل وتخلى اى شخص بيشترى منك انه يثق فيك

بمجرد مايلاحظوا ان الدخول من IP مصر كتير او مبلغ كبير بيتم التعامل بيه هتتوقف والفلوس هتروح عليك
واعتقد يا اخ فادى انه يقصد ان حساب الباى بال مينفعش تاخد الفلوس منه لكن ينفع يتحولك فلوس عليها بس هتفضل فى حسابك ومينفعش تاخدها لكن ينفع تشترى بيها اعتقد يعنى ده قصده

يمكن كلامك صح لكن الاكونت معايا من اسبوع وبدخل عليه بشكل يومى بدون مشاكل
وحتى لو اتقفل يبقى المشكلة حلها بسيط انك تشترى vpn وتشوف الدولة بتاعته وتختارها فى ال paypal وكده اتحلت

ياخوي كيف عنوانك اكيد مصري كيف سويته بقطر

انا سعودي والبي بال موجود عندنا وماقدرت اسويه ولا فهمت كيف اسويه

انتم اهل مصر دولتكم ماهي موجودة في البي بال وسويته

غريبة

لان الفيزا عندنا مسبقة الدفع غير مرتبطة بعنوان معين او بدولة معين يعنى ممكن اسجلها فى امريكا او الهند بدل قطر او اى دولة اخرى
بالنسبة لمشكلتك فهل جربت تربطها بحساب بنكى اذا لم تنفع الفيزا ؟