تجادلنا كثيرا في هذا الموضوع ..
ولكن للاسف ، جهلنا وحبنا للتخلف وخوفنا من المجهول .. يخلينا ما نتطور ونخاف من كلشي جديد حتى لو كان احسن !
الغالبية السحقى لم تجرب غير نوع واحد VB !
والمواقف كثيرة اللي صادتني معاه ..
أنا من النوع اللي اشوف واحد من نالربع او الاهل مهتم بموضوع معين .. أقوله خل اسويلك مدونة أو منتدى .. عشان تكتب وتكتسب شهرة .. وانا استفيد من موقعك اعلانيا وانت عندك موقع مجاني .. طبعا الشغله ما تكلفني غير سعر الدومين .. الاستضافه ماشاءالله عندي وسيعة !!
المهم .. كل واحد اجي اركبله مدونة يقعد يحن ويعملك قضية .. يبي منتدى .. أشيل الووردبريس .. واركبله phpBB عشان قوي وسهل التحكم فيه ومضبوط 100% ومجاني وخفيف ، وانا اتعامل معاه اخلي اللي يدخل ما يدري هو phpBB ولا برمجة خاصة .. لان بسيط وسريع ..
طبعا اول ما يشوفه خذلك صياح ونواح .. ايش هذا اللي حاطلي اياه والله حسبتك تعرف تسوي مواقع طلعت ماعندك شي ومن هالكلام ههههه ..
على ما آخرها اركبله VB واحطله من هالهاكات الزينة .. و 5 اشرطة فوق و 5 تحت .. وكلشي يلق ويلمع .. وفراشات تطير في المنتدى .. بعدين يقولك المنتدى مضبوط ويقعد يشتغل !!
يعني سامحوني بس انا غاسل يدي من هالموضوع .. انا احاول قد ما أقدر مواقعي الشخصية أو اللي انا اشرف عليها تكون على ذوقي وتكون فعلا تحقق هدفنا ( بإثراء الويب العربي ) !!
ولكن الباقي .. أتكلم مع الجدار أحسنلي