صور التقطتها.. أتمنى تعجبكم

[M. Al-Dhafeeri]

السلام عليكم ورحمة الله وبركاته..


صور التقطتها بكاميرتي "المحبوبه" ..

طبعا كل الصور HDR..

Old Wooden Car..
http://q8ieng.deviantart.com/art/HDR...-Car-142937577

Go Go Go..
http://q8ieng.deviantart.com/art/HDR-Go-Go-Go-142895678

Ready for a Challenge?
http://q8ieng.deviantart.com/art/HDR...enge-142797777

Black Cat..
http://q8ieng.deviantart.com/art/HDR...-Cat-142716914

واخيرا اختم بهالصوره..

Place to Stay Alone at..
http://q8ieng.deviantart.com/art/HDR...e-at-142781065



تعليقاتكم وارائكم تهمني ^^

بالتوفيق..

[Wleed.Com]

ما يحتاج متابعك أول أول ع الدفين آرت ما شاء الله

الصوره الأخيره خطيره .

[سطام سعد]

ياحلو هالصوره

http://q8ieng.deviantart.com/art/HDR...e-at-142781065

[بدر شفاقة]

صور احترافية ما شاء الله عليك


بس انت من النوع الي اذا يبي يصور شي يتبطح قدامه عشان تطلع الصوره زينه ؟


سؤال : الصور هذي وين صورتها , و هل استخدمة فيها فوتوشوب ؟؟؟؟
السؤال الثاني : انت اسمك محمد الظفيري ؟ << مسوي يعرفك

[M. Al-Dhafeeri]

ما يحتاج متابعك أول أول ع الدفين آرت ما شاء الله

الصوره الأخيره خطيره .

تسلم حياك يالغالي.. والله شجعتني :shy:

موفق يالغالي.. والمزيد قادم باذن الله

+++++++++++++++

ياحلو هالصوره

http://q8ieng.deviantart.com/art/HDR...e-at-142781065

حيالله اخوي سطام، تسلم يالغالي وشاكر مرورك..

موفق ^^

+++++++++++++++

صور احترافية ما شاء الله عليك


بس انت من النوع الي اذا يبي يصور شي يتبطح قدامه عشان تطلع الصوره زينه ؟


سؤال : الصور هذي وين صورتها , و هل استخدمة فيها فوتوشوب ؟؟؟؟
السؤال الثاني : انت اسمك محمد الظفيري ؟ << مسوي يعرفك

تسلم يالغالي..

اممم لا والله اقعد اخذ للمكان الواحد تقريبا من صورتين الى 4 او 6 صور، وبعدين اقعد اختار الصوره الأحسن..

الصور صورتها الله يسلمك "بالكويت"، واستخدم فقط برنامج photomatix لتطبيق التأثير اللي انت شايفه على الصور يسمى HDR بالعربي "زيادة تركيز اللوني الأسود والأبيض في الصور".

اي نعم انا محمد الظفيري وتشرفنا


شاكر مرورك.. وان شاء الله القادم مذهل :app:

[ثلاثي الابعاد]

تصويرك رائع ولقاطات جميله جدا

بس شوف قطتنا احسن من قطتكو

صورتها الخميس اللي راح عالبحر

http://up.arab-x.com/Nov09/iTc05508.gif

[M. Al-Dhafeeri]

تصويرك رائع ولقاطات جميله جدا

بس شوف قطتنا احسن من قطتكو

صورتها الخميس اللي راح عالبحر

http://up.arab-x.com/Nov09/iTc05508.gif

شكرا على المرور ^^


هذا القطو مالكم شكله مدلّع! احنا قطاوتنا شرسه ممكن تنقلب نمر او فهد لأي لحظه

[G-Master]

صورتين فقط شدت انتباهي ... لا تزعل من صراحتي

صورة السيارة .. مع ملاحظة صغيرة قد حبة اللقيمات ... لو انك وضعت ستارة خلف السيارة بلون برتقالي فاتح او بني غامق و شلت الاشياء اللي تحت السيارة كانت اللقطة اقوى بكثير .

و الصورة الاخيرة .. جيدة ... لكن يا مستر شاعر سابقا ... طالما انك حابب تدخل التصوير باستخدام الـ HDR المفروض انك تتبع اصوله و قواعده .. و اول قاعدة استخدامك حامل للكاميرا .. و تستخدم واير الاتصال عن بعد او التحكم بعملية التصوير عن طريق المؤقت او عن طريق ربط الكاميرا ببرنامج كمبيوتر و هو الافضل .. و السبب علشان كل اللقطات الثلاثة تكون ثابتة 100% .

و بعدها يجي دور الفوتوشوب .. و طبعا لا تنسى نوعية الصور لازم تكون غير مضغوطة .

[M. Al-Dhafeeri]

صورتين فقط شدت انتباهي ... لا تزعل من صراحتي

صورة السيارة .. مع ملاحظة صغيرة قد حبة اللقيمات ... لو انك وضعت ستارة خلف السيارة بلون برتقالي فاتح او بني غامق و شلت الاشياء اللي تحت السيارة كانت اللقطة اقوى بكثير .

و الصورة الاخيرة .. جيدة ... لكن يا مستر شاعر سابقا ... طالما انك حابب تدخل التصوير باستخدام الـ HDR المفروض انك تتبع اصوله و قواعده .. و اول قاعدة استخدامك حامل للكاميرا .. و تستخدم واير الاتصال عن بعد او التحكم بعملية التصوير عن طريق المؤقت او عن طريق ربط الكاميرا ببرنامج كمبيوتر و هو الافضل .. و السبب علشان كل اللقطات الثلاثة تكون ثابتة 100% .

و بعدها يجي دور الفوتوشوب .. و طبعا لا تنسى نوعية الصور لازم تكون غير مضغوطة .

بخصوص السياره انا حبيتها تكون بالغرفه عشان تحس بحقيقتها مع الوانها الواقعيه جدا.. :shy:
بخصوص فكرتك اذا طبقتها الناس راح تحسب انها سياره حقيقه وهذي فكره حلوه راح اجربها ان شاء الله..


بالمناسبه اكثر الصور اللي منزلها صورتها بدون tripod او "حامل" لان ماكان عندي واحد..
بس عندك مثلا صورة السياره صورتها بالحامل
ومو شرط يتم التصوير عن الطريق الريموت والتحكم عن بعد لطالما كان في tripod باذن الله راح تكون الصوره ثابته..



ممكن سؤال بوعفيف؟ اكثر الصور اللي التقطها لما اسوي zoom تظهر مثل نقط حمراء! ليش؟ وشنو السبب؟ وشلون اصور وتكون الصور عالية الدقه وبدون مشاكل؟

ثاني شي ممكن طريقة ربط الكاميرا بالكمبيوتر والتعامل معها من خلال برنامج؟ مثل ماوضحت كاميرتي Canon 450D

شكرا جزيلا على المعلومات القيمه والله :1power:

[حنآن]

{ n i c e } ~

[G-Master]

الحامل غير كافي لأخذ صورة صافية و ثابتة 100% و السبب عند لمسك لزر التصوير يصدر من اصبعك اهتزاز غير محسوس لكنه يظهر في عملية التصوير و ( خصوصا ) لاحظها بين قوسين عند تصوير منظر ما بإستخدام تقنية الـ HDR .. و هنا بالذات لازم تكون اللقطات الثلاثة او الاكثر تكون الكاميرا ثابتة .. و يفضل التعامل بواسطة الريموت كنترول او بواسطة برنامج كمبيوتر يتحكم في الكاميرا مثل برنامج Camera Control Pro الخاص بكاميرات Nikon اللي يتم عن طريقه التحكم الكامل في كل إعدادات الكاميرا بواسطته .. طبعا ما عدا تعديل عملية الزووم .

ما عندي اي فكرة اذا كان يوجد برنامج مشابه لكاميرات الـ Canon .

الامر المهم لأخذ صور يمكن التحكم بها لاحقا تتم بالتصوير بنوعية الصور الغير مضغوطة RAW بالنسبة للكانون و اعتقد يوجد برنامج من نفس الشركة يدعم عملية التعديل .. و طبعا ما ننسى الفوتوشوب و خصوصا النسخة الجديدة بها كمية خيارات كثيرة لتعديل العيوب في الصور .

و علشان تاخذ صورة صافية جدا و دقيقة حاول انك تصغر فتحة العدسة F16 or F11 من اجل انها تاخذ كمية معلومات اكثر و كل ما كانت الفتحة اكبر F8 or F4.5 او اقل تكون الصورة اقل دقة و تكون صالحة لأخذ الاجسام القريبة مع وجود DOF في الخلفية و السبب انها تستقبل كمية ضوء اكثر .. مع الاخذ في الاعتبار عامل سرعة الغالق .

ممكن تحط لنا صورة توضح مشكلة النقاط الحمرا .. لانه ما عندي فكرة عن كاميرات الكانون لاني مثل ما قلت لك ( متعصب جدا للـ Nikon )

[M. Al-Dhafeeri]

{ n i c e } ~

Thanks

++++++++++

الحامل غير كافي لأخذ صورة صافية و ثابتة 100% و السبب عند لمسك لزر التصوير يصدر من اصبعك اهتزاز غير محسوس لكنه يظهر في عملية التصوير و ( خصوصا ) لاحظها بين قوسين عند تصوير منظر ما بإستخدام تقنية الـ HDR .. و هنا بالذات لازم تكون اللقطات الثلاثة او الاكثر تكون الكاميرا ثابتة .. و يفضل التعامل بواسطة الريموت كنترول او بواسطة برنامج كمبيوتر يتحكم في الكاميرا مثل برنامج Camera Control Pro الخاص بكاميرات Nikon اللي يتم عن طريقه التحكم الكامل في كل إعدادات الكاميرا بواسطته .. طبعا ما عدا تعديل عملية الزووم .

ما عندي اي فكرة اذا كان يوجد برنامج مشابه لكاميرات الـ Canon .

الامر المهم لأخذ صور يمكن التحكم بها لاحقا تتم بالتصوير بنوعية الصور الغير مضغوطة RAW بالنسبة للكانون و اعتقد يوجد برنامج من نفس الشركة يدعم عملية التعديل .. و طبعا ما ننسى الفوتوشوب و خصوصا النسخة الجديدة بها كمية خيارات كثيرة لتعديل العيوب في الصور .

و علشان تاخذ صورة صافية جدا و دقيقة حاول انك تصغر فتحة العدسة F16 or F11 من اجل انها تاخذ كمية معلومات اكثر و كل ما كانت الفتحة اكبر F8 or F4.5 او اقل تكون الصورة اقل دقة و تكون صالحة لأخذ الاجسام القريبة مع وجود DOF في الخلفية و السبب انها تستقبل كمية ضوء اكثر .. مع الاخذ في الاعتبار عامل سرعة الغالق .

ممكن تحط لنا صورة توضح مشكلة النقاط الحمرا .. لانه ما عندي فكرة عن كاميرات الكانون لاني مثل ما قلت لك ( متعصب جدا للـ Nikon )

معلومات رائعه ومهمه بنفس الوقت.. وان شاء الله راح اخذها بالحسبان في المرات القادمه..

ياليت لو تقدر تدبر لنا على الاقل اسم برنامج للتعامل مع كاميرات الCanon من خلال الكمبيوتر << تدري اموت في التكنلوجيا واحب اجرب هالشغلات النادره لاني ماشفت احد يستخدمها :shy:

[M. Al-Dhafeeri]

لقيت برنامج اسمه DSLR Remote Pro

تم تحميله بنجاح باقي القى السيريال او الكراك :nice:

[G-Master]

ياحليلك يا محمد ... مشاءالله عليك سريع في لطش ام البرامج

لا و البحث جاري عن الكراك

في شي .. قبل البرنامج ياليت لو تبحث عن كيبل USB طويل علشان ما تتعب و يا ليت تلقى له كراك :funny:

[M. Al-Dhafeeri]

ياحليلك يا محمد ... مشاءالله عليك سريع في لطش ام البرامج

لا و البحث جاري عن الكراك

في شي .. قبل البرنامج ياليت لو تبحث عن كيبل USB طويل علشان ما تتعب و يا ليت تلقى له كراك :funny:

افا عليك ولقيت السيريال بعد والبرنامج كامل الحين :nice:

بخصوص الكيبل ولا يهمك لما شريت الكاميرا عطوني كيبل يوصل من بيتنا لي جده