خدمة short code كيف أحصل عليها ؟

[dev/null]

السلام عليكم ورحمة الله وبركاته
تحية طيبه للجميع ..

ماهي الشركات التي توفر خدمة الشورت كود في السعودية ؟
وأتمنى اذا كان لديكم اسعار تقريبيه للخدمة إطلاعي عليها ..

وشاكر لكم

[Arab-nic.com]

ممكن توضيح اكثر وش هي ال
short code?
اعرف ال
sort code
وهي تستخدم للبنوك البريطانية لتحديد الفروع

[مغرور]

اعتقد الرجال يعني الارقام الخدميه او التجاريه مل الرسائل الاعلانيه اذا ما خاب ضني

[بدر شفاقة]

المزودين تقريباً فوق الـ 14 مزود

افضلهم شركة اجراس وبعضها عملها على نطاق عالمي وفيه شركة تراسل شركه بالاساس اردنية مقرها مجمع البستان بالعليا الي مقابل المملكة تعتبر قوية جداً << صدقاهـ

يعني لو تاخذ من عندهم الخدمة ممكن يوفرون لـك ارقام بالسعوديه و الخليج والشرق الاوسط بعد


المميز فيهم حسب التسلسل :
1- يقدر يجدد للمشتركين معك تلقائي بدون يرسلون رسالة تجديد << وهذي الي ترفع ضغطنا
2- نسبة الفايدة الي ياخذها اقل تكون ( مع انها ما تهمك اذا عدد المشتركين عندك قليل ) لان حسب القسمة 50 % لشركة الاتصالات و 50 % تنقسم بينك وبين مزود خدمة الشورت كود يعني ممكن يعطيك 30 % ولهم 20 %
3- الي يوفر لك ارقام عالمية يعني بعضهم يقدر يوفر لك ارقام بالسعودية والخليج وفيه ارقام بالشرق الاوسط وعلى كذا
4- وهذي تعتبر مهمه شوي بس خلها اخر استفسار عندك وهي البولك اس ام اس bulksms وهذي هي الرسايل الي ترسلها للمشتركين - بعضهم يقولك لك عدد معين بالشهر لكل مشترك وبعضهم يعطيك مفتوح العدد
5- يساعدك بحلول لتقديم الخدمة ( يعني مهو ابداء ومالنا علاقه ) يعني يبرمجون لك اي تطبيقات تساعدك بعملك << بس هذي بالعادة يكون فيها مبلغ اضافي رمزي


بالنسبه للخدمة الي تبي تقدمها ما راح تكلفك شي اذا شافو ان فيه منها فايدهـ لهم وراح تجيب لهم فايدهـ

وممكن تاخذها من مزود خدمة من برى المملكه والله اعلم لان الي بالسعودية يجيبون لك ارقام من برى بعد وفيه شركات من الكويت تاخذ ارقام من السعودية وتقدم خدمات لوزارات بالسعودية , يعني اتوقع والله اعلم انها مهي محصوره على الشركات الي بالسعودية


طبعاً الموضوع يطول فيها

وعندي بعض العلاقات بكم مزود خدمة واذا تبي شي تحت امرك اخوي وعيوني لك



تحياتي
بدر العنزي

[بدر شفاقة]

ما عليش على الرد الثاني

للاخوان الي يسئلون عن خدمة الشورت كود

هي ارقام تاخذها من مزودين خدمة
مثل : رسائل الجوال الي ترسل للقنوات الفضائية ونفس جوال العربية و جوال ابو نواف و غيرها

[dev/null]

الله لا يهينك أخوي بدر ..
عطيتني الاجابه الشافيه الكافية .. ماقصرت يا الذيب ..