السلام عليكم ورحمه الله وبركاته
اسعد الله اوقاتكم بكل خير اخواني ...
صراحه لدي موضوع اريد استشارتكم به
انا طالب في الجامعة العربية المفتوحة - فرع البحرين
والجامعه اللي ادرس بها لها 7 فروع في دول عربية ، فرعها الرئيسي بالكويت
نظام الدراسه لدينا في الجامعه هو كالتالي :
اختبارين قصيرين لكل مادة + واجبين
على كل واجب 15 درجة والاختبارات مجموعها 20 هكذا اصبح المجموع 50 والاختبار النهائي عليه 50 درجة
الزبده يا شباب .. انه فيه شبكة تعمل لتسريب الاختبارات من الفرع الرئيسي في الكويت
دكتور مصري في فرع الجامعه الرئيسي في الكويت يسرب الاختبارات لمصري سمسار له في الرياض ...
يقوم هذا السمسار " ابن الحرام " باستغلال سيء جدا للطلبه بيع الاختبارات النهائية والواجبات باسعار خياليه
يعني المواقف اللي تعرضت لها شخصيا انا ... الترم اللي فات كان عندنا اختبار مادة تخصص وكانت اول مادة تخصص ناخذها في الجامعه وبجد كانت صعبه بكل ما تعنيه الكلمة
احنا يا طلبه مثل الغرقانين اللي متعلقين بقشه واتصل فينا ابن الحرام السمسار اللي في الرياض
بنفس يوم الاختبار النهائي اتصل وقال عندي الواجب تشترونه ...المهم طلب 1000 ريال
صراحه ولا اخفيكم وافقنا وقلنا تم بس نبي ننجح من المادة هذي ...
واحنا على اعصابنا الاختبار ما بقى عليه شي وابن الحرام يبي الفلوس قبل ويوم جينا نحول له يقول لا ...طالب واحد ما ينفع لازم 10 طلبه يشترونه وكل طالب يدفع 1000 ريال
الزبده الحبيب يبي 10 الاف ريال ... قلنا له نقع الاختبار واشرب مايه وسكرناه منه
الحين يتصل شوي يتصل ولا مفتكر فيناوحنا تركناه
صراحه يا اخوان كنا ندرس تمام قبل لا يتصل ومن جانا اتصاله عفسنا فوق تحت ولا لنا خلق نذاكر خلاص لخبطنا ...
هذا موقف معاه .. ام الموقف الثاني صار قبل يومين بالظبط .. عندنا تسليم واجب لمادة تخصص وصاحبي في الجامعه متوهق ولا حله وتسليم الواجب اليوم .. الزبده السمسار حافظ ارقام الطلبه عنده وكل فترة يرسل عروضه " تقول قوقل ادسنس
الاختبار الفلاني عندي وواجب المادة الفلانية عندي ...
اللي صار ان صاحبي كلمة وقاله ابي الواجب وحتى قبل لا يخلص صاحبي كلامه يقوله عندي عندي كل شي عندي ...وطلب 450 ريال .. مبلغ كبير للواجب وطلب منه صاحبي يخفض من السعر وابن الحرام يقول علي الطلاق ما تاخذه الا 450 ريال
تركه وخلاه يولي
خلاصة الموضوع يا اخوان ... انا خالي علاقته ممتازة جدا بمدير فرع الجامعه في البحرين ويوم خبرته موقف الاول اللي يوم عرض علينا الاختبار النهائي
قالي عطني رقمه بس وانا اوديه ورى الشمس ...وصراحه ما عطيته
ماعرف شنو اللي منعني بس ما حبيت اضره ...
انا قادر باتصال واحد اسجل صوته وارسله للادارة العامه للجامعه يطلعونه ويطلعون الدكتور اللي بفرع الكويت اللي يسرب الاختبارات
اللي قاهرني خيانه الامانه واستغلال حاجة الطلبه
هل ابلغ عنه ....ولا اسكت واخليه للدهر مثل ما يقولون !!!!
وحسبي الله ونعم الوكيل بمثل هالاشكال ...
اخوكم يوسف
رد مع اقتباس
المشاركة الأصلية كتبت بواسطة حنآن 
