طلب مشورتكم في السفر للدراسه

[bArHoMi]

السلام عليكم و رحمة الله وبركاته ..

اخواني عندي صديق ان شاءالله ناوي يسافر الصيف الجاي
لدراسة اللغة الانجليزية
طبعاً مرشحين له " بريطانيا " و حابين نعرف وش رايكم فيها ؟
ووش افضل مدينه لو بريطانيا ؟

و مرشح له كذلك " نيوزيلاندا " ، و سامعين ان اهلها طيبين و المدينه حلوه للدراسه ..

ياليت الي عنده خبره بالموضوع يفيدنا .. و يرشح لنا افضل الاماكن للدراسه و افضل المدن ..

السفر عن طريق مكتب ..

و يعطيكم العافية مقدماً ..

[الباحث عباس الكامل]

أنا ما عندي تجربة لكن لو كان لي الخيار بين بريطانيا ونيوزيلاندا حتما سأختار نيوزيلاندا للأسباب التالية:
1- تكاليف المعيشة أقل من بريطانيا.
2- الطبيعة المناخية والجغرافية لنيوزيلاندا أفضل بكثير من بريطانيا.
3- قلة العرب والأجناس الأخرى في نيوزيلاندا مقارنة ببريطانيا مما يساعد كثيراً على تعلم اللغة والتأقلم مع شعب نيوزيلاندا.
4- العنصرية تجاه العرب أقل من بريطانيا حسب ما أعلم.

هذه الأسباب التي أعتقد أنها تجعلني أفضل نيوزيلاندا.

دعونا نستفيد من الأعضاء الأخرين ممن لهم تجارب مباشرة . 

[7ww7.com]

طيب ما ياخد كورسات انجليزي اخى الكريم بالجامعة الامريكية مثلا

اريح واسهل له من السفر والبهدلة

[العبقري]

يارجال اقسم بالله يقولون الببسي هناك بـ 8 ريال

الدخان الله يبعدنا عنه بـ 60 ريال كمثال وليس الحصر

المعيشة هنااك حلوة بس لازم يكون جيب خويك وسيييع شوي

ربي يوفقه دام هذا طموحه

[bArHoMi]

يعطيكم العافيه على الردود

و فعلاً اعتقد ان بريطانيا ماتنفع من راي الكثيير !

لكن للآن ابي مساعدتكم لصديقي ، بصراحه قلتله ماعليك اسآل سوالف و يردون علي لكن مارد الا ٣

ياليت الي عنده خبره يفيدنا .

[ابو نوف]

بحكم اني اعيش التجربه ومريت بتجربة دراسة اللغه

فانا اقلك اول شي كيف لغت خويك اصلا وهل هو رايح يتعلم ولا راح يتمشى لانها تفرق كثير

لانه ياعزيزي اذا هو رايح يدرس شهرين وعلى باله انه راح يرجع بلبل فاتوقع انها صعبه شويه

اقل شي برايي تطلع سته اشهر عشان لاتخسر على الفاضي اما لو كان لغته كويسه وبيطلع يحسنها فهذا شي كويس

الشي الثاني انا كنت انصح فانا ابدا مانصح باوربا لانه مليانه عرب في الصيف وغاليه وعنصريه

اذا يبغى يروح يتعلم نيوزيلندا شعب طيب وانا قد زرتها مره طيبين لاني بدرس في استراليا كندا ايضا كويسه

بس الاهم من هذا كله انه لايحتك في اي سعودي او عربي بالاصح وهو راح تمشي علومه وينبسط

وبالتوفيق