أبحث عن وظيفة صغيرة بالدمام..

[متصفح سعودي]

السلام عليكم

قدر الله وتخرجت من الثانوية بنسبة 83%

وحصلت على قبول بكلية المجتمع بالدمام

لكن المشكلة أنها

1-بدون سكن
2-بدون مكافأة

فكرت إني لازم أبحث عن وظيفة صغيرة تؤمن لي السكن وغيره..

فقلت مالها الا اهل سوالف فيهم الخير ان شاء الله

ما ادري وين ممكن احصل وظيفة بدوام جزئي ؟

وشكرا مقدما

[أزدي]

اسأل الله لك التوفيق .. ان شاء الله ما يقصرون الشباب بالدمام

[متصفح سعودي]

شكرا لك ازدي الله يوفق الجميع ان شاء الله

جزاك الله خير على الدعوة حبيبي

ننتظر الإخوة..

[خالد الثويني]

هل لك خبرة لو صغيرة بالتصميم ؟
كـ موظف دعايه واعلان , تصميم لوحات بسيطة

ويفضل ان تذكر ماذا تجيّد , او ماذا تريد ان تعمل

[M. Al-Dhafeeri]

الله يوفقك ياخوي ويسهل دربك..
ان شاء الله اخواننا بالدمام مايقصرون

[متصفح سعودي]

والله اخوي خالد من كل بحر قطرة

يعني السكربتات في الغالب ( تركيب - تعديل - تركيب تصاميم وغيره.. )

هذا بالنسبة للمواقع

بالنسبة للكمبيوتر تقريبا كويس فيه الحمدلله واتعامل مع اغلب البرامج تقريبا..

ارغب بوظيفة في المبيعات او شي قريب منها


شاعر الظلام..ما يقصرو الاخوان

[fayez]

الله يوفقك اخوي

بس كم الراتب المتوقع للوظيفه

[متصفح سعودي]

آمين يارب اخوي فايز

يعني ما يقل عن 3.500 وما يزيد على 5.000 في هالحدود يعني

جزاك الله خير..

[mad921]

تقدر تاخذ وظيفه بارت تايم في د كيف او اي سوبر ماركت كبير

الله يوفقك

[متصفح سعودي]

ما اظن رواتبها تخارج والله..

[أزدي]

والله وانا اخوك ما ظنتي بتلقى دوام جزئي بـ 5000 ؟

لازم تقنع في البداية بأحسن الموجود .. لأن حتى مؤهلك الحالي ثانوي
وانا تبغاها كمعاون لك في مصاريفك .. فلازم تقتنع بما في السوق الان

يعني كاقصى شيء ودوام جزيء ارى 2000 ريال جيدة .. والله عن نفسي اتمنى لو تلقى بـ 20000 مو 2000 .. لكن الواقع يتكلم يا عزيزي .

[متصفح سعودي]

طيب كم ممكن يكون الراتب ؟

[أزدي]

يعني كاقصى شيء ودوام جزئي أرى 2000 ريال جيدة .. والله عن نفسي اتمنى لو تلقى بـ 20000 مو 2000 .. لكن الواقع يتكلم يا عزيزي .

[متصفح سعودي]

طيب وكم تبلغ ساعات العمل وكم يوم بالإسبوع على كذا ؟

[أزدي]

طيب وكم تبلغ ساعات العمل وكم يوم بالإسبوع على كذا ؟

خذ بعين الاعتبار انا اتوقع اقصى شيء تلقاه 2000 او 2500 يعني ممكن تلقى بـ 1500
و بصراحة نادر تلقى دوام جزئي

بس اتوقع الدوام الجزئي يعني اذا الوظيفة يومياً 6 ساعات الجزئي 3 او 4 ساعات
عليك القياس عاد ... بالتوفيق