اللي حاب يعلن في منتدى نسائي كويتي

[كويتيه وافتخر]

fayez

اخي الفاضل

تحيه عطرة وبعد :-

تقدر تسأل اللي اشتريت منه السيرفر الشخصي حاليا واسمه ابراهيم

اهو حاليا ادعم الفني مالي واهم اللي قاعد يعدل في شبكتي

اول شيء موقعي ارشفته وزواره اكثر من ممتازه

لكن تم هبوط زواره وارشفته في قوقل بسبب .... 1- شهر كامل موقعي تنقل بين استضافتين 2- اثناء فتره النقل الموقع يتسكر اكثر من يومين او ثلاث ايام 3- بدون دعم فني منتداي يعني شبكتي كل يوم متوقفه 6 ساعات ( ساعه وحده وبعض امرات ساعتين يفصل اثناء النهار + و 6 ساعات اثناء الساعه الواحده فجرا اى الساعه 6 )


طبعا صعبه شوي يمكن انا اكذب او اني احاول اغشكم

ممكن تشوف هذي الصوره في قوقل ؟



وممكن اكون انا جذابه بعد

انا خفت من الله سبحانه وتعالى وما حبيت اضر الشركات ( قطع الاعناق ولا قطع الارزاق )

بأمكانك تشوف الموضوع بعينك وهذا ما صارله اسبوع الموضوع

http://www.swalif.net/softs/swalif65/softs288909/

في استضافه حاليا قاعده تبيع الباكب مالي

والاستضافه الثانيه لوعت جبدي وطلعت منهم

( بدون ذكر اسامي الشركات - والله يسامحهم )

ويمكن انا جذابه بعد تقدرون تسألون ابراهيم هذا اللي ماسك موقعي حاليا

admin@beethost.net

بصراحه هذا اريال ادب واخلاق وانا حيل استانست من المتعامل معاه

اللي يبي يستفسر اكثر اني جذابه او لا عندكم هذا الريال وسألوه

وفي اشياء مادري عنها اهو قاعد يصلحها لي وانا ما اعرف شنو اهي

لكن ولله الحمد تم الأستقرار شبكتي ولله الحمد وقاعدين يرجعون الارشفه و كل شيء

طبعا اخوي fayez :

انا مو محتاجه اقناعك علشان ابرر نفسي

بالعكس لكن حبيت فقط حبيت اوضحلك بدون مجامله

شاكره لك تفهمك

[كويتيه وافتخر]

i6i.cc

الف شكر اخوي الفاضل على مداخلتك

بردت حرتي شويه

والف شكر على كلامك الطيب

[bilba]

اختي نصيحه دامج بنت
سلمي موقعج لشركة كويتيه معروفه حتى لو كانت غاليه مثل kuwaitnet.net
انتي بنت راح تتعبين بالنت من نصب واحتيال وسرقة محتوى الموقع و و و وصب تتواصلين مع رياييل

ولا تتعاملين الا مع احد من داخل الديره وديري بالج تعطين احد معلومات الدومين بتاتا

اسف طلعت عن لب الموضوع كان عندي موقع نسائي من اشهر المواقع العربيه
لو تبين افكار وطرق مستعد اخدمج

[كويتيه وافتخر]

اختي نصيحه دامج بنت
سلمي موقعج لشركة كويتيه معروفه حتى لو كانت غاليه مثل kuwaitnet.net
انتي بنت راح تتعبين بالنت من نصب واحتيال وسرقة محتوى الموقع و و و وصب تتواصلين مع رياييل

ولا تتعاملين الا مع احد من داخل الديره وديري بالج تعطين احد معلومات الدومين بتاتا

اسف طلعت عن لب الموضوع كان عندي موقع نسائي من اشهر المواقع العربيه
لو تبين افكار وطرق مستعد اخدمج

الشركه اللي انا فيها الحين بالكويت موجوده



شاكرة اخوي على زيارتك وردك على الموضوع

[bilba]

نصيحه اخيره

توه الناس على الاعلان ما راح تلاقين معلنين بالنسبة لعدد المواضيع والاعضاء والمحتوى بغض النظر عن الترتيب
الأعضاء: 387 و أكبر تواجد بالمنتدى كان: 10,343
في شي غير صحيح بالمنتدى

انصحج
1- تصميم ستايل راقي وجذاب ورسمي للمنتدى لان الحالي سيء
2- تركيب هاك seo لارشفه افضل وكسب محركات البحث
3- استخدام واجهة الموقع http://www.q8ladies.com كمكتبة صور نسائيه تضم مقاطع وصور عن الطبخ والازياء والالعاب او ورد بريس كمجلة نسائية تهتم بشؤون المرأه الكوتيه من جميع النواحي ( اذا طبقتي هالنقطه اضمن لج شهرة بسرعة الصاروخ شرط التصميم الاحترافي )

والله يوفقج

[كويتيه وافتخر]

bilba

الف شكر اخوي الفاضل على حرصك الشديد لشبكتي ومنتداي

وهم اشكرك بعد على نصايحك الممتازه وانتقاداتك الهادفه

شاكرة لك مرورك وردك ونصايحك

[صائد الزمن]

بالتوفيق لك يا اخت

[fayez]

اذا ممكن ارد
كلامك يا اخ فايز في موضوعك عن كيف تجعل موقعك صديقا لجوجل ... ممتاز جدا
لكن المعلن ما ينظر لتوافق الموقع مع Search Engine Optimization او صداقته لمحركات البحث
هذي كلها امور تهم مدير الموقع
والاخت هنا ... منزله عروض اعلانيه ... ( يعني اهم شي الزوار والزيارات وخلافه) وهو ما يهم المعلنين
اما اذا كنت بتناقش مدى توافق موقعها مع محركات البحث فانا معاك في امور كثيره في الموقع لكن مو هذا مجالها
و الاخت ماطلبت رأينا في هذا الشي
اتمنى اني ما اكون ثقيل عليك .. لأني حاولت اختار كلماتي بعنايه على شان ما احد يفهمها خطأ
اخوك صلاح

اخوي صلاح شكراً لك ولصاحبة الموضوع
ولكن حاولت افهم كيف فسرت كلامي ما عرفت بصراحه ؟َ! هل ممكن تقراء ردي مره اخرى بتمعن


ردي:

ماعليش اختي العزيزه بس ما احب اجامل احد و احب اكون صريح مع الكل
اختي الموقع يحتاج لوقت لين يصير له باقات اعلانيه ممكن تباع
اما الان فلا تتعبي نفسك و انتظري عليه

و انصحك تتطلعي على الموضوع التالي
http://www.swalif.net/softs/swalif55/softs284380/

موفقه للخير ان شاء الله

كل ما قلته:
1 - بدري على الاعلان الان و انتظري شوي لين يصبح فيه عدد زوار يكون مغري للمعلن
2- لا تتعبي نفسك الان بالبحث عن معلن و انتظري شوي
3- اقري الموضوع فبتحقيق محتواه ان شاء الله ستصلين لما تريدين ...

لا ارى اني ربطة بين المعلن و ال SEO ...؟
شكراً صلاح واتمنى تقراء الرد اكثر من مره
اختي العزيزة الله يوفقك ... و نتمنى لك الخير و لو مانبيه لك ما ردينا على الموضوع اصلاً ...

ارجوا ان ماحد يفهمني غلط مره اخرى ...

[i6i.cc]

اخ فايز
اما انا
فماشفت في كلامك اي غلط
ولكن وجهة نظري كانت خاشه عرض شوي