الهلال يهزم من ذوب اهن الايراني وباقي الاياب

[ويب سيرفس]

الاخوان الهلاليين زعلوا من ردي كما توقعت هههه

الاخ خالد وسعودي ..

ردودكم بكل امانه كامله الدسم بالسب والشتم والخروج عن صلب الموضوع
لذلك انا اغمضت عيناي عن رؤيتها لانني لا احب ان نتحاور بهذا الشكل ..
لديك رد على كلامي واثباتاتي ضعها اما كلام انشائي فالكل يستطيع ان يتحدث و ....

وعلى فكره مستعد اناقشكم بردودكم اذا عدلتوها والتزمتم باحترام من يحاوركم وهذا اهم شرط

الاخ ابو هيثم كما عهدتك هلالي عقلاني غير متطرف هههه

واسمح لي ان احاورك طالما اتسم ردك بالواقعيه والمنطق بعيدا عن الكلام الانشائي ..

انت تقول الحكم الاردني لم يفعل شيء؟

يارجل الحكم الاردني حرم الغرافه من بلنتي + الحديث اللى دار بينه وبين سامي ( وهو ماتحدثو عنه في قناة الكاس )

واعتقد بل اجزم انك انت شخصيا لاترضى بمستوى فريقك ذالك اليوم واراهن اذا كنت راضي بذلك ..

وعلى فكره نعم الايراني يستحق كرت احمر ولكن الاولى ان تلوم ويلهامسون الذي تخصص بضياع ضربات الجزاء ويتقدم للتسديد ؟؟ هل تعلم انه اضاع منذ اتى الهلال 4 ركلات ؟؟؟؟؟


بالنسبه للمنتخب تراه فاشل ومايستحق التاهل لكاس العالم ليه نكذب على بعض ؟
بذمتك ماقدرنا نهزم كوريا الشماليه ولا البحرين وتبي نقابل الارجنتين والبرازيل ؟؟

انا كلامي واقعي ياخوان لاتاخذونه عاطفي مستوى المنتخب والهلال لايؤهلهم اطلاقا .. اتحدث فنيا ..

بالنسبه لمستوى الهلال امام ايران .. يااخي انا ماني هلالي بس اعرف مستوى الهلال وقوته ومدربه ولعيبته الاجانب على مستوى كبير .. الطموح كان لديكم ان يضرب بـ 3 كما تعودتم ولكن بعد ان دك الغرافه مرمى الهلال بـ 4 مد رجليه مدرب ايران وقال بالحرف الواحد الهلال ضعيف فنيا وسنكسب وكان قد كلامه وكسبكم بهدف واضاع 3 فرص على خط المرمى .. ليه نكذب الواقع ؟؟ الان استغرب فرحه الجمهور الهلالي بهزيمه 1 / صفر .. من فريق لايوزاي الهلال ( لازلت اتحدث عن امكانيات مدرب ولعيبه )


اخيرا مقارنه الهلال بالنصر يارجل حرام عليك مقارنتك ظالمه لاسباب وركز معي ..

النصر شارك في 30 بطوله على كلامك ولم يحقق منها شيء ..
اولا .. لو آمنا بكلامك فالنصر يمر بمرحله عاديه مرت بها فرق كثيره ومنها الهلال وارجع للتاريخ واعتقد ان هذه المعلومه لاتغيب عنك فالهلال في مرحله زمنيه ظل 15 سنه لم يحقق ولا بطوله ..

ثانيا .. الهلال شارك خمس مرات باسيا ولم يحققها كما ذكرت ..
لماذا الوم الهلال ؟
لانه يشارك وهو بطل الدوري وليس فريق ضعيف ..
الهلال عندما يلعب اسيا يكون بكامل قوته ومستقر فنيا وكل الامور ميسره له .. ولكنه يخسر ..
وهذا مربط الفرس ..

ارجع لخروج الهلال 5 مرات وانظر للفرق التى اخرجتكم ام صلال ووووو ...

تدري وش مشكله جمهور الهلال يابو هيثم انه لايحب ان يؤمن بالواقع المرير الذي يمر به اي فريق في العالم ولكن ننتظر 20 اكتوبر وذكريات ام صلال تعيد نفسها ويبدأ نصب المشانق وتشاهدون الواقع باعينكم ..

ولازلت اقول اتمنى النهائي سعودي والكاس للشباب ..

[:saudi:]

المشكله حتى ردك كلام انشائي ماني شايف ارقام تتحدث كله كلام مبني على تحليل شخصي لأي نصرواي !!

[أبوهيثم]

انت تقول الحكم الاردني لم يفعل شيء؟

يارجل الحكم الاردني حرم الغرافه من بلنتي + الحديث اللى دار بينه وبين سامي ( وهو ماتحدثو عنه في قناة الكاس )

طيب لو حرم الغرافة من بلنتي يعني يكون ساعد الهلال في الفوز ؟

الامر الثاني حتى لو احتسب البلنتي مب شرط يجي قول , ولو جا قول ترى الهلال جايب قولين

يعني يكون تعادل وضيع الهلال فرصة العابد الي منفرد امام المرمى يعني لو يحتاج ثالث جبنا ثالث

واما بخصوص ما دار بين سامي والحكم لا اعلم ما ادار ولكن الحكم ما اخطا الا في البلنتي فقط

واعتقد بل اجزم انك انت شخصيا لاترضى بمستوى فريقك ذالك اليوم واراهن اذا كنت راضي بذلك ..

غير راضي ابد وكان مستوى جدا هزيل الى ابعد درجة

وعلى فكره نعم الايراني يستحق كرت احمر ولكن الاولى ان تلوم ويلهامسون الذي تخصص بضياع ضربات الجزاء ويتقدم للتسديد ؟؟ هل تعلم انه اضاع منذ اتى الهلال 4 ركلات ؟؟؟؟؟

ما راح الوم ويلي هو سدد ولا توفق , بس الوم الحكم الي لو معطي كرت احمر اختلفت الامور

ولو احتسب احدى البلنتيين للمحياني اختلفت الامور

بالنسبه للمنتخب تراه فاشل ومايستحق التاهل لكاس العالم ليه نكذب على بعض ؟
بذمتك ماقدرنا نهزم كوريا الشماليه ولا البحرين وتبي نقابل الارجنتين والبرازيل ؟؟

انا كلامي واقعي ياخوان لاتاخذونه عاطفي مستوى المنتخب والهلال لايؤهلهم اطلاقا .. اتحدث فنيا ..

بخصوص المنتخب اتفق معك ولكن بخصوص الهلال اخالفك كلياً , ليه تحكم على الهلال من مباراة وحده ؟

وانت قلتها الهلال متكامل لاعبين واجانب وادارة ومدرب وكان مستواه مبهر في ابطال اسيا بالكامل

بالنسبه لمستوى الهلال امام ايران .. يااخي انا ماني هلالي بس اعرف مستوى الهلال وقوته ومدربه ولعيبته الاجانب على مستوى كبير .. الطموح كان لديكم ان يضرب بـ 3 كما تعودتم ولكن بعد ان دك الغرافه مرمى الهلال بـ 4 مد رجليه مدرب ايران وقال بالحرف الواحد الهلال ضعيف فنيا وسنكسب وكان قد كلامه وكسبكم بهدف واضاع 3 فرص على خط المرمى .. ليه نكذب الواقع ؟؟ الان استغرب فرحه الجمهور الهلالي بهزيمه 1 / صفر .. من فريق لايوزاي الهلال ( لازلت اتحدث عن امكانيات مدرب ولعيبه )

الفريق الايراني ما وصل الى نصف النهائي الا انه يستحق وفريق قوي مثله مثل الهلال والشباب

واذا الفريق الايراني ضيع هجميتن الى ثلاث فالهلال ايضا ضيع هجمات وارجع للشوط الثاني

ولا تنسى الشوط الاول توجد هجمات ضائعة , صدقني الهلال بالنقص الكبير الي حصل له

قدم مستوى افضل من الفريق الايراني ومن الغبن ان يعود بخسارة كان على اقل تقدير التعادل

ولكن لعل عدة امور انا اقيمها فنياً في سببها وهي : النقص + التحيكم + ارضية الملعب + عدم التوفيق

اخيرا مقارنه الهلال بالنصر يارجل حرام عليك مقارنتك ظالمه لاسباب وركز معي ..

النصر شارك في 30 بطوله على كلامك ولم يحقق منها شيء ..
اولا .. لو آمنا بكلامك فالنصر يمر بمرحله عاديه مرت بها فرق كثيره ومنها الهلال وارجع للتاريخ واعتقد ان هذه المعلومه لاتغيب عنك فالهلال في مرحله زمنيه ظل 15 سنه لم يحقق ولا بطوله ..

انا حبيت اوضح لك الفرق لان ايضا مقارنتك ظالمة بين الهلال والنصر في خلال عشر سنين

قل الهلال سابقا جته فترة ما جاب بطولات سنوات في فترة قديمة من سنوات هنا اتفق معك مقارنة صحيحة

ثانيا .. الهلال شارك خمس مرات باسيا ولم يحققها كما ذكرت ..
لماذا الوم الهلال ؟
لانه يشارك وهو بطل الدوري وليس فريق ضعيف ..
الهلال عندما يلعب اسيا يكون بكامل قوته ومستقر فنيا وكل الامور ميسره له .. ولكنه يخسر ..
وهذا مربط الفرس ..

ارجع لخروج الهلال 5 مرات وانظر للفرق التى اخرجتكم ام صلال ووووو ...

لا زالت اسيا مستعصية على الهلال ولكن راح يحققها السنة هذي او السنوات القادمة باذن الله

تدري وش مشكله جمهور الهلال يابو هيثم انه لايحب ان يؤمن بالواقع المرير الذي يمر به اي فريق في العالم ولكن ننتظر 20 اكتوبر وذكريات ام صلال تعيد نفسها ويبدأ نصب المشانق وتشاهدون الواقع باعينكم ..

ولازلت اقول اتمنى النهائي سعودي والكاس للشباب ..

ننتظر ونشوف وان شاء الله نشوف الهلال والشباب على النهائي

[سليمان عبدالعزيز]

http://www.youtube.com/watch?v=fanM-cbtW50

بلنتين + إعادة للبلنتي الضايع

[ea4nt.com]

فى كلتا الحالتين مش مستفيد
فاربنا بوفقك الجميع :nice:

[علي العتيبي]

ألف مبروك الهزيمة و عقبال الإياب

[مشعل السليمان]

دائماً جمهور الشمس يفرحون بهزيمة الهلال من فرق أخرى وهذي حيلتهم ومابيدهم غير كذا ، لأن فريقهم لايقدر ان يكون منافس حقيقي للهلال فتجدهم يشجعون حتى الفرق الإيرانية ضد الهلال ،

همسة :- لو اني نصراوي اعتزل تشجيع الكرة وخصوصاً تشجيع النصر اللي يخليني اشجع فرق ايرانية فازت على الهلال .

الله يعينكم ياجماهير الشمس على فريقكم

[star top]

كان كل مقصدي بالموضوع يجي حبيبي ويب سيرفر

الله يقطع سوالفك خليتني ايراني ! ابشرك انا سعودي سني من قبيلة تميم .. خل عندك روح رياضية واقبل بالهزيمة

ايران فيها تميم ( اللمصدر علشان مايكون فيه تشكيك للكلام عبدالله ابن صقيه )
تقدر تقول سعودي ويكتفى
وفيها سنه بعد


بخصوص الهزيمه متوقعها

كنت اتمنى المحياني يكون اساسي لانه يلعب علشان يسجل ولا يلعب علشان يستعرض

[:saudi:]

ابو وائل لو كان الفريق داخل السعوديه من البديهي انا نعرف هذا الشيء وتعودنا عليه والا مالقبوا بجمهور المسيار في السعوديه عبث عاد لو صاروا جمهور مسفار فهذي جديده

يعني فريق خارجي يمثل دولة اخرى ويشجعونه ضد فريق يمثل دولتك هذي ماتدخل العقل ولاتنبلع

وينكم ياللي زعلتوا علي في موضوع الوطنيه ؟

نص الشعب صار ايراني

[حسام الكثيري]

يا زين الفرق اليهودية عند الزعيق

والله اني فرحت بقوه انا وكل الاخوان اللي يشجعون الفرق السعودية الاخرى

نادي مكروه

وين بيروحون من عقاب الله في السماء ونمور الله في الارض



سمعت واحد يقول بنحر ما ادري كم بعير اذا فاز فريقنا اذوب اهن الايراني هداه الله

انا راح انحر واحد من الشباب هنا

[:saudi:]

هههههههههههههههههه

مكروه من كثر مادق خشومكم في الملعب

وش ذنبه لاصارت ادارتكم غبيه وتضحك عليكم بالقوه الشرائيه وبالتصويت

اول مره اشوف رئيس نادي يفرح بسبب انتصاره بتصويت بالله انتم نادي ؟

انصح ادارة النصر تفتحلها قناة وتخليها مخصصه للتصويت عشان تعيش الجو مظبوط

[vb3vb3]

من الحمق ان اجادل شخص نصراوي


اصلا رئيسهم بكبره عنده قوه شرائيه ومقتنع فريقه بطل وهو يالله يفوز على اضعف الفرق في الدوري ؟!!!


رساله لكل نصراوي لا اعلم ليه دائم تتدخلون في امور الهلال سنعو فريقكم وخلوه بطل احسن لكم

ويب سيرفس + كل نصراوي


خلوكم في فريقكم وبسالك ياويب سيرفس بالله رئيسكم وش جاب لكم في النصر ؟!!


ابي تجاوبني على هالسؤال طبعاً غير القوه الشرائيه اللي جابها لكم

هل حققتم بطوله ! هل نافستم على دوري او كأس ؟!!

رئيسكم العام تدري وش يقول يقول النصر هو بطل الدوري لانه بطل الدور الثاني

وانتم ماشين وراه مصدقينه بالله احسب نقاط الهلال الدور الثاني ونقاط فريقكم


ياعمي رئيس نادي مايعطي الحقائق لجمهوره اعلم ان هذا الجمهور أحمق مع احترامي لك

يعني يسلك لكم علشان الدقيقه 37 كل مباراه تصفقون له ههههههههههه وينبسط ويدخن


رساله لكل هلالي دعك من مجادلة النصراوي لان ماوراه الا كلام وبس

وسلم لي على اللي قام يصفق يوم اخذ رادوي كرت اصفر العام الماضي شكله يحسبكم حققتو بطوله ههههههههههه ولا خلاص رادوي مسبب لك ازمه والكرت اللي اخذه يعتبر بطوله وطموح لكل نصراوي

ابو هيثم والله ثم والله كل نصراوي بيجادلك وماراح تخلص وبيقول لك بالحقائق والارقام هههههههه

وفي الاخير لا حقائق ولا ارقام راح تشوفها بل كلام ماله اي فايده


ويب سيرفس تبي تقنعني مصلحة الهلال تهمك ياشيخ افلقني اذا انت مافرحت يوم ضاع البلنتي

بعدين بس سؤال لكل نصراوي لاعبنا ويلي هو اللي ضيع انتم وش دخلكم بينا وبين لاعبنا ؟!!

سنعو ناديكم بس احسن لكم

بداح

[ويب سيرفس]

المشكله حتى ردك كلام انشائي ماني شايف ارقام تتحدث كله كلام مبني على تحليل شخصي لأي نصرواي !!

هلا بالغالي .. انت ضع المحور اللى تريد نتلكم عنه وابشر بالارقام لاني بامانه مدري وش تقصد ؟
تبي شيء تاريخي او احصائيه او اي شيء يخص ناديكم انا مستعد اتناقش والمهم الاحترام المتبادل ..

مهما اختلفنا في الاراء فهي تعكس ديموقراطيتنا
يعني بيئه صحيه جدا .. افضل من بيئه معاهم معاهم .. عليهم عليهم

ابو هيثم تقول ..

طيب لو حرم الغرافة من بلنتي يعني يكون ساعد الهلال في الفوز ؟

الامر الثاني حتى لو احتسب البلنتي مب شرط يجي قول , ولو جا قول ترى الهلال جايب قولين

يعني يكون تعادل وضيع الهلال فرصة العابد الي منفرد امام المرمى يعني لو يحتاج ثالث جبنا ثالث

واما بخصوص ما دار بين سامي والحكم لا اعلم ما ادار ولكن الحكم ما اخطا الا في البلنتي فقط

الخطأ جزء من اللعبه ولن ادخل في مجال الـ ( لو ) لانها لاتعني شيء واقعيا ..
فلو افترضنا على كلامك انه احتسبها واضاعها ..
فلنفترض كذلك انه حسبها وسُجلت ؟؟

المهم ليس لو المهم انه تغاضى عنها بشكل غريب وكأني به يشفق على الهلال والله اعلم ..

ونعم الهلال بعد الهدفين نشط وكان ممكن يتعادل لو زادت 5 دقائق ولكن الاهم اين هو طوال المباراه ؟؟

اما مادار بين سامي والحكم انا لاادخل بالنوايا مثلك تماما ولكن ماحدث يولد الريبه والشك وكان سامي في غنى عنه ..

بخصوص المنتخب اتفق معك ولكن بخصوص الهلال اخالفك كلياً , ليه تحكم على الهلال من مباراة وحده ؟

وانت قلتها الهلال متكامل لاعبين واجانب وادارة ومدرب وكان مستواه مبهر في ابطال اسيا بالكامل

المنتخب نعم لايتحق ولازلت اقول الهلال لايستحق لاسباب ..

انت شخصيا ترى الهلال هو هلال العام الماضي الذي حسم الدوري مبكرا ؟؟
انا بامانه لا ارى اي هيبه للفريق واللعب تائه والفوز الذي يحدث للفريق بروح اللاعبين فقط
يااخي الهلال يعاني من ازمه وانا بصراحه استغرب شيء مهم

الان المدرب ذهب ووقع للمغرب .. وارسل الطاقم تبعه ووقعوا مع المغرب ..
ومع ذلك لازال يداعب الهلاليين بالكلام المعسول وكانه لايريد ان يغادر ؟؟
ومع ذلك لازالت ادارة الهلال توعد جماهيرها بانه باقي وكأن الهلال متوقف على جيرتس ..
وهذا مايدل على كذب الاعلام الهلالي الذي يقول دائما الهلال يصنع المدربين باكيتا وكوزمين ووو
والان تاركين الفريق يتدهور اسيويا وهم يطاردون وراء جيرتس وكأنها شحاذه ..
هل تعلم ان سامي الان في رحله عمل لمخاطبة المغرب لترك جريتس لنهاية الدوري ؟؟
ومباراه الفريق بعد 10 ايام ؟؟

كل كلامي يابو هيثم ان الهلال الان ليس هو هلال العام الماضي والمشاكل التى تحدث تؤثر فنيا وهو مايتضح وستراه لو خرج الهلال مهزوما المباراه القادمه ..

الفريق الايراني ما وصل الى نصف النهائي الا انه يستحق وفريق قوي مثله مثل الهلال والشباب

واذا الفريق الايراني ضيع هجميتن الى ثلاث فالهلال ايضا ضيع هجمات وارجع للشوط الثاني

ولا تنسى الشوط الاول توجد هجمات ضائعة , صدقني الهلال بالنقص الكبير الي حصل له

قدم مستوى افضل من الفريق الايراني ومن الغبن ان يعود بخسارة كان على اقل تقدير التعادل

ولكن لعل عدة امور انا اقيمها فنياً في سببها وهي : النقص + التحيكم + ارضية الملعب + عدم التوفيق

نعم فريق قوي .. ولكن لاتقارنه بالهلال ابدا ابدا .. حتى ولو كان يقدم مستويات ممتازه ..
انا ودي اعلق على نقطه مهمه ..لاحظت حتى بالاعلام وتصريح رئيس الهلال ان فيه تفاؤل ودعم ..
نعم هو دور الاعلام الهلالي والرئيس ان يحفزو اللعيبه لان الوضع صعب جدا فهدف واحد للايراني المباراه القادمه في اي لحظه يعني خروج الهلال .. خصوصا مع دفاع الايراني المنظم القوي ..
لكن انتم كمشجعين للنادي لا اجد لكم العذر بمدح مستوى الفريق فهو بصراحه وان كان فيه نقص لم يقدم المطلوب .. وجهه نظر ..


ابو هيثم .. وانا معك اتمنى النهائي سعودي والكاس للشباب


الاخ ابو وائل

دائماً جمهور الشمس يفرحون بهزيمة الهلال من فرق أخرى وهذي حيلتهم ومابيدهم غير كذا ، لأن فريقهم لايقدر ان يكون منافس حقيقي للهلال فتجدهم يشجعون حتى الفرق الإيرانية ضد الهلال ،

همسة :- لو اني نصراوي اعتزل تشجيع الكرة وخصوصاً تشجيع النصر اللي يخليني اشجع فرق ايرانية فازت على الهلال .

الله يعينكم ياجماهير الشمس على فريقكم

اعتراف رائع جدا ..
ولكن لو اكملت الحقيقه وقلت .. دائما جماهير غير الهلال تكره الهلال ..
السؤال : لماذا كلهم يكرهون الهلال ؟؟
اذا عرفت الاجابه صدقني سترى المتعه والذوق ولن تعتزل الرياضه اطلاقا

الاخ ستار توب

كان كل مقصدي بالموضوع يجي حبيبي ويب سيرفر

بخصوص الهزيمه متوقعها

كنت اتمنى المحياني يكون اساسي لانه يلعب علشان يسجل ولا يلعب علشان يستعرض

يابعد قلبي انت والله
ياخي ترى حلاة النقاشات انها تعرف بناس مثلك وشرواك
شف ابو هيثم صرت كل ماشوف الهلال اتذكره ههههه
معليش سؤال ..
انت متوقع الهزيمه ؟ ليه ؟
وبعدين مين اللى يلعب ويستعرض وضح عادي ..
ترى الموضوع للنقاش ولاتخاف من جماهير ياسر

تدري انت صريح وهذا الصح .. المشكلة فيه جماهير ماتعترف بضعف او خطأ فريقها وهذه اكبر مصيبه ..


الاخ سعودي ..

ابو وائل لو كان الفريق داخل السعوديه من البديهي انا نعرف هذا الشيء وتعودنا عليه والا مالقبوا بجمهور المسيار في السعوديه عبث عاد لو صاروا جمهور مسفار فهذي جديده

يعني فريق خارجي يمثل دولة اخرى ويشجعونه ضد فريق يمثل دولتك هذي ماتدخل العقل ولاتنبلع

وينكم ياللي زعلتوا علي في موضوع الوطنيه ؟

نص الشعب صار ايراني

والله مازعلت عليك شخصيا بالعكس كنت احاورك بشكل ودي لانك اخ وغالي ..
واللى يزعل من نقاشات افضل له لايدخل منتديات لانه سيواجه من يخالفه بكل تاكيد ..

بالنسبه للقب جمهور النصر ياعزيزي انتم تضعون كل شيء على النصر ومسكين النصر بهذلتوه رغم انه له سنين ماوصل للبطولات ومع ذلك هو دائما المتهم ..
لماذا لاتقول كل جماهير السعوديه تشجع ضد الهلال ؟؟ وهذا الواقع بامانه ..
يااخي ناقشوا سبب كره الناس لناديكم حتى فيه ناس مايعرفون كوره على طول تلقاه يقول الهلال فريق حكام ؟؟
هذا السبب وبدون تهرب ..


عندي اضافه بسيطه ..
هل تنكر ان الاعلام او الجماهير الهلاليه مافرحت يوم طلع الاتحاد من الاسيويه العام الماضي ولا هالسنه ؟ ( حتى لو كانو قله )

ياصديقي مشكلتنا كل ماصار شيء قالو وطنيه ..
الواقع يقول ان جماهير الهلال تفرح لهزيمه الاتحاد وجماهير النصر تفرح لهزيمه الهلال وووو .. ليه نكذب على بعض ؟؟


الاخ vb3vb3

من الحمق ان اجادل شخص نصراوي


اصلا رئيسهم بكبره عنده قوه شرائيه ومقتنع فريقه بطل وهو يالله يفوز على اضعف الفرق في الدوري ؟!!!


رساله لكل نصراوي لا اعلم ليه دائم تتدخلون في امور الهلال سنعو فريقكم وخلوه بطل احسن لكم

ويب سيرفس + كل نصراوي

مو جدال ياغالي هذا نقاش ضع رؤيتك ولاتلزم احد باخذها او ردها ..
اما الحمق وعدمه انا ماقلت عنك شيء بالعكس ماشفت منك الا كل خير

اما بالنسبه للرئيس ياخي الان من جاب طاري الرئيس ؟

ليه ماتقول لنا رايك في مستوى الهلال ؟

لان الموضوع عنه ودع النصر ورئيسه في موضوع اخر وابشر بالنقاش
انا استغرب تهرب اغلب الهلاليين من صلب الموضوع وعدم اعترافهم بانهم يستحقون الخساره من الايراني .. مع استثناء الاخ صاحب الموضوع ..

خلوكم في فريقكم وبسالك ياويب سيرفس بالله رئيسكم وش جاب لكم في النصر ؟!!


ابي تجاوبني على هالسؤال طبعاً غير القوه الشرائيه اللي جابها لكم

هل حققتم بطوله ! هل نافستم على دوري او كأس ؟!!

رئيسكم العام تدري وش يقول يقول النصر هو بطل الدوري لانه بطل الدور الثاني

وانتم ماشين وراه مصدقينه بالله احسب نقاط الهلال الدور الثاني ونقاط فريقكم


ياعمي رئيس نادي مايعطي الحقائق لجمهوره اعلم ان هذا الجمهور أحمق مع احترامي لك

يعني يسلك لكم علشان الدقيقه 37 كل مباراه تصفقون له ههههههههههه وينبسط ويدخن

تعرف وش المشكله .. الان انت لازلت تتهرب من موضوع الهلال وكتبت 7 سطور عن رئيس النصر ؟؟

طيب لو بختصر عليك وبقولك ( فرضا ) يااخي انا ضد هالرئيس اصلا وش بتقول ؟؟

يعني انت تسالني عن شيء ماتعرف رايي فيه مسبقا ولا له علاقه بموضوع مباراه الهلال ..

على فكره لازلت تكرر لفظ احمق ولا ادري بصدق لماذا تكررها ..

ولو افترضنا جدلا ان هناك حمقى ويصدقون وقسنا على كلامك فنقول جمهور الهلال احمق لانه بن مساعد قال جيرتس ماوقع للمغرب واليوم الثاني موقع ؟؟؟
يعني بن مساعد يسلك لكم وانتم حمقى ؟

يااخي فيه امور انا ماودي افصل فيها لانها بتخرجنا عن الموضوع .. ولكن الزبده ..
لاتصدق كل اللى تشوفه قدامك سواء انت نصراوي او هلالي او تشجع المنتخب ..
الرياضه فيها ناس داخلين يدبلون ارصدتهم وفيها ناس يبون شهره وووو ..

وانت يالمشجع محترق ومصدق المسرحيات ولا احد داري عنك ..
( اتكلم عن العموم ليس عن نادي معين )

رساله لكل هلالي دعك من مجادلة النصراوي لان ماوراه الا كلام وبس

وسلم لي على اللي قام يصفق يوم اخذ رادوي كرت اصفر العام الماضي شكله يحسبكم حققتو بطوله ههههههههههه ولا خلاص رادوي مسبب لك ازمه والكرت اللي اخذه يعتبر بطوله وطموح لكل نصراوي

ابو هيثم والله ثم والله كل نصراوي بيجادلك وماراح تخلص وبيقول لك بالحقائق والارقام هههههههه

وفي الاخير لا حقائق ولا ارقام راح تشوفها بل كلام ماله اي فايده

ولازلت تقول مجادله ؟؟
يارجل هي وجهات نظر
وللقارئ الحكم انت ضع وجهه نظرك بدون تهرب
وصدقني بتكسب احترام الكل لانها تمثلك فقط
والكل يعلم ربما هي صواب او خطأ ..
اما لو آمنا بمبدأك دعك من الحوار من النقاش ومن وووو
يااخي نقفل الانترنت كله وخلاص كل واحد لايسولف

ويب سيرفس تبي تقنعني مصلحة الهلال تهمك ياشيخ افلقني اذا انت مافرحت يوم ضاع البلنتي

بعدين بس سؤال لكل نصراوي لاعبنا ويلي هو اللي ضيع انتم وش دخلكم بينا وبين لاعبنا ؟!!

سنعو ناديكم بس احسن لكم

ممتاز اخيرا رجعت لصلب الموضوع
شوف يالغالي الله وحده يعلم بالنوايا .. سواء كانت تهمني مصلحه او العكس او فرحت بالبلنتي او العكس كلها امور تخصني فقط ولكن حتى لو كنت هلالي او ايراني لازم احكم عقلي واترك الامور العاطفيه فرحت زعلت ضحكت وووو
الهلال نعم يستاهل بلنتي وطرد المدافع ولكن ويلي اخطأ بتقدمه للبنلتي ومعروف انه مايعرف يشوت ؟؟ حتى رئيس الهلال تكلم عن هالامر ويقول لان مافيه غيره يشوت ؟
يمكن لو لعب البلنتي العتيبي يجيبه اما تقدم لاعب وهو مضيع 4 من قبل هذا خطأ فني من المدرب والطبيعي اي واحد محايد بيقول هالشيء ..

بالنسبه للسؤال الاخير ..
انت المشكله تضع الرد وكأنك في حرب مع النصر ..
النصر ماله علاقه صدقني وكل وجهة نظر تمثلني فقط لاعلاقه لها بميولي ..
انا شفت المباراه ومنطقيا كتبت اللى اشوفه وبسس وكلامي كله مقتنع به مع نظره بسيطه ومتواضعه لاستشراف المستقبل الهلالي الذي اكدت فيه سابقا انه لو انهزم سترى انسحابات فنيه واداريه كبيره وستحل الازمه الماليه وسيطالب اللعيبه برواتبهم وعقودهم وغيرها من المشاكل التي يخفيها الان امل الوصول للعالميه ..

اقتنعت بكلامي ممتاز ..
مااقتنعت احترم رايك .. وربما تكون انت مصيب وانا مخطئ ..

وموعدنا 20 اكتوبر لو انهزمتو شوف اللى قلته لك ..

على طاري الحاشي ..
شرايكم انت وابو هيثم وسعودي تعشوني لو فاز الهلال بالبطوله
واوعدكم ماعاد اقول الا انتو احسن فريق ههههه

ذكرتني بسالفه احسن فريق ..
امس واحد يقولي معلق القناه الرياضيه محمد غازي صدقه يقول الهلال لو يقابل برشلونه او مانشستر وهو بكامل قوته لفاز عليهما ؟
مدري هو مسخن ولا فيه شيء
ولا مع الحماس قالها

اعتذر عن الاطاله ولو اخطيت على احد يسامحني

[vb3vb3]

طيب انت تقول النصر مو موضوعنا طيب والهلال مو موضوعك بما انك نصراوي

ثانيا : انت من اسلوبك تبي تقنعني ان الهلال سيء في المباراه

ياخي شفت التشكيله انت طيب ؟!!

كم لاعب ناقص لا تقولي كلكم بالاول ومدري ايش ماجد المرشدي + الزوري ثاني مباراه بعد توقف طويل مع الاصابه

الفرج + العابد + الفريدي هات لي مباراه وحده لعبو فيها مع بعض من الموسم الماضي ؟!!

البرقان ليس بمستوى عزيز او رادوي او الغنام

يعني عندك 4 لاعبين وسط مو اساسيين في فريق الهلال كلهم في اهم المراكز في مركز الوسط

واضف عليهم اثنين راجعين من اصابه كم يصير عندك 6 طيب ياحلو انت تقول الهلال سيء

يعني تبي اقول لك الهلال سيء على العكس تماماً اخالفك الرأي الهلال كان مقدم مباراه جميله جداً جاته فرص ما استغلها والله ماكتب لها التوفيق هل نحكم على الفريق سيء ؟؟

بالعكس فريق ينقصك ركائز اساسيه في الفريق مثل نيفيز عزيز رادوي الغنام ياسر ( مصاب ) ناس راجعين من اصابه ويرجعون بأقل الخساير وهي هدف واحد بالعكس فريق يستحق الاحترام


الان تبي تقنعني الهلال سيء بتقول لي مباراة الغرافه اقول لك نعم الهلال ولاعبينه وجماهيره داخلين وهم ضامنين التأهل وهذا سبب قوي جعل الفريق يتراخي بس يوم جاء وقت الجد وحس اللاعبين بالمسئوليه شفنا آخر 4 دقايق مجنونه للهلال كيف طلع مستواه


اشكرك لانك تبي تقنعني ان الهلال سيء بس انا مقتنع في فريقي الان هل انت مقتنع بتشجيع الأسوأ فريق النصر



بداح

[vb3vb3]

اشكر الاخ ويب سيرفس يبدو انه اقتنع ولم يرد علي حتى الان او لايملك الرد



الرجاء اغلاق الموضوع <<__ ( عاده اتمنى الا اراها في سوالف فالموضوع ملك للجميع وليس لكاتبه فقط )



بداح