مساعده باختيار سياره ؟ التيما - كادينزا - كامري ؟ أو ... ؟

[نور المنسي]

السلام عليكم و رحمه الله و بركاته

كيفكم يا اخوان عساكم بخير ان شاء الله و كل عام وانتم بخير

حبيت اخذ مشورتكم بخصوص سياره جديده ان شاء الله تكون ماكينه كبيره بجانب الجين2 الماليزيه و اللي سويت عنها تقرير مسبق

الحين شفت نيسان التيما 2.5 و سعرها طيب حدود 65 الف تقريبا قير تماتيك تبترونيك CVT
و فيه كيا كادينزا 3.5 و سعرها 65 الف للستاندرد قير تماتيك
و الكامري فئات و فئات لكن المحرك 2.4 و بصراحه ما احب التويوتا لانه احس نص سعره دعايه


عموما طالب مشورتكم يكون شي وكالته كويسه و سعره حدود ال60 لي ال70 كاش

و الماكينه يكون عزمها حلو و اهم شي المواصفاااات و سعر اعاده البيع و قطع الغيار

مع ذكر مكان الوكاله ان امكن في جده

و سلامتكم

[أبو يزيد]

وعليكم السلام و رحمة الله و بركاته

اهلا بك نور و مبروك مقدما

والله يعطيك خيرها و يكفيك شرها

بما اني مستخدم للتويوتا فبنصحك بالكامري

اذا لك رغبة في السيارات الكورية اشوف السوناتا خيار رائع جدا

و بالتوفيق يارب

[yy44.net]

إذا تريد سيارة بمعنى الكلمة أكورد

تريد سيارة خفيفة وأقتصادية كورولا سيارة بصراحة خفيفة بالنسبة لي وتنفع في شوارع جدة يعني الله يعينك كل 6 شهور تغير مساعدات وكراسي خخخ

[عبادي القرني]

الأكورد ممتازة جداً ومتماسكة تصنع وتجمع في اليابان عكس اغلب الشركات الآن باتت تجمع في الصين

أما من التويويتا فأنصحك بـ أفالون فهي جداً ممتازة

موفق

[New Prison]

مادام الكاش 70 الف فقط فخذلك كوري

http://www.moshtry.com/cars/articles/

هنا بتلقى الاسعار

[عبدالله بن سعود]

الحين شفت نيسان التيما 2.5 و سعرها طيب حدود 65 الف تقريبا قير تماتيك تبترونيك CVT

هذي السيارة معي ، اخذت لي التيما 2009 وكالة .. 2.5

المهم السيارة مره ممتازة،ومعي أكثر من سنة و 3 شهور تقريباً .

لم أغير حتى الكفرات .. لها [ دقق في هذي زين ]

اللي اغيره زيت

وبسم الله ماشاء الله عليها

لكن نصيحة من اخ

لاتاخذ سيارة 4 سلندر [ 2.5 ] . .

خذ لك 6 سلندر [ 3.5 ]

وعسا الله يوفقك لو بغيت اي استفسار بخصوص الالتيما .. انا موجود

[عبدالله بن سعود]

طبعاً ملاحظة : بخصوص سيارات الـ 4 سلندر ، سواء كامري او التيما

لو تشغل المكيف وتمشي راح تحس ان الزيارة كأنها ( تزوُّر ) فالضغط يرتفع شوي ( للعداد الضغط )

عشان كذا نصحتك في سيارة 6 سلندر وفوق

[نور المنسي]

ماشاء الله تبارك الله اولا مشكورين جميعا علي النصائح الغاليه

الهوندا سياره قويه و اعرفها مجرب زمان السيفيك موديل 2000

لكن المشكلة بتدفع 86 الف في سياره ما اخذت منها كامل المواصفات

الكامري والله ممكن .. لكن المشكله زي ما قلت احس انها في سعرها من الدعايه الكثيرررر

عموما .. وش رايكم بالألتيما ؟ اخوي عبد الله كيف هي معك السياره سواء بالعزم ؟ المكيف وقت الظهر ؟

وهل انت تستخدمها في جده ؟ الطرق مكسسره و تحويلات كل شوي يعني السياره تتحمل ؟؟

ايضا سمعت اكثر من واحد من الشباب يمدحون في الكيا كادينزا مع انها كوري لكن يقولون ممتازه

اخوي عبد الله ايضا ايش فرق ال6 سلندر 3.5 عند ال4 سلندر 2.5 غير قوة المحرك ؟ اتوقع فيه صرفية بنزين زياددده ؟

اخوي New Prison الكاش ممكن يرتفع ل 80 لكن اهم شي ادفع المبلغ في محله و يكون سعر اعاده البيع و الصيانات و قطع الغيار .. إلخ مناسب ...

و بعد ايش رايكم بالراف 4 ؟ يعني صراحه قلبي مايل للألتيما لكن فيه ناس خوفوني من الحمراني و نيسان

[أزدي]

إذا راح تتجه للكوري = سوناتا
ياباني أشوف الألتيما أفضل من الكامري بمراحل

و إن بغيت الكلام و تزيد المبلغ شوي .. و سيارة لك وللعمر فعليك بفورد توريس
ما بذكر لك مميزاته و مدى جودتها .. زور اقرب معرض و جربها وخله يعطيك المميزات و بتطلع من عندهم وانت شاريها

[:saudi:]

كيف حالك يا i4 وينك مانشوفك في المنتدى

بالنسبة للسيارة ليش ماتاخذ سيارة مرسيدس مستعمل موديل 2006 تحصلها في هالسعر وسيارة رسمية وحلوه

لو تحصل حاجة نظيفه اتوقع افضل من الكامري واخواتها

[نور المنسي]

والله قريت شوي عن الفورد و قالو حلو لكن بعدها جديده و ما اتضحت عيوبها و مميزاتها بالكامل

كذلك اعاده البيع و الصيانات و قطع الغيار ... لسه لا اخبار

يعني الهونداي سوناتا افضل من الكيا كادينزا ؟

اخوي :saudi: كيفك و كيف امورك ، و الله انشغالات و كنت مزكم شوي ما كنت افتح النت

المرسيدس مب الحين ، حطيت في بالي من فتره c180 جديد سعرها 99 الف بعدها تراجعت لانه سعره ينزل بقوه بعد الاستخدام

يمكن نجيب في الخطوه الجايه بي ام 745 موديل 2007 او 2008 بعد سنتين او شي

لكن الحين خلنا رواعي الياباني و الكوري و نبعد عن العين ان كان طيرتنا مع شفر اوبترا وش بتسوي فينا مع مرسيدس الحين

[أزدي]

يعني سنتين راحت ومافيه عيوب قوية ظهرت في الفورد توريس .. لازم تنتظر عيوب عشان تشتري ولا كيف
صدقني ما بتندم والسيارة تستاهل هالسعر

اما السوناتا .. فنعم افضل من الكيا كادينزا .. لا تغتر بـ 6 سلندر للكادينزا ..

إذا كوري = سوناتا
ياباني = ألتيما ( حسب خياراتك المطروحة )


بالتوفيق

[نور المنسي]

تسلم اخوي أزدي بصراحة قلبي ماهو مايل للأمريكي

خلنا مع الياباني

الحين ألتيما ممتازه و ماكينه 2.5 و ننتظر مزيد من اراء اخوي عبد الله



هل احد عنده فكره عن سعر اللانسر الفل كامل ؟ و كم الماكينه حقتها ؟

و سمعت انه فيه منها مديل GTR او Rally Art بيكون معدل من الوكاله ... انتظر المزيد من اهل العلم بخصوص اللانسر و الالتيما

[عبدالله بن سعود]

الحين ألتيما ممتازه و ماكينه 2.5 و ننتظر مزيد من اراء اخوي عبد الله

هلا وغلا حياك الله ..

والله الالتميا معي و ممتازة جداً و لله الحمد

طبعاً انا بالخفجي "قرُب الكويت" ولا مقارنة بينها وبين جدة فأكيد الخفجي شوارعها خربانه اكثر من جدة :nice:

المكيِّف طبعاً ممتاز و لله الحمد

تقدر تمشي عليها 200 وانت مشغل المكيف مافيه مشكلة

الفرق بين 4 سلندر و 6 سلندر ..
طبعاً 4 سلندر يفضل دائما لها البنزين الاخضر الرخيص .

لكن الـ 6 يفضل دائماً لها الـ بنزيتن الاحمر .. الغالي شوي

لكن بتحس بالفرق من ناحية القومة،السرعة و عدم أرتفاع ضغط ( العداد الآخر )

الان ماشيه 47 الف كيلو معي ، ولم أغيير كفراتها للآن ، إلا كفر واحد ضرب فيه مسامير كثيره .

اي استفسار حاضرين

[نور المنسي]

طيب اخوي عبد الله بكم اخذتها و ايش فئتها ؟

الفل P2 2.5 ولا P1 الستاندر تماتيك ولا عادي ؟

بكم تفللها بنزين ؟

موضوع السلندر ماهو شرط ، لان الجين2 معي 4 سلندر و بنزينها احمر الممتاز