أفكر جدياً بتحويل موقعي : (( إلى مصري ))

[qtryat]

طيب اخبار مصر دي هتنقلها من الجرايد المصرية ولا لك مراسلين ولا ايه بالظبط

لو انت سعودي وموقعك مختص بالاخبار السعوديه لازم تنزل لمكان الخبر , وتكون اول المتواجدين

ما بالك بموقع اخبار مصري وانت سعودي , لو قلت لى منتدي مصري , شات مصري , اى شىء يهم المستخدم المصري تمام

لكن انت سعودي وقاعد بالبيت او قاعد بالمملكه تنسخ وتلصق الخبر وفاكر ان اليوزر هيدخل لموقعك ويسيب الموقع اللي انت ناقل منه

الزائر المصري لما بيحب يقرأ اخبار

بيكتب

الاخبار , اخبار مصر , اليوم السابع , المصري اليوم , جريده الجمهورية

يعني عارفين المكان اللي هيدخلوه مع ان اغلب الجرايد اللي قلتها دي مفيش مصداقية

الافضل لك تهتم بالاخبار السعوديه واذا نجحت بالسعوديه تقدر تفتح لك موقع باخبار مصر وقتها تكون كسبت خبره

فى بلد انت متواجد بها وتقدر تعرف اخبارها اسرع من بلد تانيه هتنقل اخبارها من ع الانترنت

سؤال تاني خطر ببالي , تخيل ان الانترنت فصل عندك , تخيل انك نايم وفى خبر مهم بيحصل

اكيد موقعك مش هينقل الخبر فى لحظة حدوثة لان مفيش عندك ناس تنقل لك الاخبار وقت حدوثها

اتمني لك تظبط اوضاعك وكل شىء وتحسبها صح

ربنا يوفقك فى كل مجال سواء مصر او سعوديه

[لامارتين]

لكن انت سعودي وقاعد بالبيت او قاعد بالمملكه تنسخ وتلصق الخبر وفاكر ان اليوزر هيدخل لموقعك ويسيب الموقع اللي انت ناقل منه

سياسة موقعنا تعتمد على جمع الأخبار واختصارها وترتيبها واختيار باقة مميزة بشكل يومي ..

لست مصدر للخبر .. لكني مكان جميل لقراءته

[فكرة للدعاية]

لست مصدر للخبر .. لكني مكان جميل لقراءته

كلام جميل

بعيدا عن كل الهجوم اللى انت اخدته

لو انت معندكش امكانيات انك تعمل موقع اخبارى متكامل

يعنى مش هتكون انت المصدر

يبقى تعدل عليه .. مش كوبى وبست عشان حتى يكون ليك مكان فى جوجل كويس

يعنى معظم اخبار الانترنت والمواقع بتنقل من اماكن محددها .. منها رويترز

اعد صياغة الموضوع