يعنى ايه كوكا زيرو
يعنى ايه كوكا زيرو: ان الاحزاب تنادى طول عمرها بانتخابات نزيهه ولما تتاح الفرصة لانتخابات نزيهه يقولك احنا مش مستعدين
يعنى ايه كوكا زيرو: يعنى جماعة الاخوان المسلمين يستشهد اعضائها فى الثوره وبعدين يقولوا ركبوا الموجه
يعنى ايه كوكا زيرو: يعنى الاخوان لما يوافقوا على التعديلات الناس تقول ان دى صفقة مع الحزب الواطى
يعنى ايه كوكا زيرو: ان عمر سليمان يقول ان الشعب غير مستعد للديمقراطية والكل يزعل منه وبعدين تيجي الاحزاب تقول نفس الكلام وناس يسقفلهم
بعنى ايه كوكا زيرو: يعنى يقولك المصرى اليوم محايدة وهيه ليل نهر بتقول لا للتعديلات
يعنى ايه كوكا زيرو: ان الاستفتاء يبقى نزيه ولما هتيجى ان شاء الله النتيجة نعم هيقولوا انه اتزور وحصل رشاوى انتخابية
يعنى ايه كوكا زيرو: ان الحزب قبل الثورة يقول لو الانتخابات نزيهه هيجى الاخوان ولما تقوم الثورة الناس تقول لو الانتخابات نزيهه الانتخابات هتجيب الحزب والاخوان
يعنى ايه كوكا زيرو: ان الشعب يقوم بثورة فيشيل فيها الحزب برئيسه بحكومته وبعدين يقولوا الحزب هيرجع بالانتخابات
يعنى ايه كوكا زيرو: ان السلفيين يقولوا نعم للتعديلات فيتقال عليهم انهم اعضاء من الاخوان مندسين ومجندين في السلف
يعنى ايه كوكا زيرو: ان عمرو موسى يقول انا هصوت لمبارك قدام اي حد و يرجع يقول قصدي قدام ابنه الآن
يعنى ايه كوكا زيرو: ان شفيق يقول علي البرادعي الي واخد نوبل للسلام. شخص خطر علي امن الدوله
يعنى ايه كوكا زيرو: ان خالد يوسف يتصور جنب محمد حسان
يعنى ايه كوكا زيرو: ان حمادة هلال يفهم لوحده ان شهداء 25 يناير …..ماتوا في أحداث يناير
يعنى ايه كوكا زيرو: ان طلاب الاخوان يعملوا مؤتمر في الجامعة والأمن يوصلهم الكهربا بتاعة السماعات
يعنى ايه كوكا زيرو: ان كل المصريين اللى بره عاوزين يرجعوا مصر يعيشوا و يتمتعوا بالحرية فيها و حسام حسن يهدد بالهجرة
يعنى ايه كوكا زيرو: ان فتحي سرور يتكلم عن تزويرالإنتخابات
يعنى ايه كوكا زيرو: ان الإخوان المسلمين يجتمعوا بالمجلس العسكري وأمن الدولة يصبح تنظيم محظور
يعنى ايه كوكا زيرو: ان الجيش يبعتلك مسجات أكتر من خطيبتك
يعنى ايه كوكا زيرو: ان مبارك يبيع مصر ويساعد على حرب العراق وسجن غزة ونتهم البرادعي بالعمالة
يعنى ايه كوكا زيرو: ان تفقد ذاكرتك وتلاقي امن الدولة محتفظالك بنسخة منها
يعنى ايه كوكا زيرو: ان التراز زملكاوي يعترض لاول مره في التاريخ على ابراهيم حسن ويطالبه بالاعتذار
يعنى ايه كوكا زيرو: ان الاخوان يحضروا قداس والشباب يضرب نجم الجيل
يعنى ايه كوكا زيرو: ان البرادعي يطلع عالتلفزيون عادي ومبارك مش لاقى اى محامي يدافع عنه
يعنى ايه كوكا زيرو: ان نجم الجيل يعيط و الرجل الى ورا عمر سليمان هو الى يتشهر
التعديل الأخير تم بواسطة سحاب اون لاين ; 18-03-2011 الساعة 03:36 AM
__________________
تحاور مع العاقل بعقل .. اما ان يقتنع او تقتنع
وتحاور مع الجاهل بعقل .. اما يطقعش او تفرقش
وتلك الفاظ لا معنى لها كذلك كلماته