السلام عليكم
كيفكم وكل عام وانتوا بخير
تصدقون وانا ارد هنا على سؤال واتصفح في منتداي ومنتدى سوالف فجأة طلع خطأ في قاعدة بيانات المنتدى اوكي فكرته من الشركه ممكن تصليحات في السيرفر عادي تحصل دايم ولكن طالت الدعوى
ربع ساعه وفقل اشيك على برنامج ftp واشوف شغال او لا ........... ولكن اشتغل الأخ البرنامج .
يالله منها نشوف كنترول الموقع وش السالفه دخولي عادي تخبرون الحين في كود اول ماتفتح البنال يقولك اخر من دخل البنال ايبيه وتشوفه مكتوب فوق .الا وهذا الأيبي حقي نفسه .
طيب نروح نشوف قاعدة البيانات او قواعد البيانات والا هي تمام كلها لفت انتباهي لما اتفرج على عدد الجداول لقاعدة المنتدى الا وهي 35 جدول عاد خلى جميع القواعد واختار هذي بالذات
ماعلينا ركبت نسخه قديمه من اسبوع ماخذها ومنزلها على جهازي والحمدلله اني مافقدت الا الشي القليل من المشاركات والأعضاء .
ولكن سؤالي كيف تم دخول البنال دون ان يسجل الأيبي في الواجه لموقع ؟
اذا لم يدخل الشخص بنال الموقع كيف تم مسح الجداول من القاعده ؟
وليش هذا الحقد والحسد والنذاله منا يالعرب وزين انه حرامي كريم وما مسح الموقع كامل
نعنبوك يالبعيد بدل ماتتشطر على اخوانك المسلمين روح اضرب المواقع والمنتديات اليهوديه والا عامل فيها بطل على عروبتك بس .
بس ما أقول الا الله يجعلك عبره للمسلمين وتصحى من نومك تلقى يدك على رقبتك وتكون ( خناق نفسك بنفسك )
حسبي الله وهو نعم الوكيل فيك
ماني قادر اركز وافكر بكل الأحتمالات الوارده .