السلام عليكم ورحمة اللخ وبركاته
أخواني اتمنى اني الاقي من يساعدني وبصراحه مشكلتي حيرتني ومب عارف شو اسوي
المشكله تتلخص اني من فتره استغرب تسجيل اعضاء جدد ولكن ما يشاركون (في البدايه قلت يمكن مشغولين ولا شي) وبعدين استغربت اكثر ان كل الي يشتركون ما يكتبون شي!!!!!!!!!!!!!!!!!!!
قلت في نفسي ليش يتعبون نفسهم ويسجلون
المهم أخواني انا قلت برسل لكل واحد فيهم رساله ترحيبيه خاصه لتنشيطهم وتحفيزهم
لكن لما دخلت على لوحة التحكم وعلى قائمة الاعضاء بالتحديد استغربت عدم وجودهم بين الاعضاء
وهم اكثر من عشره...............ولما اضغط على زر (Add) واكتب اسم عضو من الاعضاء الي سجلوا قريب تطلع لي رساله ان هالعضو موجود واضغط على (user) وتطلع لي بيانات العضو.....لكن هالعضو ما يطلع من ضمن قائمة الاعضاء واعتقد انه هو السبب انهم ما يشاركون لانهم ما يقدرون
وهذي المشكله اول ما صارت لي من فتره.........لما سجل واحد من الربع واستغربت انه ما شارك وكان انسان مجتهد....المهم دخلت على لوحة التحكم علشان اشوف ايميله وارسله ايميل استغربت عدم وجود اسمه وبعد يوم رسلي رساله يخبرني انه ما يقدر يدخل المنتدى.........كل ما يدخل يطلب منه كلمة مرور!!!!!!!!!!!!!!!!
أخواني الله يخليكم ويجزيكم كل خير خبروني شو اسوي علشان احل هالمشكله............هل الترقيه بتحل المشكله ولا المشكله في قاعدة البيانات نفسها وشو لازم اسوي
للعلم: استخدم نسخة 2.2.8
اخوكم القنّاص