السلام عليكم و رحمة الله
شوفوا يا اخواني الأعزاء
انا راح اقول الي عندي بدون ما احد يزعل
خلاص؟؟
مافيش زعل يعني
طيب
انا الصراحة متابع سوالف من سنتين بالظبط
و حاليا كل كام يوم اشوف
اول سكربت منتدى عربي
اول سكربت قائمة بريدية عربي
اول سكربت دفتر زوار عربي
اول سكربت نتائج طلاب عربي
و على صعيد اخر
اول كتاب عربي في الphp
اول كتاب عربي في css
فاحببت ان اوضح لكم ان كل هذا ليس له اي اساس من الصحة
نهائيا ليس صحيح
و ما حدش يزعل من الحق
فمثلا المنتدى العربي : عجيب صدر منذ فترة طويلة جدا
و هناك منتديات اخرى مثل المنتدى في موقع الصافنات
و الإتنين عربي 100%
مثلا نتائج الطلاب : موقع وزارة التربية و التعليم المصرية
بيعرض نتائج الطلاب منذ اكثر من 4 او 5 سنوات
و السكربت كل سنة بيتطور و يغيروه وهو من برمجة
مركز التطوير التكنولوجي في مصر
عندكم الكتب
انا صراحة لا اعلم كيف لم تعلموا بوجود كتب عربية
فلو ان واحد منكم جا عندنا في الأسكندرية
سوف يجد مكتبة كل 50 متر
و مليانين كتب كمبيوتر و برمجة و جرافيكس
كاتبها الأساتذة في جامعة الأسكندرية
في كل المجالات و تعتبر اسعارها رمزية
مثلا انا شفت كتاب يفوق ال800 صفحة
في الفيجوال بيسك 6
و سعره 16 جنيه مصري
كاتبه استاذ دكتور في جامعة الأسكندرية
و هناك تلاقوا كل الي انتوا عايزينه
html ,php,css photoshop,asp,flash
و من المكتبات المشهورة بكتب الكمبيوتر
مكتبة صغيرة جدا اسمها مكتبة علاء الدين
بتصدر كتب في جميع مجالات الكمبيوتر منذ اصدار
ms - dos و عندي منها كتب عن شرح الإنترنت
ايام ما كان الناس بيشتغلوا على الدوس
انا لم اكتب هذا الموضوع لابخس حق احد
او لأقلل من شان احد
لكن حرام ان واحد مبرمج و استاذ دكتور يتفتق قلبه في كتاب
و بعدين نقول احنا اول ناس
صح و لا ايه؟؟؟؟
و المبرمجين الي تعبوا في برمجة واجهات المواقع و المنتديات
و الي درسوا في الكليات و الجامعات و امضوا 5 سنين دراسة
في الجامعة و بعدين تقدموا للإختبارات في الشركات و ما الى ذلك
حرام نبخسهم حقهم
انا الصراحة مش عارف اذا كانت الكتب ديه موجودة عندكم في بلادكم و لا لا
لان انا مصري زي ما قلت لكم
و اغلب الأخوة من السعودية و الإمارات و الخليج عموما
و انا مقيم هنا في السعودية حاليا و فعلا مش لاقي اي كتب عربي
لكن ده مش معناه انه ما فيش
اي نعم دور النشر هنا و المكتبات مقصرة على كبرها
لكن حقوق المؤلفين لم تقصر
و اكرر مرة اخرى ان الموضوع ليس للتقليل من شان احد
او من شان برنامج
او حقد و لا كلام من ده
و اقسم بالله انني انما اردت ان اظهر حقا خفي عليكم
و اعذروني على الإطالة
و لكم جزيل الشكر على وقتكم الثمين
و السلام عليكم
