مادح نفسه كذاب .. مجرد نصيحــــة

**ابوعليوه** · 19-06-2003

السلام عليكم ..

فقط حبيت اقول لكم , ما في داعي تصدقون كل الي ينقال بسوالف شركات الاستضافة
يعني مو اذا الواحد قالك السيرفر حقي آمن 100%
هذا نصاب
والي بس تطلب عرض
يمدح في استضافته الين ما تصدع انت

يعني بإختصار .. ( مادح نفسه كذاب )
فالوقايه .. خير من الانتقال

**saudi4host** · 19-06-2003

ابو عليوه
الامن مافي امن 100% توك تدري
لكن في آمن يختلف عن آمن
بالنسبه لي انا عندي استضافه محميه
لكن عادي كل شي ممكن تخترق
لكن مو اي ورع جاي من الشارع معاه ملفين يجي يخترق.

**العاني اليماني** · 19-06-2003

مثل ما قال الاخ احمد .. مافي احد آآمن 100%

والي يقولك آمن 100% كذاب ...

وانا بصراحة عن نفسي . اقول لأي عميل او زبون

ان كل شئ ممكن يصير !! (( الهارديسك يحترق ، السيرفر يخترق ...إلخ ))

وبعدها .. الحبيب يقرر .. لو أيه او لا

وطبعاً مو يعني هالكلام اني اترك السيرفر بحماية ربي

ولكن احاول بقدر المستطاع .. اني احميه

وشكراً ...

تحياتي

**ArabicTop** · 19-06-2003

**hostcost.com** · 19-06-2003

رد مقتبس من العاني اليماني

ان كل شئ ممكن يصير !! (( الهارديسك يحترق ، السيرفر يخترق ...إلخ ))

.....

**saudi4host** · 19-06-2003

رد مقتبس من hostcost.com
.....

كلام العاني واقعي
مافي شي يضحك
لو احترق معك هاردسك الباك اب وهاردسك الاستضافه
شنهو بتعمل ؟
لاحول ولا قوة الا بالله

**Arabs4host.net** · 19-06-2003

مداح نفسه يباله رفسه
ههههههههههههههههههههههههههههه

**شبكه مرهف** · 19-06-2003

رد مقتبس من العاني اليماني
وطبعاً مو يعني هالكلام اني اترك السيرفر بحماية ربي

استغفر اخوي من الالفاظ الشركيه ,,, لايجوز اللفظ هذا

فالانسان بين اصابع الرحمن والاعمال على بركه الله

(( قل لن يصيبنا الا ماكتب لنا ))

اشكرك اخوي

**العاني اليماني** · 19-06-2003

اخوي ... شقاعد تقول انت ؟؟

انا ما قصدت شئ!!!

انا كل الي قصدته .. وياريت تفهم قصدي

انك ما تترك السيرفر كذا بدون حماية !!!!!!!!

وبحماية ربي ... ما قصدت بها شئ !!!

ولو تبي تكبر السالفة .. تعالي وانا اكبرها لك مترين!!

استغفر اخوي من الالفاظ الشركيه

لا تعال وقول انا كافر بعد !!!!؟!؟!

**أرطبون** · 19-06-2003

أكيد أخي العاني .. انت ما تقصد ..

لكــن اللفظ غلط ..

فالله هو اللي يحمي .. ولكن عليك انت تعمل بالأسبــاب

.. آسف على اللقافة .. لكن كلمة حق

... أخي أبو عليوهـ , كلامك صحيح
<------ بدري

و أيضــا كلام الأخ saudi4host عيــن الصواب

تحيـــ"t"ـــــــا

**hostcost.com** · 20-06-2003

رد مقتبس من saudi4host

لو احترق معك هاردسك الباك اب وهاردسك الاستضافه
شنهو بتعمل ؟

ادري انه واقعي وغير مستبعد ابداً !
وبالنسبة لي شنو بتسوي!!
بقولك بضرب راسي في الطوف

!!

الموضوع: مادح نفسه كذاب .. مجرد نصيحــــة

أدوات الموضوع

بحث في الموضوع