كان يا مكان..شركة استضافه..وآ÷ على هالزمان

[arabs-hosting]

اخوي طبعا يختلف تعامل شركه إلى اخرى


ولكن اغلب الشركات

تقوم بالاتصال بالعميل عند وصول معدل نقل البيانات إلى مايقارب الخط الاحمر

وتقوم بسائله هل تقوم بأغلاق الموقع!!!!!!!!!!!!

او تعرض عليه زيادة في حجم النقل مقابل مبلغ معين.

تحياتي

[Ibtekarat]

ممممممم ..الأسلوب ..كلمة جيدة و جميلة ..

لكن يبقى ان الموضوع اولا و أخيرا تجاري ..ما دام الشخص ملتزم بما له و ما عليه .. و يقدم ما هو متفق عليه بالأساس ..لا أعتقد ان يكون هناك اي مشاكل ..

إلا إذا كان الزبون جاهل .. و لا يعرف معنى العمل و التعامل ...

ما هو متعارف عليه في هذا الموضوع هو التالي:

ان تقوم بشراء الخطة المطلوبة ...
و اذا اقتربت من استهلاك كمية البينات المحددة لك تقوم الشركة بتبليغك ..
1- و تبقى حسب الإتفاقية .. اما ان تقوم الشركة بحساب تكلفة كمية البيانات المستهلكة تلقائيا .. و ارسال فاتورة بالمبلغ ... و في أغلب الأحيان دون العودة لصاحب الموقع ...
2- او اغلاق الموقع مباشرة إذا لم يتم الحصول على اي نقطة رد من صاحب الموقع "العميل"

لا أعتقد ان الموضوع فيه مجاملات أو اكراميات ..على كل حال هذا رأي شخصي ... و إن كان هناك اشخاص كرماء .. و يريدون اعطاءك ما يملكون و ما لا يملكون ..فهذا لا يضر ..لكن الأساسيات مهمة ..

أرجو ان تكون وصلت لك الرسالة ..

مع الشكر و الاعتذار ..

[dxb]

شكرا مجددا للتفاعل

التجاره تجاره اسلوب تتبناه الشركات العربيه بقوه...دون ان تترك ولو هامش من حسن التعامل

هذا ما يريد احد الاخوه ايصاله لنا من خلال رده

ــــــــــــــ
عموما
المسأله تقودنا الى اكبر من كونها سحادثه جرت بين شركة استضافه وبين عميل
تقودنا الى قضية عدم وجود اتفاقيات تعاون عند اغلب المستظيفين العرب
فحين تتبارى مثل تلك المواقع في الدعايات والعروض وابراز خطط الإستضافه تتجاهل اغلبها وضع وصله الى قوانين تلك الشركه وشروطها
ولو كانت موجوده فهي مجرد ملف لم يتطور الى صيغة العقد
فهذا الملف يمكن ان يغيره صاحب الموقع في اي لحظه ويشحوه بالتعديلات التي تناسبه
فحين ان مثل تلك الشروط يجب ان تكون مدونه في سجلات تجاريه وعقود قانويه
ــــــــــ
واعتقد من الأساس ان اغلب الشركات العربيه لا تملك تراخيص عمل في هذا الحقل

[seeker2002]

أخي dxb المشكلة مب معاك فقط أنا صدفتني المشكلة نفسة مع الشركة 0000
و أن شاء الله في الوقت القريب بانقل موقع من 000:anger2: الى p4host

أفضل منهم 100%

تحياتي للجميع

[dxb]

seeker2002
الله يعينك ياخوي
وبالتوفيق من الشركه الجديده

شو نسوي هذي ظريبه السوق الغير منظم

الله المستعان

[Ibtekarat]

صحيح و الله ..الله بعينكم ..

و بالنسبة لما كنت اقصده ..فلم اقصد ما فسره حضرة جنابك ...اقرأ الرد مرة ثانية .. و افهم المقصود ..

سلامات

[dxb]

اهلين اخ ابتكارات
قرأت مره ثانيه عشان خاطرك
طبعا لم اجد اي جديد
موقفك واضح يا اخي
وانا اعذرك فيه
ولكنني لا ارغم نفسي بالإقتناع....
اعتقد انك تتخذ دور الدفاع لان لك صله من هنا او هناك بشركات الإستضافه

وفي نفس الوقت انا لا اتحدث بإسم العملاء بقدر ما هو طلب ورجاء بتنظيم اسواق الإستضافه

على كل حال تسلم ايدك على ردودك البنائه

[Ibtekarat]

على الرحب و السعة ..

[EmiDes.Com]

السلام عليكم ورحمة الله وبركاته


أولا السموحه لأني ما شفت الموضوع إلا الحين.

يا أخ ( dxb )

إنت الحين إتهمتني وقلت الي عندك لكن والله العظيم إنك كذبت في أكثر من شي وأخفيت أكثر من شي ..... ممكن أعرف ليش أو كان قصدك إظهار صورة بشعه عني وعن معاملاتي مع العملاء.. أنا والحمد لله ماقد حد إشتكى مني لين ألحين وأعامل العملاء كأخوان وليس عملاء.

أنا ألحين بتكلم بكل صدق مش مثلك وعلى جميع الأخوان الي ردوا على موضوعك يعيدون الرد مرة ثانية وأطلب منهم إذا شافوا موضوع نفس هذا ما يردون إلا إذا شافوا رد المتهم (صاحب الإستضافة).

أولاً:::::::

بخصوص الترافيك إنت كنت كل شهر تتعدى الترافيك بكثير وأنا كنت أتقاضى هذا الشي وبعدين الي قالك إن الترافيك ما ياخذ شي.. هذا كلام خطأ أنا كنت ماخذ ريسلر من venturesonline.com والكثير من الشباب هني يعرفونها هذي شركة ما ترحم الترافيك بفلوس الباك أب بفلوس كل شي بفلوس.... أنا دفعت لك من جيبي آخر مره يوم طوفت الترافيك ... ولا وقفت موقعك وثاني مرة بعد كررت نفس العملية مع إني كلمتك وخبرتك في هذي اللحظه أنا وقفت الموقع وطالبتك بفلوسي الي هي من حقي ..... دفعت لي الفلوس وشغلت الموقع وجيت بعد فترة وتعديت الترافيك وأنا أعرف إنه موقعك فيه منتدى وما أبغي لك الكلام من أعضائك.
ثانياً :::::::::
الإستضافة الي إنت ماخذها بدأت من تاريخ 20/12/2003 لمدة سنه أي 20/12/2004 وأنا كلمتك بخصوصها بتاريخ 25/12/2004 أي بعد 5 أيام من إنتهاءها يعني أنا فيني خير وما سكرت موقعك تروح وتقول إنه باقي 20 يوم ياخي مافيه داعي للكذب روح وحط الإيميل الي أنا أرسلته لك أول ما إستضفت عندي ( حطه بدون تعديل أي شي فيه وخل عندك ذمة ) .............. وبتشوف متى تبدأ وتنتهي الاستضافة.. وبعدين في لوحة التحكم WHM للمواقع تاريخ بداية الخطة هو 20/12/2003 .... قولي كيف أقدر أتلاعب في هذا الشي.
ثالثاً:::::
إنت قلت إني سألتك وقلت (وبعدين انت يوم تبا تنقل ليش ما خبرتني ...) ياخي حرام عليك والله تكذب والله حرام.
رابعاً::::::::
ألحين أنا بقول لك وللأعضاء في سوالف أنا وش سويت لك يا ناكر الجميل.
إنت كنت ماخذ الخطة V200 ولكن عند الإنتقال للسيرفر الجديد رفعتك إلا V350 بدون ما آخذ منك أي فلس مش عيب عليك تجازي الإحسان بالنكران.

في الأخير يا أعضاء سوالف الذين ردوا على الموضوع أرجوا أنكم تقرأون ردي ومن ثم تردون بالرد الصحيح.


وفي الختام أقولها بأعلى صوت (( خير تفعل شراً تلقى ))

والسلام عليكم ورحمة الله وبركاته


أخوكم :: عامر الصيعري

[wld_el_3z]

رد مقتبس من al3inguy


بخصوص الترافيك إنت كنت كل شهر تتعدى الترافيك بكثير وأنا كنت أتقاضى هذا الشي وبعدين الي قالك إن الترافيك ما ياخذ شي.. هذا كلام خطأ أنا كنت ماخذ ريسلر من venturesonline.com والكثير من الشباب هني يعرفونها هذي شركة ما ترحم الترافيك بفلوس الباك أب بفلوس كل شي بفلوس.... أنا دفعت لك من جيبي آخر مره يوم طوفت الترافيك ... ولا وقفت موقعك وثاني مرة بعد كررت نفس العملية مع إني كلمتك وخبرتك في هذي اللحظه أنا وقفت الموقع وطالبتك بفلوسي الي هي من حقي ..... دفعت لي الفلوس وشغلت الموقع وجيت بعد فترة وتعديت الترافيك وأنا أعرف إنه موقعك فيه منتدى وما أبغي لك الكلام من أعضائك.

dxb
انت كذبت في أكثر من شي وأخفيت أكثر من شي :anger2: :anger1: :anger2:

[dxb]

^_^
السلام عليكم
والله شي متوقع كلامك
اكيد
الغرقان يتعلق بقشه لكي ينجوا
عزيزي انا ترفعت عن كلمات مثل كذاب وغيره
ولكن يبدوا انك تستسيغ هذه الكلمه لانك احد ممارسي هذه الهوايه

اولا انا لم ادفع لك قط اي فلس عن لترافيك
فكيف تقول اني دفعت لك مره وبعدين رفضت ادفع
ثانيا بالنسبه للإستضافه يا عزيزي لو كان بالك مشغول هالكثر انصحك تاخذ اجازه وفتره استجمام
لاني انا اول ماخذت الإستضافه من عندك دفعت لك عن شهر واحد على سبيل التجربه
وبعدين رحت وسجلت سنه إضافيه ودفعت عن السنه
يعني المجموع 13 شهر
لكن حضرتك وبعمليه حسابيه عجيبه حولت 1+12=11
ما ادري من اي مدرسه متخرج

بعدين اي معروف اللي انكرته انا
نعم انت لما انتقلت من السيرفر اللي كان اوكي للسيرفر اللي لعوزنا
حولت جميع خطط 200 الى 350
تدري ليش
لانه ما كان في خطط 200
مجبر اخاك لا بطل...ولا طلبتها ولا استفدت منها اصلا

وانا موقعي فيه منتدى وبس
يا جماعه بالعقل منتدى عدد الداخلين يوميا 30 كيف بيتجاوز 10 جيجا
عموما لم يكن هناك اي تحذير إلأا المره اللي طلب مني فيها دفع مئة دولار
والطلب جاء بعد اغلاق الموقع
اقسم بالله العظيم ان ما اقوله صحيح
رغم ان القسم ليس بلعبه مثل ما يسوي بعض الاخوه
ولكن لان البعض لا يصدق إلأا إذا صفينا الأقسام

وانا لم اضع الموضوع لتشويه سمعتك
عملائك ادرى بك
والله اعلم ان من خدعوا فيك في البدايه تركوك ولست وحدي واعتقد هالشي ان تيقنه جيدا بينك وبين
ــــــــ
ولا تحلف انك ما قلت يوم انك تبا تنقل ليش ما تخبرني انت عندك عيال
خاف ربك
والله العظيم انك قلت هالجمله
ــــــــــــ
وبعدين عزيزي كل الصيانه والخدمات اللي تؤديها ان مجبر بها وليست جمائل
ليش مب قادر تستوعب هالشي
العملاء يدفعون لك ....
ان لا تتبرع بخدمتهم
واذا كانت ظروفك لا تسمح لك ...فبلاش سيرفرات وتلعوز خلق الله
كلنا نقدر نحجز سيرفر وتقسيمه الى مواقع
ولكننا نخاف الله...ليش نوهق ناس ويانا دام انه الوقت لا يسمح لنا


دام انك اتهمتني بالكذب
فالله لا يسامحك
وانا توقعت هالشي منك
صدق المثل
قال لل**** قال جاك الفرج

[uaechat]

مع احترامي ل dxb

انت تطلع كلام من راسك والله العظيم

امارات هوست نصيحتي لك شو على السحاب من نباح الكلاب مع احتارمي لdxb

dxb لو بتقول الصدق ولا بتزيد من عندك كنا صدقنا كلامك


امارات هوس مثل هذيل الناس بس غرضهم انهم يشوهون سمعة الاستضافات

وبعدين باقولك يا dxb كيف تقول انه وقف موقعك اكثر من مره

بلا جذاب والله الجذب حرام

ويمكن عندك شي عادي ما يندرى

[dxb]

^_^
السلام عليكم
جات الامارات
انا مب موصخ لساني وياك
واذا اللي عندك في البيت ما قدروا يربونك وهم وياك في البيت
انا اكيد ما بقدر عن طريق النت....

بعدين ياليت قلت كلام او نفعتنا بشي
انت جمله صحيحه على بعضها ما يبت
شو تخربط وشو دخلك وشو دراك باللي صار بيني وبينه ولا انت من نوعيته
وبعدين اقرا زين انا ما قلت انه وقف موقعي اكثر من مره ...لا تألف من عندك
وبعدين يا بو العريف التطبيق العملي خير دليل
واسأل حبيبك كم عميل طلع عنه خلال فترة التجديدات الحاليه
وتدري شي
فرحتني يوم رديت هالرد ولا يحلف هههههه ياخي الف كلام احلى شوي
صدق ماشي اسلوب..باين من ردك انه شغل شليله وعيني بعاونك..
لها الدرجه واثق فيه يعني ...شكلكم اكثر من اخوان
وقوفك مع اي شخص في هالمنتدى دليل على خطأ هذا الشخص
سير طالع ردودك في منتدى سوالف كلها تجاوزات وقلة ادب وكلام ينم عن شخصيه سطحيه ان لم يكن انعدام شخصيه من الأساس
اترك الكره في ملعب مشرفي منتدى سوالف
للتصرف مع امثالك
واعتذر مسبقا لإدارة سوالف عن هذا الرد وانما هو ردة فعل طبيعيه لما ورد اعلاه

مشكله حين يصبح المرتزقه ارباب عمل

ووالله يعز لجلاب عنك... ولا كنت بعكس المثل عليك

[uaechat]

الصراحه تزعل يا dxb

وانا ما قلت شي خطأ ثاني شي

ماحد مشتكي من استضافة امارات هوس الا انت

سبحان الله

وبعدين ليش زعلان انا ما قلت شي

بس ظربت مثل

الصراحه ضحكتني


اتمنى من المشرفين حذف المواضيع الي تكتبها اشكالك

بقولك انت بتتحاسب مب الحين في يوم القيامة على جذبتك

تدري ليش انا مع امارات هوس

ما بنسى الوقفه الي وقفها معاي

يوم راعي الاستضافه الي كنت فيها غير الباسوردات ونصب علي

شوف فعل امارات هوس قالي خذ هذي المساحه وعدل امورك وبعدين ( مجاااااااااااااانا )

وبعدين كلامك ما يدخل عقل

وفوق هذا الاختراع في الجذب وزيادة الكلام مثل الحريم




جذاب محترف بعد ماشالله عليك

[uaechat]

سير طالع ردود في سوالف كلها تجاوزات وقلت ادب

ماشالله عليك اخترع والف في الكلام

شرايك تشهد زور بعد في المحاكم مقابل مساحه

مع احترامي للمشرفين