للأسف نفتقد ثقه العرب ونكسب ثقه الغرب

[arabihost.com]

السلام عليكم ورحمة الله وبركاته

أخواني أعضاء سوالف

أكتب هذا الموضوع لما أراة متكرر و يتطور بشكل روتوني بيننا نحن العرب

نحن نفقد الثقه في أخواننا المسلمين العرب في أمورر الأستضافة

ونكسب الثقه بشكل أكبر في أخواننا الغرب

يمكن أحد يجي ويرد ويقول لماذا تفضل الأستضافات الأجنبية على

العربية !!!!!

أول حاجة العربي أو باللغه أخرى (( أخوي المسلم )) اللي أعتبره مني و فيني

غير صريح مع عملائه من ما يواجهه من مشاكل في السيرفر أو الأستضافة

عكس الأجنبي :anger2:

صحيح لا قالوااا وأنتو بكرامة الكلب وفي

إذا صار عنده بالسيرفر شئ ولا حاجة تحصلة يرسل لك على الأميل

ويحاول أنه يرسم لك المشكلة وبالتفصيل الممل

ولا فوق كل هذا يعطيك مدة كا حد أقصى للنهاية جميع المشاكل ؟؟؟

أما العربي أو أخونا في الله

تتصل عليه يا محووول جوال ولا قاطع جوالة الخخخخخخ؟؟؟

ولو تلاحظوون أكثر أخوننا العرب والمسلمين ينتقلووون إلى الأستضافات

والشركات الأجنبية

والسبب معروووووووووووف

ما أقول إلا

رحمتك يارب !!!!

[Help For You]

اخوى العزيز
مو عشان شركه او اثنين تحكم على العرب كلهم
صوابع يدك مو زى بعضها
تحياتى لك

[tariq99]

رد مقتبس من Help For You
اخوى العزيز
مو عشان شركه او اثنين تحكم على العرب كلهم
صوابع يدك مو زى بعضها
تحياتى لك

--------------------
www.palcost.com
ماسنجر الدعم الفني
support@palcost.com

[Zeero^^c0o0l]

رد مقتبس من Help For You
اخوى العزيز
مو عشان شركه او اثنين تحكم على العرب كلهم
صوابع يدك مو زى بعضها
تحياتى لك

[شبكة عبير الشوق]

هذولي الي تتكلم عنهم !
يا اصحاب ريسلر ولا ناس ما يخافون ربهم ولا واحد راسم خطة عمله انه يستلم المبلغ ويعبي السيرفر كامل او الريسلر ويقول مع السلامه

[design4host]

الغالي مثل ما قالوا الاخوان ... اصابع اليد مو مثل بعض .. وانا مثلا من خدماتي في استضافتي انه اذا استوت مشكله في الموقع وتوقف لا سمح الله مع انه هالشي ما يستوي الا اذا ساعه بالسنه اعطيه شهر مجاني واذا ما عجبه الوضع ارسل له المبلغ طبعا مقتطعا منه سعر المده

وصدقني عندك اكثر من واحد في المنتدى ما ابغي احدد اساميهم لانهم صدق بمعنى الكلمه انهم رجال في وقت الشدايد .. وفي ايضا في المنتدى اللي يشتكون منهم باستمرار وبمعنى ثاني ما يخافون ربهم :anger1: :anger2: :anger1:

لكن ما اقدر اقول الا الله يوفقك ان شاء الله على السيرفر الممتاز من كل النواحي .. واتمنى لو تقول لنا من الشخص علشان ما نتعامل معاه ويستاهل الفضيحه على اللي سواه فيك :anger1: :anger2:

[MANTEK]

خوينا قام رائق ومفيق على الاخر وشرب فنجان حليب وشايف العصفير على الشجر والحياة حلوة طيب ليش ما يسوي شركة استظافة وتكمل الحلاوة

بسيطة كم يعني بيكلف السرفر والشغلة كلها وش بدها عادي

بس في مشكل انو ما يعرف شي في السرفرات
عاد الا المستظفين عارفين
سوي زي الناس وما بيقصرون اعظاء سوالف
رح ضف لك كم واحد في الماسينجر واجلس غثهم كل شوي لين تتعلم
وبعدين مافي شي صار صعب الله يبارك في المسبار وعجيب

يروح ابو الحبيب يدور شركة رخيصة والرخيص مخيس
لانو مافي شيء احلا من احلام الثروة والواحد برضه يصير مهم شوي
وهو برضه يبغى يحسبها علشان ما يطلع خسران
شركة وموظفين يعني يعني لازم لها ميزانية وحركات من هذه

بس هو ماعنده بطاقة

الو اخوي وصديقي تفكا عطني بطاقتك ابغاها اسوي عملية مهمة وراح اعطيك الفلوس لمن اقابلك

يستاجر سيرفر مشي حالك وعلى طول يروح على الدريم ويفر والا الفرونت بيج يصمم صفحة العروض اهم شيء صفحة العروض تطلع زينة وياليت كم كلمة انقليزي علشان يكمل الشغل ، بس وش راح اكتب ؟
تدري خلنا نروح نشوف االمنافسين وش هم كاتبين ونكتب زيهم
ويحط خوينا المواصفات وهو ماهو داري وين الله حاطه فيه
اهم شيء الدعم، بسيطة
جوال وتلفون بيت وبريد وماسينجر ياهو والهتميل
دعم 24 في 7
وليش 7
خلها ياولد 365 شيء جديد
وممكن الاتصال عبر القمر الصناعي ونظام VXR

معقول موقع حاف خلنا نحط فيه صورة بنية خواجبية جالسة جنب السرفر تهوي عليه والا واحد خواجة مبقق عيونه يعني يعني انه جالس يراقب السرفر

طيب وين هو الزبون
عاد هذه امرها سهل
الله يخلي سوالف والضعيفين فيها

بعد كم يوم في الماسينجر
قام فلان باضافتك الى قائمة الاتصال اليه ودك وإلا ما ودك
ودي طبعاً
السلام عليكم اخوي
هلا ومراحب
اخوي بدي استظيف موقعي عندك
هلا بيك وبموقعك
بس بسال عن الدعم وشركتكم
اخوي عندنا الدعم 24 في 365
وش هو 365
اخوي لا تشغل بالك دعمنا سنوي في اي وقت تلقانا ولا يهمك
بس قولي انت حولت المبلغ
اي نعم حولته دوبي
خلاص انا راح ارسلك المعلومات لمن توصل الفلوس
علشان ما انسى لو تبغى حول مبلغ سنة ثانية واعطيك خصم 5%
والله
من جد
مشكور حبيبي هذه هي الاستظافة العربية اللي تشرف وترفع الراس
بعدك ما شفت شيء ( غرور )

زبون اثنين ثلاثة عشرة
شوي شوي بدت تجي اخبار البنك والفلوس الايداع ياسلام سلملم
والله حلوة شغلة الاستظافة هذه


كل شوي يدق الجوال
الو فلان
هلا والله
اخوي انا عندك في الاستظافة بس عندي مشكلة في المنتدى
ولا يهمك اخوي وش هي المشكلة
.....

لا لا عادي ذلحين اصلحها لك


شوي ويدق الجوال من واحد ثاني
الو فلان
هلا والله
اخوي انا عندك في الاستظافة بس عندي مشكلة في السي جي اي
مافهمت عليك
اقولك مشكلة في السي جي اي
وشبها
ما تشتغل
وووو ....
طيب سيبني شوية وراح اصلحها لك

خوينا جالس يفكر وش هي مشكلة الس جي اي
والله مدري وشهي
ياولد خش على السيرفر ودور حاجة فيها سي جي اي بلكن تلقى حاجة ينظغط عليها والا اش
دخل ودور ما عرف
عادي ادور لي واحد واسطة في سوالف واسجل باسم محد يعرفني فيه واسوي نفسي غشيم واحط سؤال عن السي جي والشباب هناك ما بيقصرو

سجل خوينا في سوالف وحط سؤاله وجاه الجواب في لحظتها
دخل الماسينجر بقلب جامد وثق من نفسه دور على الضعيف ما لقاه
عاد لازم يكشخ دق عليه جوال
هلا اخوي
ترانا صلحنا مشكلتك بطلوع الروح وجبنا خبراء من امريكا وكندا واستراليا، وتراى الخدمة هذه كان مفروض انها تكون بفلوس بس عاد احنا نحب ما نثقل
ما تقصرون انتم والموظفين تبعكم


شوي ويدق الجوال من واحد ثاني
الو فلان
هلا والله
اخوي انا عندك في الاستظافة بس عندي مشكلة المجلة
ولا يهمك اخوي وش هي المشكلة
.....


:anger2:



شوي ويدق الجوال من واحد ثاني
الو فلان
هلا والله
اخوي انا عندك في الاستظافة بس عندي مشكلة
ولا يهمك اخوي وش هي المشكلة
.....

لا لا عادي ذلحين اصلحها لك

شوي ويدق الجوال من واحد ثاني
الو فلان
هلا والله :anger2:
اخوي انا عندك في الاستظافة بس عندي مشكلة
ولا يهمك اخوي وش هي المشكلة
.....

طيب وش تبغاني اسويلك :anger1:
كيف وش تسويلي مو انت المستظيف ودافعين لك فلوس
اللي يسمعك يقول دافع فلوس من جد
افا وش قصدك
ما قصدي شي


ططططططط
الو الو
الو

ان الهاتف لا يمكن الاتصال به الان


في الماسينجر
هلا
هلا
اخوي انا اللي كنت اكلمك على الجوال وعندي مشكلة في الموقع
وينك ياخوي
لحظة

لحظة

هلا معي زبون جديد

لحظة




لحظة

اخوي ويننك
تكفا حل المشكلة بسرعة
اي مشكلة
كيف اي مشكلة المشكلة اللي كلمتك عليها في الجوال
منو انت
انا موقعي اللي اسمه ممتاز
اسمح لي جاني ظيف بعدين نتكلم
بسسس
قد لا تتلقى رد من المستظيف بسبب عدم الاتصال


الاولاد يجرون على ابوهم يصحونه من النوم
يبه يبه واحد يبغاك على الجوال
قولوه مين
يقولك انه عنده مشكلة في الموقع
قولوه نائم
يقولك كلمة ظروري علشان موقعه متعطل من 10 ايام
اعوذ بالله
ما قلتلكم قولوه نائم
والله لو تجون تكلموني مرة ثانية لاعلقكم في المروحة

المرة تدش عليه في غرفة النوم
يابو فلان رد على العالم جالسين يتصلون فيك
سيبيهم ما عندهم سالفة
غثوني الله يغثهم
طيب وش الحل
خليهم يدقوا واصلا انا ما سددت الفاتورة وبكرة راح يقطعوا الحرارة ونفتك
هالاودام مساكين
زين انطمي احسن لك وش دخلك انت


المستظيف جالس يفكر
اعوذ بالله وش هذي الناس المغثة كنهم ماقد شافو مواقع
طيب وش اسويلهم حتى نوم ما اقدر ارقد كل شوي والا داقين على جوالي
هم يخربون وانا اصلح كني وكيل ادم على ذريته
ياولد وش اللي غاثك ودازك على هالبلا واشلك واشل الاستظافة
كنسل الموظوع احسن لك
طيب والأوادم للي دافعين فلوس وش راح تسويلهم
السواة سواة الله وش في يدك تسوي لهم يعني خلهم وهم راح يطفشون ويدورو على شركة ثانية
بس ما راح يعجبهم الوضع وراح يشوهون صورتك في سوالف
خلهم يشوهونها
عادي
بكرة لو بغيت اسوي شركة ثانية سويتها وغيرت الاسم

[Help For You]

دا انتم متعقدين على الاخر
الله اكبر

[شفاف]

كنسل الموظوع احسن لك

صياغه ققصيه حلوه لكن كلمة الموظوع خطأ تكتب الموضوع

بقولكم شي بس لا تعلمون احد

العربيه ثمنها غالي مرره .. يعني انا استاجرت مساحه موقع بقيمه 100$ لقيت مواصفات نفس مواصفات المساحه المستأجره .. ولكنها بعيون عربيه (موب عنوان موقع هذي نكته ) لقيته بقيمه 5000 ريال .. :anger2:
خفت بصراحه .. قلت الظاهر انه المساحه المستأجره اللي انا ماخذها كلكيشن :con2: ( يعني خرطي)

بس بعدين لقيت ان المستضيف اللي انا حجزت موقعي عندهم فيه دعم 25 ساعه :nice: صح بالأسبوعين يصير داون ولكن دعم متواصل .. اهم شي الدعم
الله لا يحرمنا من الدعم .. وش حنا بلا الدعم
ربنا توفق الدعم .. يالدعم روووح ياشيخ الله يفتحها بوشك

امزح بس حبيت اقول ان الاستضافات العربيه فيها الزين وفيها الشين ولكن نبي استضافه عالميه عربيه تكون موثوقه ماينخاف منها لا من ناحيه دعم ولا من ناحيه شي ثاني ..

واحد من حقين الإستضافات العربيه اضفته بالماسنجر وجلست انا واياه شهرين .. ودايم مشغول يابن الحلال ابي استضيف .. ابعطيك فلوس .. مابي دعم بس رد .. مفتاحي طايح عندكم .. ياهوه .. والله ماكني أخلق .. كلها بشهرين وانا ابي احجز أجل لو حجزت وش يبي يصير ؟؟
بالنهايه قررت مقاطعته مع العلم اني سويت حظر حذف ـ اللي هذا اولها ينعاف تاليها ـ

ونبي كلام جدي علشان نوثق وننقل مواقعنا عندهم ويستفيدون كإخوان لنا ونستفيد انه بإيدي عربيه ..

مغ اطيب التحيه ..

[أبو مبدع]

عربي هوست شيك على هذا الموضوع

http://www.swalif.net/softs/showthre...threadid=69445

[Help For You]

:funny:

[ABOSALEH]

احياناً ما تثق بشبكة استضافة
لأنها غير معروفة او جديده
لاكن الاجنبي ما راح تدوره الا اذا كان مشهور
واذا هو مشهور اكيد موثوق
اتمنى وضوح الفكره

[Help For You]

:anger2: :anger1: وين اراء اصحاب شركات الاستضافه بسوالف وينكم ياشباب
فضحتونا :funny:

[يونكس]

MANTEK

من جد صادق (((بعض))) الناس يضيفونك و يغثون دين اهلك

و بعد ما تساعدهم و خلاص يعطونك بلوك :funny: و اذا صارت مشكلة بالسيرفر و الا شي ينفتح البلوك بسرعة البرق :funny:

يونكس

[tariq99]

ههههههههههه يونكس صادق والله

:funny:





----------------------------
www.palcost.com
ماسنجر الدعم الفوري

support@palcost.com