تحذير من التعرض لسرقات البطاقات الائتمانيه

[hasrol]

ياجماعة الخير

القصه وما فيها

اني اعرف واحد من اولاد الحرام الهكر المضرين بالمجتمع العربي


وقد قام بسرقه بيانات 50 الف فيرا و 100الف ماستركارد

من مواقع عربيه :anger2: :anger2: :anger2:

يعني اصلا ولو كان بعضها لاجانب كفار فبرضه حرام

والان يبغى يحو ل مبالغ من كل فيزا الى حساب سري له

فالرجاء منكم المساعده على طريقه التبليغ على هذا المحتال
علما انه لدي 3 دلائل ضده وكل دليل يثبت ادانته بالموضوع

والي زاد قهري انه عرض بيانات فيزتي علي وسرق منها 300 ريال :anger2: :anger2: الله لايوفقه دنيا ولا اخره ويحرقه بنار جهنم

فالرجاء كل الرجاء منك مساعدتي فقط باسم الجهة المختصه بهذه السرقات
الاف بي اي او الانتربول

وساقومبالادلاء بالشخص

علما ان لدي كافه المعلومات عنه

لانه كان صديق لي ولاكن بعد هذه الحركه كرهته وكرهت الي خلفه حسبي الله عليهم كلهم اولاد حرام

وارجو منكم ايضا سحب كافه المبالغ من بطاقاتكم الائتمانيه تحسبا لسرقات هذا المحتال


شكرا لكم

[Mr.Muslem]

أحس إنه قرار سياسي حلوه الحركة

[hasrol]

معليش اخي مستر مسلم
الرجاء منك ومن غيرك من الشباب اخذ الموضوع بجديه اكبر لانه زي ماذكرت ترا الولد ابن حرام

وراح يسرق فيزات لمسلمين وعرب

يعني اذا كان عندك معلومات حول الموضوع اكتبها وراح اخذها بعين الاعتبار


شكر لك

[Tender_Heart]

عزيزي أي بنك يصدر بطاقات ائتمان يعطيك أكثر من شهر لكي توقف أي دفعه ماليه و يعيدها لك و بالتالي لو تشتكلي عليه بالمعامله اللي سرق فيها فلوسك و استخدم بطاقتك ثاني يوم بتلاقي الشرطه عند باب بيته

[hasrol]

والله كلام يا اخ تيندير هارت

لاني بلغت البنك ولا وبعد اخوي واسطه في البنك ولا رجعولي ولا ريال

وبالنسبه للشرطة

ههههههه

مابغا ابدا حش فيهم

هم على المرور ويالله العافيه

لانه مره رحتللقسم وابغا ابلغ عن نفس الشخص واخذت الادله وكل شي

كل ماروح قسم يقولي مو من اختصاصنا
الى مارحت عند واحد ابن حلال قالي
ياخوك ايش ربنا محملك اقول قم بس قم ماعندك احد

واكيد بعد المعامله الجيده والسريعه من الشرطه ماراح ارجع

بس سمعت بموقع الاف بي اي على الانترنت
ويمكن من خلاله التبليغ عن سرقات بطاقات الائتمان وخاصه اذا كانت فوق ال 10000 بطاقه فما بالك 100000

وانشاءالله نحاول

وربنا يقدم الي فيه النصيب

[mkman]

ما ودي اكسر مجاديفك لكن على طاري الشرطة

مره غاب عنا احد الزملاء وجاني اخوه اخر الليل مع مجموعة في سكن جامعة الملك سعود يستفسر ما شفت اخوي وقمنا ندور عليه اتصلنا بكل مستشفى والمرور والطورئ ماخلينا شي وكل واحد يقول ماسمعنا بهالاسم اخر شي قلنا نبلغ قسم الشرطة واللي هو قسم شرطة العليا بالرياض رحنا للقسم وبلغنا قال الضابط كم عمره قلنا 23 سنة قال 23 سنة وضايع ياعريف " عقيل" حطهم الحجز ؟؟؟؟؟؟؟؟؟؟؟؟؟؟؟؟؟؟؟

والله ويمسطوننا بالحجز لين قلنا ياخوي خوينا الله لا يرده مانبيه وترانا نمزح وخلنا نطلع بعدين قال تمزحون يعني ازعاج سلطات ؟؟؟؟؟؟؟؟؟؟؟؟

ورحنا فيها قضية :anger2: :anger2: :anger2: :anger2:

اخر شي بعد الترجي سمح لنا الضابط اننا ننقلع ولا نتعوده نجي القسم وحنا طالعين مسكنا الحارس قال من سمح لكم تطلعون قلنا الضابط قال وين ورقة الطلوع قلنا ما اعطانا ورقه مسكنا ورجعنا الحجز محاولة هروب !!!!!!!!!!!!!!!!!!!!!

قلنا ياخوان الضابط الفلاني سمح لنا جانا وقال انا ماسمحت لكم تطلعون وتكذبون علي بعد !!!!!!!!!!!!!!!!1

الله لا يعيد هاك الليلة طلعنا الصبح وكل واحد تافل العافيه وعلى طول سكن الجامعة وسحب سيفون على الجامعة هاك اليوم ويوم صحينا لقينا خوينا جاي من سجن الناصريه قاطع اشاره


اي دوله بها هالاشكال وتبي تتطور ياخوي لا شرطة ولا خرابيط قل بس يالله

الواحد اما ياخذ حقه بيده ولا يخلف الله

لو انا منك وماخذ منك فلوس وتعرفه والله لا اروح له والعن ابو سلسبيله لين يعرف الله حق ولا يصحي الا بالانعاش

:anger2: :anger2: :anger2: :anger2: :anger2:

[Tender_Heart]

:funny: :funny:
هههههههههههههه


على العموم أنا بطاقتي الحين صارت ماستر كرد و لغيت الفيزا أو بالأصح ما جددتها يعني بنام مرتاح شوي


بالنسبه لموضوع الشرطه صدقني يعتمد على الدوله و قوانينها و اعتمادها قانون الجريمة الإلكترونيه

[NET Passport]

اخوي بطاقة فيزا او ماستركارد من البنك الاهلي مسبوقة الدفع

لا تشحنها الا لما تبغى تشتري والحمد لله رب العالمين