البحث باستخدام قوقل داخل موقعك فقط .. كيف ؟

[Samir Al-Qaseer]

السلام عليكم
إخواني الكرام , وأنا أتصفح الإنترنت وجدت موقعاً وضع في أعلى صفحته الأولى خانة بحث , إذا قمت بكتابة أي كلمة للبحث عنها وبعد الضغط على بحث تفتح صفحة قوقل وقد أعطت نتائج البحث فقط في الموقع الذي قمنا بالبحث فيه .. لكي تتضح الصورة أكثر أدخل هذا الموقع :

http://www.videohelp.com

تجد في أعلاه الجملة التالية : بحث our entire site
وأسفل منها الخانة المخصصة لكتابة كلمة البحث , قم بالضغط على زر بحث بجانب خانة البحث ( بعد كتابة كلمة معينة ) ستجد أن قوقل فتحت وأعطت نتائج بحثك فقط في الموقع المخصص , حتى تلاحظ أنه موجود في القوقل خيار "ابحث في www.dvdrhelp.com"

فهل عند أحد طريقة عمل ذلك لمواقعنا ؟

وتحياتي .

[ابو مشعل]

http://www.google.com/searchcode.html


مع خالص التحية اخوي سمير . مع اني عتبان عليك تقطعنا فترة طويلة

[Samir Al-Qaseer]

الله يجزيك الخير أخي أبو مشعل على ردك ... واعذرني أخوي والله لأني انشغلت الفترات الماضية وحتى جهازي أصابه فيروسات مو فيروس واحد وقام مسح كل ملفاتي اللي تعادل أكثر من 120 جيجابايت , فتخيل عاد ايش بتكون حالة الشخص اللي فقد 120 جيجا وجمعهم مدة سنتين متواصلات , أنا ألحين كأني أبدأ من جديد لكن الحمد لله الآن الأمور طيبة ولا بأس بالإضافة أني شوي منشغل عن النت لأمور أخرى أهم ..

بالنسبة للوصلة اللي أضفتها في ردك مشكور مو هي اللي أقصدها , يمكن ما فهمت سؤالي مضبوط وقريت العنوان على السريع ومالاحظت مقصدي ...

قصدي أخوي لو تدخل الرابط اللي أنا وضعته في موضوعي , وهو أنك تسوي بحث في قوقل ويكون البحث فقط في صفحات موقعك أنت , يعني لما يعطيني نتايج البحث في صفحة قوقل تكون كل النتايج بس نتايج من صفحات موقعي ... وأنا وضعت مثال فوق لأحد المواقع مسوي هالحركة : والموقع كبير وعليه زحمة .

أتمنى سؤالي ألحين يكون أوضح شوي من قبل .

وتقبل تحياتي .

[ابو مشعل]

فاهم سؤال من البداية يا قمر
(Search our entire site ) مسوي نفس الطريقة اللي قلت لك . بس مغيرين في الفورم شوي . و مخلينه يبحث على طول داخل الموقع بدون ما يبحث في الانترنت كامل .
انت جربه و شف


اما الهارديسك . الله يعوضك بصراحة انها مصيبة . تصدق فيه فيروس في الديسك توب عندي له ثلاث سنين هههههههههههههههههههههه
<==== يحتريه يموت
المشكلة انه ولد حلال ذا الفيروس ما منه مشاكل . اسمه wired95 على ما اذكر .


تحياتي حبيب البي
اخوك
ابومشعل

[Samir Al-Qaseer]

مشكور على ردك أخوي بو مشعل ما قصرت ..

تدري ؟؟ ردك ذكرني بشغلة كنت أسويها زمان , وهي أني أشوف مصدر الصفحة وأقطه على الفرونت بيج وألقط الكود من هناك ( مسوي كأني اخترعت الذرة :funny: ) الصراحة شكلي شيبت بسبب الفيروسات ...

عموماً ألحين بسوي مقارنة بين كود الصفحة اللي أبغى مثلها وبين الكود اللي تفضلت أنت مشكور بإحالتي عليه :

كود الصفحة حقتي ( صارت حقتي ) :

<FORM name="form4" ACTION="http://www.google.com/search" METHOD="GET" target="_self">
<td width="53%" align="left" valign="middle" bgcolor="#EEEEEE"><input type="HIDDEN" name="domains" value="www.dvdrhelp.com">
<input type="HIDDEN" name="sitesearch" value="www.dvdrhelp.com">
<input type="HIDDEN" name="safe" value="off">
<input name="as_q" type="TEXT" style="height:18px;font-size:8pt;border-style:solid;border-width:1px;color:#000000;background-color:#FFFFFF;border-color:#BBBBBB;" value="" size="25" maxlength="255">
<input type="SUBMIT" value="بحث" name="SUBMIT" style="height:18px;border-style:solid;font-size:7pt;color:#000000;background-color:#DDDDDD;border-color:#BBBBBB;border-width: 1px;"></td>
</form>
نجي ألحين للكود حقك وش يقول :

<FORM method=GET action="http://www.google.com/search">
<TABLE bgcolor="#FFFFFF"><tr><td>
<A HREF="http://www.google.com/">
<IMG SRC="http://www.google.com/logos/Logo_40wht.gif" border="0" ALT="Google" align="absmiddle"></A>
<INPUT TYPE=text name=q size=31 maxlength=255 value="">
<INPUT TYPE=hidden name=hl value="en">
<INPUT type=submit name=btnG VALUE="Google بحث">
</td></tr></TABLE>
</FORM>

أوه تصدق فيهم تشابه ؟؟ ههههههه هو صحيح الكود مثله بس اللي بغيت أعرفه شلون يتم بحث داخل موقعه هو وحده , أتاري السالفة زايد عليها كم سطر وانتهت السالفة ..

مشكور بو مشعل ونردها لك بالأفراح :app:
-- ملحوظة هامة : ترا حاول تتخلص من فيروسك , لا تستهين به حتى لو صغيرون ونايم , باكر يصحى ويكبر ( الفضل لحليب نيدو ) ويصير شي مو في الحسبان لا قدر الله , إلحق عليه بـ بف باف
والشاعر يقول :
لا تحقرن صغيرة في مخاصمة *** إن البعوضة تدمي مقلة الأسد
وسلامتكم .

===========
شفت الصفحة صارت مترين لورا بسبب الكود قمت أعدلها , أنا ظنيت سالفة الكود تعدلت في سوالف أتاري حليمة مثل ما هي في عادتها القديمة :funny:

[أبـو خــــالــــد]

سلام عليكم
ممكن أخش عرض؟
-------
انا والله ماني مبرمج عليه الكلام ولكن اطقطق
بس ابي اوضح نقطة أظن المسألة شبيهه بجالب الأخبار اللي يتم تركيبه على النيوك
زي هنا
فواح
يعني يعرض التفاصيل على صفحات موقعك
تلاحظ انها نفس الفكره
مع ان موضوعك فعلا مهم
اذا وصلت لحل دق لنا بوري خلنا نعرف
------------
وبعض الناس يوم سوى موقع ماعطانا خبر مع اني مأكد عليه يخبرني :anger2:
اقل شي نقوم بالواجب ونحط موقعه من ضمن الاصدقاء عندنا:shy:
-------------------
اما الفايروس بتفهمني ياابو مشعل انك مافرمت جهازك من ثلاث سنين
اللي معك جهاز ولا مكينه بهندل؟
ماعجز هالجهاز؟:funny:
انا محرق مكينة السيدي رايتر احفظ اموري بسيديات
سلام عليكم

[Samir Al-Qaseer]

هلا والله بو خالد ..

أخوي بو خالد الحل خلاص عرفته , ونا كنت أحسب السالفة مثل جلب أخبار الجزيرة يعني برمجة PHP أو لغة ثانية أتاري السالفة أسهل مما كنت أتصور وهي بس كود HTML بسيط ينحط في الموقع , والكود أنا حطيته في ردي اللي فوق ردك , راجعه , بس تقوم تغير السطر حق عنوان الموقع وتخليه عنوان موقعك .

حتى أنا جهازي دام ثلاث سنوات بدون فورمات , لا وزيدك من الشعر بيت ما كنت مركب لا أنتي فيروس ولا جدران نارية , ولا كنت محتاط لليوم اللي تاكل الفيروسات هاردديسكي , والحمد لله مرت على خير وتعلمت درس ماراح أنساه .

تحياتي .

[ابو مشعل]

اخوي سمير .

تصدق شكلي ابتبرع لك ب40 جيجا من اللي عندي . تصدق اكتشفت اني انزل اشياء كثيرة من الانترنت و معدل استفادتي منها اقل من 10% . يعني عندي اكثر 3 جيجا سكريبتات . ما استفدت منها شئ . خاصة ان بعضها قديم جداً جداً .

رد مقتبس من أبـو خــــالــــد
سلام عليكم
ممكن أخش عرض؟
-------
انا والله ماني مبرمج عليه الكلام ولكن اطقطق
بس ابي اوضح نقطة أظن المسألة شبيهه بجالب الأخبار اللي يتم تركيبه على النيوك
زي هنا
فواح
يعني يعرض التفاصيل على صفحات موقعك
تلاحظ انها نفس الفكره
مع ان موضوعك فعلا مهم
اذا وصلت لحل دق لنا بوري خلنا نعرف
------------
وبعض الناس يوم سوى موقع ماعطانا خبر مع اني مأكد عليه يخبرني :anger2:
اقل شي نقوم بالواجب ونحط موقعه من ضمن الاصدقاء عندنا:shy:
-------------------
اما الفايروس بتفهمني ياابو مشعل انك مافرمت جهازك من ثلاث سنين
اللي معك جهاز ولا مكينه بهندل؟
ماعجز هالجهاز؟:funny:
انا محرق مكينة السيدي رايتر احفظ اموري بسيديات
سلام عليكم

يا هلا و غلا يا ابو خالد .
أجل مكينة هندل هههههههههههههههههههههههههههههههههههههههههههههههه

الفيروس مهوب في C في D .

بالنسبة للي بالي بالك . ابشر ان شاء الله . و فيه مفاجأة بعد .


مع التحية

[أبـو خــــالــــد]

فديت هالخشه والله تدري اني احب المفاجأت اللي مافيه ركب

<<<<<<<<<<<<<< وش قصدك؟:funny:

انتظرها على احر من القمر
قمر =جمر............ شف بسبب لهجه وين وصلت المعنى؟

[($)الإلكترون($)]

هلا أخوي

بس ماهو دقيق بالطريقة هذه

لأنه يبحث داخل القوقل الأنجليزي واذا الصفحة حقت موقعك فيها شرح عربي حلها علامات استفهام في نتائج البحث بالقوقل

انا جربته وسويت مثل ما قلت