إجبار المواقع للتحول لشركات الاستضافة السعودية قريباً!

[alotaiby]

المقد وراء كل الحكي هذا يا اخوان شئ واحد

مواقع الهنود الارهابين حقينا ,,

كلها مستضيفه عند شركات اجنبيه ,, والمصيبه الشركات هذي ما تدري ان مواقعها معاديه او تنشر مواضيع مخله بالقوانين الدوليه

عشان كذا ,,

لو كل مواقع السعودين مستضافه شركات سعودية
يسهل عليهم يجيبون راس راعي الموقع واذا عجزوا يمدحون راس راعي الشركه:funny:


كل هذا من اثار الاعمال الارهابيه بالرياض

الا لعنة الله عليهم ما ندري بكرى محد يقبل يستضيفنا ؟؟:anger1:

[alotaiby]

المقد وراء كل الحكي هذا يا اخوان شئ واحد

مواقع الهنود الارهابين حقينا ,,

كلها مستضيفه عند شركات اجنبيه ,, والمصيبه الشركات هذي ما تدري ان مواقعها معاديه او تنشر مواضيع مخله بالقوانين الدوليه

عشان كذا ,,

لو كل مواقع السعودين مستضافه شركات سعودية
يسهل عليهم يجيبون راس راعي الموقع واذا عجزوا يمدحون راس راعي الشركه:funny:


كل هذا من اثار الاعمال الارهابيه بالرياض

الا لعنة الله عليهم ما ندري بكرى محد يقبل يستضيفنا ؟؟:anger1:

[الجواد]

اصلا مافيه شي اسمه استضافة ولا الموظفين اللي بالبلدية ولا وزارة التجاره يعرفون شي اسمه استضافة ابداااااااا
:funny: :funny:

اصلآ هم يجبرونك تكذب عندما تفتح استضافه بترخيص بيع اجهزه

صدقت

[alnassaj]

أعوذ بالله من الأذى

يعني تشغيل العاطلين ما يصير إلا بقطع الأرزاق ؟؟

يا شيخ بفلوس البترول يقدروا يعملون كذا مصنع يشغل الناس ، بدل هالجبر و هالقهر

ايران تصنع السيارات و الشاحنات و الباصات ، و هي تصدر اقل من المملكة من النفط و عدد سكانها الجوعى أكبر من المملكة و تدفع تكاليف مفاعل نووي بعد ! لماذا لا تستثمر أموال النفط في الدول العربية في تنمية الصناعة ؟؟ لسه ما تسمع إلا بجبر و منع و ضغط

مساكين السعوديين شعب مجبور :funny:

[alm2sda]

رد مقتبس من alotaiby
كل هذا من اثار الاعمال الارهابيه بالرياض

الا لعنة الله عليهم ما ندري بكرى محد يقبل يستضيفنا ؟؟:anger1:

لا تقلق اخوي ابد لا تقلق
طالما انك معك فلوس تدفع رح تلاقي مين يستضيفك

لكن الحقيقه انك بكره ما رح تلاقي فلوس تدفعها اصلا بعد ما تعين امريكا نفسها وصي على نفط الحجاز بحجة ان العرب غير اهل لادارته كما حصل (من تحت لتحت) في العراق

[alfneon.com]

تحية طيبه لكم جميعاً ..

اتوقع الكثير فاهمين هالنقطة بشكل مختلف تماماً على حسب ما قريت من الردود الي طرحت في هذا الموضوع ..

على العموم نحن استفسرنا عن هذا الموضوع واتضح لنا بعض الامور الي كنا مش عارفين عنها وهي تتلخص في هدف معين وهي :

- حماية المستهلك ( المستضيف ) وحفظ الحقوق
- طرح انظمة وشروط موحده لجميع شركات الاستضافة السعوديه
- تكوين مسؤولية موحده وتكون الشركة المستضيفة هي الطرف المسؤول في حال الاخلال في الانظمة وعلى ذلك سوف يتم ابرام اتفاقية وتعهد بين هيءة الاتصالات وبين الشركة المستضيفة بوجود بعض الشروط مثل سجل تجاري مختص في خدمات الكمبيوتر ونظم المعلومات

والكثير من الانظمة الي نتوقع بتكون مناسبة جداً وبالعكس نحن ما نتصور ان هذي بتكون شي عكسي لنا خصوصاً لو كانت شركة الاستضافة لها سجل تجاري رسمي ونظام رسمي متبع..

تحياتي

[شــــــامل]

رد مقتبس من code4arab
هل يوجد أصلا شركات استضافة سعودية عشان يجبرون الواحد يستضيف عندها :funny:

:funny: ياشين اللي يتفلسف ولا يدري وين الله حاطه فيه

فيه شركات سعودية كثيرة في مجال الإستضافة ولها سجل تجاري ورسمية عند الدولة

اللي أنا اعرفهن 4 شركات ... وفيه غيرهن

[k8ncom]

رد مقتبس من fononhost
:funny: ياشين اللي يتفلسف ولا يدري وين الله حاطه فيه

فيه شركات سعودية كثيرة في مجال الإستضافة ولها سجل تجاري ورسمية عند الدولة

اللي أنا اعرفهن 4 شركات ... وفيه غيرهن

المقصود سجل مؤسسات استضافة

أنا ذهبت لوزارة التجارة وقالوا مافيه شيء اسمه كذا...

فكيف طلعت هذي الأربع شراكات بسجلات..؟؟!

[alfneon.com]

لا يوجد شي اسمة سجل تجاري مختص في استضافة المواقع ..
بل هو سجل موحد يشمل خدمات الكمبيوتر ونظم المعلومات والشبكات وتحت مسمى واحد وهو
(( خدمات الحاسب الآلي ))

[شبكة عبير الشوق]

هههههههههههههههههه ضحكتني والله ,,

قلهم بالمــــشمـــــــــــــــــــــــــــش

[BoO_SuLtAn]

السلام عليكم ورحمة الله وبركاته ...

والله مشكلة وقد تكون كـــارثة للعديد من المستضيفين السعودية فإذا قلنا بنحبيها:

تطلع سجل تجاري , مكتب للشركة , خط انترنت سريع او ABOVE NET مع انه غير موجود بالسعر الفلاني , موظفين ورواتبهم وووووووو الخ الخ ...

يطلع السعر :anger2: حتى لو تشترك بمن سيربح المليون وتفوز 10 مرات ما تكفيك ل3 سنوات :anger2:
اجل الشخص يجلس ببيتهم افضل له :anger2: ...

بس الله يعين ..


تحياتي لكم ..

اخـــوكم : راشـــد الكعبـــي

[صبي غامد]

(( وعسى ان تكرهوا شيئاً وهو خيرٌ لكم ))

[msaher]

انا قبل فترة قرأت مقال لكاتبة سعودية بس والله مو فاكر في اي جريدة
المهم كانت تعرض شكوي لصاحب مؤسسة سعودي كان يبي يفتح سجل تجاري
لشركة تقدم هالخدمة طبعا الاخوان جزاهم الله خير في الغرفة التجارية الظاهر
قالوا ماعندنا نشاط تحت هالمسمى نهائيا وعطنا مقفاك
وطبعا ومن ضمن الكلام اللي قاله ليه هم خايفين على اثير ونسمه يخسرون
لو صارت استضافة المواقع عندي ارخص

يعني مافي امل يسوون شيء زي كذا

ولا من اول ماسرق العالم موقع العرب اتوقع اللي صاحبه يمنى لاباراك الله فيه
كان من وقتها شافوا حل للمشكلة
وعرضوها على مجلس الشوري بدل ضقية حليب الام حقتهم مو اصرف :anger1:
بديت اخربها صح

[most wanted]

بسم الله الرحمن الرحيم

الاخوان الظاهر الموضوع صاحبه شي من التجريح لنا كسعوديين

يعنى اللى بس يحب يثرثر ويزيد عدد مشاركاته ياليت يحاول بس عن طريق غير هالطريق سواء كان عن السعوديه او عن غيرها من الدول الشقيقه


الطرح كان واضح ومحدد عن امكانية الزام المواقع بالتسجيل لدى استضافات سعوديه وعن السبل الممكنه لتجاوز النظام فيما لو احدث..

بعض المشاركات ماكان لها اى داعى او ارتباط بالموضوع


الاخ alnassaj انت اكبر من كلام قلته ولا انت قده فالمسكنه ماهى لنا يالسعوديين وعايشين بكرامتنا ولله الحمد تحت ضل حكومه رشيده رضينا بها كل الرضا

[BIGG BOSS]

صراحة اسلوب تفكيير خاطيء اجبار اصحاب المواقع باستضافة لدى مجموعة معينة وفيه تقييد للحرية الشخصية وحرية التجارة الخ...

اتمنى ان يعاد التفكير بالموضوع لانه غير منطقي وغير قابل للتطبيق على ارض الواقع


والنتيجة ستنعكس سلبا على اصحاب الاستضافة السعودية

لان في قاعدة تقول كل ممنوع مرغوب

وتحياتي