السلام عليكم
انا ما ابي اطول في الكلام لكن بصراحه اشوف كل يوم طلع لنا واحد حرامي ونصب على العالم ولا اثنين يتضاربون وبعدها يردون يتصالحون ولا كل واحد يقول للثاني انته حرامي وانته نصاب واعضاء كثيرين لهم نكات كثيره يحط الموضوع لبيع او لعرض سلعه وعنده 5 نكات اوا اكثر ويجلس يمدح في عارض السلعه وهو بالاصل صاحبها ... بصراحه سوالف تمصخرت من دخلوها هاليهال وخاصه انه الحين اجازه والكل فاضي ما عندهم سالفه :anger2: :anger1: :anger2: :anger1: ما يقدر الواحد يحط لا موضوع ولا شي الا قالوا هذا نصاب ولا هذا حرامي وانا واجهت اكثر من 8 نصابين ومن الجنسيه المعروفه هالاوقات للاسف لكن بعدني والحمدالله عندي اخوان واصحاب من نفس الجنسيه بس المشكله انهم حراميه ونصابين واطفال كل واحد ينصب على الثاني ... هذا يقوله انته نصاب .. والثاني يقوله لأ ... تذكر يوم انته نصب على وما ادر ي كيف
واللي يسرق بطاقات ويشتري ايميلات واللي يبيع اشياء مو ملكه ودومينات ... متى بيتم القسم هادي لا مشاكل ولا سب هذا يسب اهله والثاني يرد عليه ويسبه ... يعني هل بنلقى حل لهذي المشكله ولا بيتم القسم جذه ... يعني على الاقل اغلقوا التسجيل لانه القسم هذا جاد ومو للمصخره وللعب كل واحد دخل قال انا وانا وانا وانا ... واخر شي يطلع حرااااااااااامي :anger2:
واللي يعرض 250 موقع ب2000 درهم واخر شي يقولك ارسل الفلوس وبعدين ارسل لك المواقع مع السيرفر شو تتمصخر واخر شي بعد طلع حرامي
واللي يبيع دومينات ... ويقولك شوف كلام الشركه تقول انه انا اشتريت الدومين بالغلط حط الكلام وياه اسم دومين ثاني هههههههههه واخر شي طلع حرامي
يعني ما في حل ولا في حل .. ؟؟؟ لانه اللي ما يستاهل شلووووووووه واللي يستاهل خلووه ... في ناس وايد في سوالف محترمه لكن في مجموعه تبغي تخرب هالمنتدى كامل
لا حول ولا قوة الا بالله ... يهال ما عندهم شغل .. دخلوهم مراكز صيفيه ولا اللي يبغي يكلمني على حسابي الدخول لين شهر 9 وقت المدارس
الله المستعان
