الله يرحم والديكم ياجماعه..موقعي انلغى من الشركه بسبه الترخيص

[The eyes lover]

أخواني design4host ,FHM ،SecurityWay

الله يجزاكم الف خير وقفتكم معي كبيره ماراح أنساها أبداً الله يوفقكم دنيا وآخره .

==
حبيب قلبي Boost ..انا رحت عند الأجانب لأنهم ارخص بصراحه
ودعم فني أسرع مما تتوقع لكن الشكوى لله والله لايوفقك من كان السبب راعي الترخيص الي شريته منه وعلى فكره أسمه shroq.net
هنا موجود في المنتدى يبيع تراخيص ببطاقات فيز مسروقه استعملت الترخيص لمده اسبوع وبعدين دخلت بنزل آخر اصدار لقت مكتوب على خيارات التنزيل شارج باك راسلت شركه فيبيلتون قالولي ان الترخيص مشترى بكردت كارد مسروقه وبأسم كرستينا مدري أيش رجعت للي شريت منه الترخيص قال بعطيك واحد جديد وإلى يومك مايرد على الجوال .
تقدر تشوف الموضوع حق التراخيص كامل من هنا http://www.swalif.net/softs/showthre...ight=shroq.net

والله يجزاك الف خير حبيبي ويوفقك دنيا وآخره يارب العالمين ماتعرف قد ايش خففت عني بردك الله اعلم بالحال ورسالتك برسلها كآخر محاوله . لأن أخوي طارق (Hosting Gate) واقف معي وقفه نشاما بعمري ماراح أنسها ازعجته ازعاج الله لايوريكم وهذاه قاعد يحاول ويعطيني حلول وكلم الشركه وفهمهم وانا واثق فيه ثقه عمياء أنه قدها وقدود ولا تهون حبيبي..إن شاء الله يبين كل شي يوم السبت أو الأحد .

تدرون ياجماعه والله العظيم كرهت النت كل أبوه بعد الي صارلي هذا
حرام الي صار..

الله يعين ويوفقك

تشكرات ياشباب مره ثانيه

[design4host]

اخوي The eyes lover
لو على الدعم الفني السريع عندك الاخ طارق ... يعني ما يبي له كلام .. رساله واحده فقط ... غمض وافتح تلقى الرد .. اللهم لا حسد اسال مجرب


بس اخوي ما عندي باك اب قديم او اي شي عن الموقع على الاقل تستفيد منه

[web4host]

الله يسهل عليك
هذا الي يثق بلنجليز ويقول العرب اطفال خل يشوف مشكلة الاخ
راح موقع والسبب ترخيص


تحياتي

[شبكة عبير الشوق]

الله يكون في عونك حبيبي ..
ووالله لو عندي لغة ممتازه كان فزعت معك !
لكن الشكوى لله


تحياتي
شبكة عبير الشوق

[SAREE]

السلام عليكم و رحمة الله و بركاته...


الله يجيرك في مصيبتك اخي... نعم السيرفرات و الشركات الغربية افضل بكثير بس الحق يقال يمكن تحصل كم من موقع عربي متميز. بس الغربي مشكلته انك لازم تكون في السليم كل شي عندك و اكبر خطاء عندك عدم اخذ باك اب ياخي اشتري مساحة بسيطة في موقع اخر و سوي للباك اب سند على الافتيبي ما بياخذ معك وقت ابداء لكن الله يهديك هذا خطاء منك. و للي يبيع للناس تراخيص مسروقة يأكل نار في بطنه و انشاء الله يلقاها قدامه في الدنيا قبل الاخرة يا رب..

الله يعينك اخي ايز و اتمنى انك توفق في رد الباك اب القديم و تتخذ احتياطاتك في ترتيب باك اب للموقع لو اسبوعي.

والله المستعان

[LobbyHost]

أغسل ايدك من الاجانب .. مايغشمرون ..
اسأل مجرب ولا تسأل طبيب ... جربت اكثر من 5 شركات اجنبية وكل وحدة العن من الثانية

تامر على اي شي راسلني ... الايميل بالتوقيع

[SecurityWay]

السلام عليكم و رحمة الله و بركاته...


الله يجيرك في مصيبتك اخي... نعم السيرفرات و الشركات الغربية افضل بكثير بس الحق يقال يمكن تحصل كم من موقع عربي متميز. بس الغربي مشكلته انك لازم تكون في السليم كل شي عندك و اكبر خطاء عندك عدم اخذ باك اب ياخي اشتري مساحة بسيطة في موقع اخر و سوي للباك اب سند على الافتيبي ما بياخذ معك وقت ابداء لكن الله يهديك هذا خطاء منك. و للي يبيع للناس تراخيص مسروقة يأكل نار في بطنه و انشاء الله يلقاها قدامه في الدنيا قبل الاخرة يا رب..

الله يعينك اخي ايز و اتمنى انك توفق في رد الباك اب القديم و تتخذ احتياطاتك في ترتيب باك اب للموقع لو اسبوعي.

والله المستعان

السلام عليكم

الموضوع قديم من 5 شهور والاخ الحمد لله رجع له الباك اب

[mad_4u]

يؤ يؤ يؤ :con2:

[MANTEK]

اللي رفع الموضوع خلانا نتطمن على موقع الاخ

بس اش اللي صار بالضبط وكيف اقتنعوا هذولي ورجعهوا الباك اب

[صبي غامد]

عضو نشيط ياناس :nice:

[thadiq]

يالغالي انا مأخذ ترخيص للمنتدى من شروق

والاخ خالد مايجتاج انه يسرق فيز

وهذه شهادة حق

ليه انا ما اتلغى الترخيص ؟؟

والى الان مسجل بأسمي

يمكن معطيهم انت رقم زبون غلط

او هم ناوين يصرفونك وقالوا هالكلام

وأعتقد الكثير الكثير من الاخوان هنا مستفيدين من الاخ خالد ويكفي تعريب الاحلام للمنتديات

واكثر من عشرة اعرفهم مرخصين من الاخ خالد ولا عمر واحد قال ياخالد سرقتني

وعلى فكره وينك من يوم انسرقت يالحيبب عنه ليه ماكلمته

قسم بالله اني اقول كلمة حق ولا اقصد بها زلفى او اني اعرفه بدافع عنه

[The eyes lover]

السلام عليكم

اخواني..الموضوع قديم والحمد لله رجع الموقع ونزلت موضوع شكر للي ساعدني وكل شي تمام الحين .

MANTEK - قدرت ارجع الباك أب بحجه أن الرساله التحذيريه ماوصلتني منهم وهذا صحيح والف شكر حبيب قلبي على المتابعه.


sa7ar - خالد الي تتكلم عنه اتصلت أول مره رد علي فيها قلتله الموضوع أن الترخيص مسحوب وترى باقي كم يوم

ويمسحون الباك أب وقالي اوكي بكرى بالكثير اجيبلك تصريح جديد كانت آخر كلمه سمعتها منه بكرى وإلى يومك ماشفته

أتصلت عليه مليون مره وأكثر من رقم وارسلت الف رساله حتى صرت ما عد ابي منه ترخيص ابيه يرد بس بطيح الي في

راسي ولا شفته إلى يومك لوه رجال و ولد رجال كان رد علي وصار عند كلمته مو وهقني وانحذف موقعي وتمرمطت .

وبعدين لوه مو نصاب أقل شي رجع الفلوس مو الترخيص مسحوب !! ليه مارجع المبلغ على شان مانقول انه نصاب !!

الفيزا الي رخص فيها مسروقه و موقع الـvBulletin رجع الترخيص وبلغني أن الفيزا هاذي مسروقه ولو تبي أجيبلك أسم

صاحب البطاقه ومكان اصدارها وللمعلومية هي بأسم بنت .

وبعدين شكلك ماتفهم شي في التراخيص ولا التعاريب من يوم قلتلي اني معطيهم رقم الزبون غلط..إلى الآن الترخيص القديم قصدي

المسروق موجود معي .. أو يمكن انك تبي تغلطني على شان تتستر عليه !!! على العموم ترى فيه رجال يدوره إلى

الحين وهو راعي منتديات الرومانسي إذا كان ولد أمه وأبوة لايتصل يرد بس .

وبالنسبه للتعريب الأحلام هو في الأصل تعريب عماد الكهف للـrc4 لكن الأخ الحبيب غير رقم الاصدار وكتب تعريب الاحلام.


انا ما كنت راح اقول ولا حرف من موضوع الترخيص ولا كنت أبي افضح فيه في المنتديات وانزل مواضيع عنه او اقول شي

عنه في الفتره الي مضت واعتبره هذا كرم وطيبه مني ويعلم الله أني كنت اعامله بمنتهى الأحترام والتقدير أكثر من

نفسي ولو تشوف بدايه موضوعي هذا كاتب "كان عندي منتدى مرخصه من واحد من الزملاء الله يهديه مدري وش جاه "

على العموم شكلك أنت وياه من طينه وحده والكلام الي اقوله هذا طاير في الهوى

[thadiq]

جزاك الله كل خير على هالكلمات الجميله والاسلوب الراقي

عموما مثل ماقلت انا وخالد من طينه وحده ويشرفني هالشيء

[شفاف]

السلام عليكم

The eyes lover

مشكلتك نفس مشكلتي
انا سحبو الترخيص وهو من shrooq.net ووالله متوهق ..
المستضيف ماقصر معي والله وقف معي وبلغني وانا ماخذن منه اونر ..

ممكن تعطيني الحل وش السواااه ؟؟؟

ابي فزعتك تكفى ... وش الحل ؟؟؟

دفعت له 500 اونر .. وللحين تقفل بسرعه ..
وش الحل ؟؟؟؟

دبرونا

[mad_4u]

رخص منتداك
لو تبي ترخص بسعر الشركه ضيفني مسنجر الايميل في التوقيع