هل بيرجع mr_graphicsx الــ600 ر يال حقتي؟؟
بسم الله الرحمن الرحيم
انا المدعو صاحب موقع www.touof.com
استعرت هذا النك نيم من الأخ عدنان لاطرح مشكلتي وانصافي بالحق
كنت من زوار هذا الموقع دائماً وابداً
ولفت نظري المدعو mr_graphicsx
في اسلوب كلامه المعسووول والمزيوون والخلوووق جداً جداً
حتى وصلت لدرجة اني لم اقاوم التعامل معه
فقلت ونعم الرجل هو !!!!
اضفته بالمسنجر
ومثل عادته هو بالمسنجر كانه يكتب موضوعاً بسوالف من الذوق والخلق في الكلام والابتسامه التي مثل هذه لاتفارقه مع كل سطر >>
كان تعاملي الأول معه بسبب الحملة الاعلانية التي طلب المشركة فيها من قبل اعضاء سوالف
ولكن بائت بالفشل << اتعرفون لماذا بآءت بالفشل ( الثقة ليست كبيره )
استمرينا علاقة حميمة جداً جدتً حتى كدنا ان نحسد بعضنا عليها
*************************************************
القصة الأصلية للموضوع
جا في بالي اسوي ديوان شعر
قلت لاتروح الا للناس الثقه فماعندي غير mr_graphicsx
فماترددت ان اطرح عليه الموضوع بان يصمم لي ديوان شعر
فبادر بالرد علي انه في بداية مشوارة في هذا المجال
وانه قد عمل واحداً وارانية ( يوجد بالديوان الذي رئيته ستايل )
فملئ عيني بهذا الديوان الذي عمله في بداية مشواره
قلت له اريد افضل منه
رد علي قال لاتشيل هم
اسوي لك احسن منه
رد علي بهذه الطريقه ( انا فاضي هاليومين خميس وجمعه خلني اطقطق فيه شوي يعني من الفضاوي خلني اسوي شي وندخل فيها فلووس ) << تخيلو يدخل فلووس من الفضاوة << يقصد نجرب على موقعك ونطقطق فلوس منه شوي في هاليومين
قلت له تم
وبيض الوجه ابي شي عجيب وشي جديد شي مو عادي
وابي تصميم فوتوشوب مايعلى عليه
لدرجة اني قلت ابدع في الفوتوشوب حس اني غلطت بحقه لانه ماخذ من نفسه قمة الفوتوشوب عند (mr_graphicsx )
بدينا الشغل يوم الأربعا
قال الجمعه يكون عندك الليل او السبت
قلت زين هذا الشغل العدل مو مثل المواقع الثانيه تعطيك شهر او شهرين عشان تسلم الشغل
انتظرت على ناااااااااااااااااااار هالديوان
جا الجمعه .. السبت .. وين الدويان قال معليش لانه php وصعب شوي اصبر علي
قلت تم ولا يصير خاطرك الا طيب وحرصت عليه بيض الوجه يا mr_graphicsومثل العاده رده مع ابتسامه مثل هذه >>
جا اللأثنين ولا جا شي قلنا مش حالك.. جا الثلاثاء قال خلصت
قلت يافرحتي يا ناس يا ان موقعي هذا افضل موقع في العالم كله بهذا الديوان اللي جلس اسبوع الا يوم
ركب لي الديوان وانا من حرصي اهملت شغلي لاني كنت بالعمل وقلت ابي ابهر عيني .ابي اكحل في ديوااااااااااااان طيوووووووووووووف
ركب لي الديوان( سكربت ابيض فاضي ولا صورة وحده فيه صورة حمرا فوووق اسمها بنر على قولته ولما تجي تكتب موضوع الكتابه بيضاء يعني الزبده تكتب بقلم ابيض على سكربت ابيض
علق فيه صورة فوق سماها بنر
مسكت راسي
قلت يا ابو الشباب عدل بدل
قال انا قلت لك اني جديد
جديد مافيه مشكله
لكن اللي وريتنيه يوم قبل نتفق احسن من ذا
معطيني ديوان فيه بنر ولوحة بيضاء وخطوطه بيضاء ( ماينقرا اللي تكتبه )وتقول هذا ديوان
اتوقع ركب سكربت بدون ستايل وحط له بنر وقال جب 600 ريال :S
يا ناس يا عالم سوالف
ديوان شعر بــ 600 ريال على لوحة بيضاء وخط ابيض وصورة معلقه فووووووووق
يارجال عدل بدل
قلت كوكتيل اليل انا منحاش منه يسوي احسن من هذا
كوكتيل اللي يركني 3 شهور عشان يسلم الشغل احسن من هذا
لكن ادفع 600 ريال عشان هذا
لا والله هذا شي مايعجبني
قال لي يا رجال انا عارف ان الشغل ما اعجبك لكن اعذرني توني جديد
يا خوك توك جديد زين مابه خلاف لكن انت وريتني شي يختلف عن اللي عطيتني
اللي شفته منك كان فيه شي اسمه ( ستايل ) واللي عطتني ( سكربت فاضي ) شفت الفرق الحين يا mr_graphics
قال عندي لك حل
باعوضك بشي ثاني ( بيعطيني بديل )
تدرون وشو ؟؟؟؟
قال عطني اي موقع واصممه لك من الأول للآخر
هل انا اضفتك مسنجر وارسلت لك فلووس واتفقت وياك على شغله ( ديوان شعر ) عشان تسوي لي شي بديل
*انا استحيت اقوله كذا
تدرون ليش
لانه مازال مع الصورة الساحره هذ مع كل سطر يكتبه لي مسنجر >>>
قلت هذي فيها قطع ارقاب
وقلت تراني راضي عليك << يبي يبيض الوجه ويسوي علووم الرجال
قال خلاص اتفقنا الحمد لله << كان الأستاذ mr_graphics ماصدق خبر
اخذ علي 600 ريال وقلت رضيت عليك قال خلاص الوجه من الوجه ابيض
* الرجال للحين شاد حيله يعرض علي تمبلتات عارضها للبيع
وش اسوي بالتمبلتات هذي انا ؟؟؟
موقعي مصمم وخالص منه
افتح لي موقع جديد عشان تحط فيه تمبلتاتك هذي
اتفقت وياك على ديوان شعر .. وتبي تسد فمي بتمبلتات
قال بارسلك فلووسك
قلت معصي ماترسلها
خلاص باختار تمبلت من التمبلتات اللي عطيتني وارد لك خبر :funny:
مر اسبوع او اقل منه من اسبووع
قلت يا mr_graphics ودي انك تسير على موقعي شوي نسوي فيه بعض التعديلات
قال مشغول والله يا اخوي
انا استحيت على وجهي ولا عدتها
ازعجت الرجال في شغله
مر اسبوع ثاني قلت ماودك تسير على الموقع يا mr_graphics قال مشغول والله هاليومين
استحيت على وجهي وقلت مانيب مكلمة الا بعد اسبوعين عشان ياخذ راحته ويخلص شغله
ومرت اسبويعن وعلى نس الرد مشغول والله هاليومين
كملنا في الأخير شهرين وفكه
فكة = كم اسبوع
النفس طابت والرد على ماهو عليه
مشغول مشغول ياخوك شوي
لكن هالمره شغلة شوي طوويل
تدرون ليش
لانه بيشتغل على موقعه الخاص
يعني ردد ياليل ما اطولك عشان يسير على موقعك ويرقع فيه عشان تعويض 600
بدال الديوان اللي طلبته
وصلت معي وبديت اشد فيه بالكلام
لاتلوموني .. واحد جالس شهرين ينتظر ديوان او تعويض .. عطاه ديوان سكربت بدون ستايل مع رسمة حمرا فوق يسميها بنر .. ومايبيني اعصب :anger2:
شلون ما اعصب ومخليني منطق لي شهرين عشان شغلك ومشغول ومعليش مشغول واعذرني مشغول لا والله مشغول:anger2:
وش بقى فيه كلام من مشغول هذي :anger2:
قلت اي طيب خلك بشغلك اجل واحذفني من عندك
قال وش السالفه تراني موقف كل اللي معي مسنجر والشغل كله عشان انهي الموضوع اللي معك
قلت تبي تنهيه كان انهيته اول مو تجتهد فيه الحين
قال وش في خاطرك قل وامر اخوي << قلب معسول مثل عوايده بين يوم وليله
قلت ابد ما ابي منك ولا عاد تقول وش تبي وامر اخوي
رح الله يستر عليك
تراني ارسلت لك الفلووس وواثق فيك وانك ماراح تسرقني
قال يعني تتهمني اني سرقتك
اي سرقتني 600 ريال ولطعتني شهرين على وعدود في الهوا :anger2:
لكن ماتهمني 600 ريال مايهمني الا اني وثقت في رجال وخسرته :anger2: وندمت على الثقه هذي :anger2:
لكن مااقول خساره والله خساره اني جلست هالمده عشان اشوف هالنتيجة
واعطيه بلوك ودليت:anger2:
لكن قبل البلوك والدليت
قلت تراني مانيب من النوعيه اللي افضح العالم في المواقع واشهر فيهم
قال كلمة مت عليها من الضحك
قال تكفى لاتفضحني في سوالف وتشهر فيني
وطلب مني كلمة قبل البلوك والدليت وهي :
قال ابيك تقول ( مع السلامه )
يحسب اني لما اقولها اني رضيت عليه
انا استحي اقولك عطني الفلووس
شلون تتجراء تقول قلي مع السلامه
يعني خذيت الفلوس وتبي أقول مع السلامه
فوصلت عندي الحراره الى H :anger2:
فصمخته ببلوك ودليت على وجهه
وبعد اسبوعين وفكه
فكه = كم اسبوع
خبرت اخوي عدنان صاحب هذا النك انه يشوف لي حل مع هذا الشخص المدعو mr_graphics
وعطيته ايميل المدعو mr_graphics
واضافة وماقصر عشان يشوف لي حل مع هالوضع المزري
شوفو وش المحادثه اللي جرت بيننا احنا يالثلاه ( الأخ عدنان--mr_graphics--وانا صاحب ديوان سكربت بد\دون ستايل
ارفقها مع هذا الرد
ولو عنده mr_graphics كلام يقدر يضيفة او عنده المحادثه يبي يضيفها له الامكانيه في الإضافة مع التعديلات اللأزمه
<< هذا الشخص مع شهوده ومحادثته مع المدعو mr_graphics والاخ الكريم عدنان
انتظر رئيكم باللي حصل كله
وهل انا غلطان اني طلبت حقي بعد ماعطاني سكربت فيه رسمه فوق يسميها بنر :anger2: ؟؟
وهل انا ملام اني شديت معه بالكلام وتكلمت عليه بعد ماقعدت شهرين كلها مشغول مشغول ؟؟
وهل هو صادق بكلامه انه مايعطيني الفلووس لاني غلطت عليه ومدري ايش :anger2:
ارفق لكم هذا الملف في المحادثه الأخير مع مع الأخ عدنان الذي يدعي نفسه مستر جرافيكس :anger2:
