السلام عليكم ورحمة الله وبركاته
في الحقيقه الي دفعني لكتابة هذا الموضوع شي واحد
وهو التعريف بشركه صادفني معها موقف ما راح بيوم انساه
القصه كالتالي
كنت مستضيف عند شركة
net4serv.com
وكنت بمعنى الكلمه مرتاح عندهم يشهد الله تقريبا قربت السنه وما مره لود السيرفر وصل عندي 1 بالميه الا لما اضغط على السيرفر بارسال رساله للاعضاء بالمنتديين الي شغالين عندي
وما يرتفع اكثر من 1 ونص
وما اذكر ان صار لي اي مشكله من اي نوع مع الشركه وهذي حقيقه مو مجامله ووالله ماهي دعايه
الي صار اني استكثرت المبلغ الي انا مستضيف فيه وممكن عشان اني ابغى اقلل المبلغ لاني ابغى اكبر مساحتي واعلي الترافيك
وكان البحث عن الشركات الاجنبيه بدا
وبحثت الى ان استقريت عند شركه ميكفو
كتبت عنها بسوالف حتى قبل ان ابلغ المستضيف اني راح انقل
وعندما ابلغت المستضيف كان رده لي الي كان يمتاز بالعصبيه وش السبب للنقل وليه راح تنقل
في حد ضايقك متضايق من شي ودك بشي ؟؟ وكان على استعداد يلبي اي شي والله العالم
لكن انا اصريت اني راح انقل
وبعد كتابتي اسال عن الشركه هنا بسوالف
http://www.swalif.net/softs/showthre...threadid=89396
وفيه شخص جزاه الله خير
جاب لي تاريخ مفصل عن الشركه واتضح انه راح وسال عنها بكل صغيره وكبيره وهم نصحني اني انقل لانه شاف فيها المميزات كويسه
بصراحه يوم النقل كلمته
قلت له يا فلان ودي انقل اليوم ويا ليت تفتح الشل للشركه وانا ابراسلهم
قال انا الي راح اراسلهم وانت بذمتي لين تصير على مساحتهم
راسلهم وبكل صدق الموقع ما اخذ نس ساعه الا وهو على الشركه الثانيه وبمساعدته هو
راسلهم بالتكت تبعي وعدل معهم وكأن الموقع تبعه مو لي
بعدها بكم يوم صار الي ما توقعت انه يصير
صار عطل بالشركه واتضح لي اني صرت على الحديده فقدت كل شي املكه بالموقع
راسلتهم وكلمتهم وشعارهم
طنش تعش تنتعش
صراحه جلست بالحاله هذي اكثر من 20 ساعه
بعدها كلمت المستضيف الاول وقلت له كذا وكذا وكذا وش الي اقدر اعمله
قال لي ابشر ربع ساعه وانا عندك بالماسنجر
فعلا ربع ساعه وهو شابك وحاول يوصل لنتيجه وما قدر
وقال عطني مهلة نص ساعه
خلالها كان الموقع مربوط والباك اب الاخير موجود وكل الي كان علي اعمله ربط الدي ان اس
وكانت نهاية قصة نقل ما دام اكثر من اسبوع لشركه اجنبيه
صراحه موقف الاستضافه الاولى كان بحق موقف الاخ والصديق والمستضيف وصاحب الموقع حتى
صدقوني ماهي اعلان لشركه بقدر ماهي نصيحه لكل واحد وده يروح للغريب بهدف انه ارخص
روح للأضمن وهذا الي تعلمته
بالنهايه رسالة شكر وتقدير
للشبكه العربيه
الله يديمكم ويوفقكم لكل خير
غشـــام