الســلام عليكم ورحمة الله وبركاته ..
اسعد الله اوقاتكم بكل خير ..
وكل عام وانتم بخير وصحه وسلامه .. << للي ماعايدنا عليه ..
طبعاً لا تستغربون الموضوع .. احنا في عصر التقدم
وكل من قال انا فتح له قناة اغاني .. وصارت اكثر من الهم على القلب ..
بس احنا غير ..
السالفه وما فيها .. بما اننا نحب سوالف سوفت لهذي الدرجه ..
ليس ما نفتح لنا قناة تعليميه ..
يكون مدير القناة المنفذ :
ابو مشعــل والمنتج العام << يعني راعي الفلوس
وبكذا تكون هذي القناة إعلانيه لمواقعنا وتعليميه لشعوبنا ..
وبدل ما الواحد مسنتر لي على البرتقاله يستفيد ويجلس على قناة
سواء دينيه مثل قناة المجد ماشاء الله عليهم ..
او قناة تعليميه تهتم بالدروس ..
تلقى يكون هناك على الهواء مباشر :
= دروس في تطوير المواقع
= دروس في تطوير المنتديات وحمايتها والتصميم
=دروس في الـ php والبرمجه بأنواعها
= دروس في الـ التصميم والفتوشوب ..
= دروس في الحماية والاستضافة ..
------------------------------
ويكون كذلك هناك .. مقابلات مع ناس من اعضاء سوالف البارزين ..
سواء مباشر او هاتفياً او من خلال موقع سوالف سوفت ويعرض مباشر على القناة .. ..
-----------------------------
نهتم ايضاً بالإعلانات للمواقع الكبيره ... ونوفر اشياء قد تعود على
القناة والموقع بالنفع الكبير ..
-----------------------------
اعتقد لا يوجد هناك مستحيل وصدقوني اننا نستطيع ان نفعل المستحيل ونكون اول قناة تعليميه بحته مو مثل بعض القنوات اللي التعليم في صوب وهي في صوب ..
اترك الموضوع لكم ادري فيه ناس بتقلبه شمنقح حبش ...
اوكيه بكيفكم بس عاد لا تنسونا من الردود العقلانيه وخلونا نطور من انفسنا شوي بأن نتحد ونطور من المستخدم العربي ..
بأي طريقه كانت ومو بشرط ان تكون عن طريق قنوات فضائيه خلونا نسوي شيء ملموس .. ومفيد للجميع ..
طبعاً المنتج هذي مافيها كلام .. ابو مشعل ..
والمخرج .. الاخ رضا والاخ ابو منار ..
والشباب الباقين اتركهم عليكم تتوزعونهم على مهام القناة ..
الي بيكون مقرها الرسمي في الرياض ( برج المملكه ) الدور 29
<< تكفى ياللي بينافس " أتحاد الإتصالات " << الدور 28
تحياتي لكم
اخوكم الوافي