السلام علي من امن بالله ورسوله
بعد قرأتي للموضوع جيدا
شوفت بعض أشياء ما بين السطور
فعلا حسنى مبارك أحسن الوحشين
مفيش واحد أترشح جدير بالثقه ان يكون بدل من مبارك
مفيش واحد أترشح يكون وجهه لمصر
مفيش واحد ترشح ليه خبر زي مبارك
مفيش واحد ترشح له خطه جيده علشان الناس ترشحه
مفيش واحد ترشح من الجيش
تعقيبي على نقطه الجيش ( لازم يكون رجل عسكرى هو اللى يمسك البلد )
أحنا فرعنه ما يقدر علينا غير ربنا
مبارك شبع بكتير لو واحد دخل جديد فعلا هياكل البلد
مبارك عجبني فى شئ واحد
وبعتزر لـ اخواني فى الوطن العربي
مفيش جندي أجنبي على أرض مصر
السعوديه فى قاعده أمريكيه
قطر فى قاعده أمريكيه
الامارت فى قاعده أمريكيه
الكويت فى قاعده أمريكيه
وفى بعض الدول العربيه كثيرة بها جنود أمريكيه
طيب ليه مصر مش فيها جندي أجنبي ؟؟؟؟؟
مع ان مصر المستهدفه الاكبر لبعض الدول الكبيره
دي الحاجه اللى عجبتني فيه بصراحه
أنا من محبي أنور السادات
أشمعنه مبارك اللى أنور السادات أختاره
أنور السادات من أعظم الناس اللى قرأت عنهم
وليه معزه خاصه في قلبي وفي قلب معظم المصرين والعرب
أختاروة ليه يكون نائب ليه ؟؟
أكيد أختياره موفق
هقول مثال
أنا بقالي 7 سنين على النت تقريبا
أعرف ناس كتيره جدا جدا جدا
وكلمت ناس كتيرة
وليا أتصلاتي
غير اما واحد يكون لسه داخل النت جديد
مش هيقدر يكون عنده خبرة أكتر مني
اللى بنشوفه حالياً
بعض الاشخاص بتدخل فى مجال الانترنت ( الاستضافه )
أول حاجه بيعملوها بينصبو على الناس لحد أما يستقر وضعهم المالي
طيب مبارك وضعه المالى مستقر جدا
وما فى أحد بصراحه عمل اللى هو عمله
فى أتنين لا يشبعو
طالب علم وطالب مال
عن نفسي بعد تفكير فى الموضوع دة لقيت فعلا أنك مبارك هو الاصلح لمصر
تم تصفيه المرشحين الى 10 أشخاص فقط
مثلا هجيب واحد من اللى خرجو من الترشيح
طلعت السادات
سمعت من ناس أن أنور السادات عمه
وتأكد من هذا فعلا
وقولت انا اول من أرشحه
تفأجأت أنه أستبعد
سئلت أستبعدوة ليه
هو كده بقا كان هيفوز
طلع والدة كان تاجر مخدرات
ونعم والهي
ندخل على أيمن نور
بصراحه شديد ميوله علماني
وياريت ما حد يزعل مني فى الكلمه اللى هقولها
كل المحامين نصابين بمعني الكلمه
يكون القاتل قاتل ويقول للقاضى
لا مش هو اللى قاتل دة قبل ما يضربه بالنار
جاتلو ساكته قلبيه من الخضه
ولا يطبقو حدود الله
تحايل على الدين والقانون
موضوع الجواز العرفي كان ظاهره منتشره جدا فى مصر
وكانو سببها المحامين
اللى هيقول فى محامي شريف ومحامي غير شريف يبقا راجل غلطان
واحد عارف كويس جدا أن الراجل دة تاجر مخدرات ويقول لا
اللى كان معاه دة حنه مش حشيش غير وغير وغير
بمعني المحاماه مهنه غير شريفه
ولا أعتقد بأي محامي نهائياً
--
فعلا يا جماعه البلد فيها البدع
( بتأسف على الكلمات اللى جايه بس دي من جريده رسميه )
بقرا فى جريده الاهرام لقيت المقال دة
تسألها عن الخلع.. تقولك جوزي وأنا حرة فيه !!!
دي القصه شوف كده معايا
تروي مأساتها مع الكمبيوتر الذي تسبب في خلافات مع المحروس جوزها
، قالت أمام القاضي و الألم و الحسرة يعتصرانها ، تزوجته منذ عامين و لم ننجب أطفالاً ،
و زوجي في دنيا تانية مع الكمبيوتر ، كنت أعتقد أنه " هواية " لكنني اكتشفت أنه " بيموت " فيه ،
يبقى أمامه 14 ساعة يومياً ، و يسهر و أنشغل أنا – معه حتى مطلع الفجر
و الأدهى في ذلك أنه في الشهور الأخيرة اكتشفت أنه على علاقات متعددة مع فتيات
في دول أخرى و يمارس معهن الرذيلة ،
و أنا نائمة لا أعلم ماذا يحدث ، كنت يا سيادة القاضي أحترمه و أقدره ،
الآن لا أستطيع أن أعيش معه ، النذل ، الجبان ، بتاع النت ، المهم ،
عينت المحكمة حكمين من أسرتيهما ، و أقر – الحكمان – أن الزوج وافق على الصلح ،
و رفضت الزوجة و طلبت الخلع ، فقضت المحكمة بخلعها ،
بعد رد مبلغ 10 آلاف جنيه ، قيمة مقدم الصداق و تنازلها عن حقوقها الشرعية و القانونية .
طيب أفترضنا أنه بيمارس الرزيله
هيمارسها على النت ما انته مرميه جنبوة اهو
الخلع فى الاسلام تمام
بس التحايل على الدين غلط :s
بيحسسنا أننا فى دوله فاسده
---
نرجع تاني لمبارك
فعلا هو الولد المطيع لـ أميركا
بس فى بعض الاحيان بيعمل أستوب لكل حاجه
فى واحد أعرفوة كان فى الجيش وتجنيدوة جيه فى الحرس الجمهوري
بيقولى الساعه 9 صباحا يومياً
وزير الداخليه ووزير الحربيه
بيكونو موجودين عند الباشا
بيعرضو عليه حاله البلد أمبارح
تقرير مفصل وكامل عن البلد
ممكن يكون عندوة مين اللى أجوزت أمبارح ومين اللى أطلقت
كل حاجه مفصله
الناس المقربين ليه نسبه الولاء ليه بنسبه 90 % بجد بيحبوة لانه مريحهم
--
فى ظلم فى البلد كبير أيوة وفى حجات كتير أوي بتمشى بالفلوس والمصالح
يعني عايز تشتغل مش تروح لشيخ علشان يعينك
تروح لفنانه <====== شايفه الكلمه فنانه
رقاصه يعني وهيا هتعينك فى الحكومه
بس يا رب يكون فيه تغير
--
البلد فعلا محتاجه الشده علشان احنا فرعنا
محدش بجد بيقدر عليا الا ربنا
لا رئيس ولا غفير وممكن فى أي وقت واحد يروح يضرب نار عليه ويموته
بس نقارن بين المرشحين لـ رأسه الجمهويه
ونشوف
مبارك : غاني عن التعريف
أيمن نور : شرحت موضوعه
اسامة شلتوت: حزب التكافل
وحيد فخرى : حزب مصر العربي الاشتراكي
محمد ترك : حزب الاتحاد الاشتراكي
أحمد عوض : حزب الامه
وبعض الاخرين
أحسنهم 2 .... مبارك وأيمن نور
الاختيار يكون عليهم فقط
نقارن بين الاتنين ؟؟
مبارك : له باع طويل فى مجال السياسه
نور : شاكك فيه
مبارك : معاه بكتير
نور : مقشف
مبارك : ليه علاقات خارجيه جيده جداً
نور : علاقاته متوقفه على داخل مصر فقط
مبارك : مش محتاج شهره
نور : محامي حتي لو مش فاز خد شهره جيده
مبارك : رجل محنك فى السياسه الداخليه والخارجيه
نور : ليس له علاقه الا بـ السياسه الداخليه
--
فى حجات كتيره جدا بتخلي الناس تنظر لمبارك
وتأيدوة لانه أحسن الوحشين
ممكن يسمع كلام الشعب ويجرى حمله تطهير
ممكن ربنا يهديه ويمشى بمبدأ الاسلام
لكن راجل علماني مش ينفع معانا بصراحه
الموضوع كبير مش سهل
مصير بلد كامله
مش أحنا اللى هنعمله ولا هنقول أيوة أو لا
طولت عليكم
ولنا فى الحديث بقيه أن شاء الله
يا هنا يا فى أمن الدوله :nice: