السلام عليكم ..
مأدري كيف أبدآ بموضوعي او بالأصح خربشاتي .. فكمآ تعودنآ من منتدى سوآلف الحضن الدآفى لكل عضو فيه
حقيقه كنت أقرى مواضيع الأخوه .. (فلأن إلى رحمة الله .. آنتقال إلى رحمة الله العضو ) وكنت ادخل واشوف الردود كلها دعآء للشخص .. وكنت من ضمن الأشخاص اللي يكتبون الدعاء لهؤلأء الأعضاء بالرحمه .. رحمهم الله جميعاً .. وثبتهم واسكنهم فسيح جناته ..
كنت ادعو لهم لكن لم اكن احس بما يحسه اصدثاء المتوفى او اخوانه ..
احط عبارة الرحمه .. ثم انتقل لموضوع آخر .. ويكون فيه شوي مداعبه .. واضحك رغم اني كنت كاتب قبل شوي دعاء للمتوفي ..
بإختصار .. آنآ وآخوٍي تركي (الله يرحمه)
تخيل شخص تتصل عليه الساعه 11:59 ليلاً لمدة 34 ثآنيه تضحك وتسولف وهو مسافر لعمل .. ثم فجأه بعد 14 ساعه يجيك خبر من المقربين لك بأن اخوك المسافر إلى منقطة شماليه صأر له حأدث مع ولد عمك وتوفى آخوٍك وولد عمك بالعنايه .. (ليس المقصود ضرب مثال فيكم لآ والله لكن تقريب فقط.. حمآكم الله وأهليكم وذريتكم من كل سؤء)..
صدمه.. يمكن تتمالك نفسك بالبدايه لكن النهايه آليمه ..
امس الماضي كان مسافر بالسياره واليوم يرجع في تابوت مع الشناط والعفش بالطياره ..
لأ اخفيكم وآنآ آكتب هذه الكلمأت ان دموعي تذرف على خدي لكن شي ذكرني بأخوي المتوفى من شهرين وتذكرتهأ يوم شفت ولد عمي امس وسولفت معه تذكرت اخوي ..
فأجعه حقيقةً .. مآيدري الوأحد شلون يتمالك نفسه .. بالإيمان والصبر .. نعم .. بس النفسيه تقدر تقول انهآ شبه عدمآنه ... كل مكآن في أرجآء البيت .. آلغرٍفه وحتى الكمبيوتر والمفضله يذكرني فيه ..
اصغر مني بسنتين لكن يعلم الله أنه بالنسبه لي أخ وروح ويمكن أب بالنسبه لي .. كمآ آنآ هذا الشي بالنسبه له ..
مازاد الطيب بله ان الحادث كان سياره نقل ثقيل (تريله) اعترضت الخط وكان السواق سعودي .. يستقبل الوالد واخواني بالمستشفى وهو يقول أن ولدكم هو المخطي .. (والعكس صحيح)
ثم قام بتلفيق القضيه وحولها ضد اخوي (رحمة الله عليه) وولد عمي .. واصبح الخطأ 100% بالميه على اخوي رحمه الله .. بسبب أن ابن له ضابط في القسم لعب بالسالفه ..
واتضح ان الخطآ .. عليهم و 100% .. كيف تتخيل ..
شعورٍ تجسد في دآخلي هل ضمائر الناس مأتت ؟؟ إلى هذه الدرجه اصبح الطمع في اموال الدنيا تصل لحد الكذب على ميت ؟؟؟؟ والله انها مأتسوى ظفر من ظفور اخوي لكن قهر تشوف كذا ..
آلآن .. آحسست بمآ يحسه هؤلآ .. وعآنيت بمآ سبقوني ممن عآنو من آلآم نفسيه وشعور دآخلي حزين مع ذبول البسمه ..
هذا أنأ وآنآ آخوٍه .. الأب وآلآم .. مآشعورٍهم .. جداً أليم حينمآ يتكلمون الصباح وكآنهم يصحونه من النوم للكليه او للعمل .. وعيونهم تدمع ..
رحمه الله رحمة وآسعه وأسكنه وأموآت المسلمين فسيح جنآته .. فلقد رحل إلى أرحم الرآحمين واكرم آلآكرمين .. جعله الله من سكآن الجنه ..
آسف اذا كآن الموضوع غير مرتب .. فقد اختلطت الكلمأت في شفتي بدموٍعي مع ابتسامة الذكريات الجميله أنأ وهو ..
ـــــــــــــــــــــ أبيآت في ترٍكي ـــــــــــــــــــــ
_رحل عني وخلاني أعيش بذاكرة دنياه..
توفى ليلة الجمعه بأول شهر شعباني..
_جلست أبكي بعد موته عجزت أتحمله فرقاه..
جنون صابني لاجله حبيبي أول وتالي..
_ أسلي روحي مع تركي لوحدي بس أنا وياه..
ولامره شعرت إنه يشيل بقلبه الغالي..
_بعد ما هالخبر جاني لهى فكري على ذكراه..
ذكرت مزوحه وحكيه سواليفه بجوالي..
_وعيني تسبح بدمعي مثل كاس تنضح ماه..
وحتى هدومي غرقانه تردت فيني الحالي..
_وصوته تعشقه أذني و بالمره بعد تهواه..
أبتخيل أنا موته أحسه جالس قبالي..
_ولو طالعت بعيوني على أية مكان ألقاه..
أشوفه قاعد وواقف ويمشي
"هذا موالي"..
_أنشهد إن ابوه اللي بايديه الطيبه رباه..
جميع الناس يحبونه ورب الكون رجالي..
_لفاني قبل ثالث يوم وشفته يبتسم محلاه..
كأنه جاء يودعني وداعه آخر وصالي..
_وسافر عني والمكتوب له من ربي ما خلاه..
ملك هالموت أخذ روحه بلياها الجسم خالي..
عساه برحمتك يارب ابدعي لك ("أيا رباه"..
تجاوز عن خطاياه وهبه المنزل العالي)..
_ويارب البشر عبدك شبابه مابعد أفناه..
أبيك تعوضه باقي الشباب أرجوك ياوالي..
_وعساها الحور تتهاوش تدور بسمته ورضاه..
_قسم بالله ياتركي وأكررها قسم بالله..
كرهت الدنيا من بعدك كرهت العيشه لحالي..
_عهد منساك ياتركي وحبك مستحيل أنساه..
تراك بداخلي تسكن وكل لحظه على بالي..
آخوٍكم عبدآلرٍحمنْ
رد مع اقتباس
